Vitamin b12

Saka Wikipédia Jawa, bauwarna mardika basa Jawa
Metilkobalamin kang dituduhaké ya iku wujud B12. Saka fisik katon bentuk-bentuk liya saka vitamin B12, kadadèn minangka kristal abang peteng kang bébas mbentuk cherry awerna bening ing banyu

Vitamin B12 utawa uga diarani kobalamin ya iku sawijiné vitamin kang bisa larut ing banyu kang migunani kanggo normalaké utek lan sistem saraf. Vitamin B12 uga migunani kanggo kawanguné getih ing jero awak. Padatan, vitamin iki apik kanggo metabolisme saben sèl ing awak, mligi prabawané kanggo sintesis lan regulasi DNA sarta sintesis asem lemak lan prodhuksi ènèrgi.[1] Padatan vitamin B12 tinemu ing panganan, kaya ta iwak, kerang, daging, lan endhog, uga kasil saka olahan susu.[1] Vitamin B12 katalèn karo protéin ing jero panganan. Asam klorida kang ana ing lambung ngeculaké B12 saka protéin sasuwéné prosès pencernaan.[1] Sawisé diculaké, B12 nggabung karo zat kang diarani faktor instrinsik (IF) sadurungé diserep ing jero ili getih.[1]

Kagunan[besut | besut sumber]

Vitamin B12 minangka nambani wong kang kurang vitamin B12 (defisiensi vitamin B12), keracunan sianida, lan defisiensi turun-temurun saka transcobalamin II.[2] Vitamin B12 diwènèhake minangka péranganing tes Schiling kanggo mangerteni anané lelara anemia persiniosa.[2] kanggo keracunan sianida, akèh-akèhé diwènèhi intravena lan trakadhang dicampuri natrium tiosulfat.[3] Kandhutan vitamin B12 ing awak wong tuwa bisa ngayomi utek pérangan artrofi kang bisa nyuda rèsiko panyusutan kang bisa njalari njalari lelara Alzheimer lan gangguan kagunan kognitif utek.[4]

Vitamin B12 uga wigati kanggo mbentuk sèl lan nglancaraké fungsi utek sarta sistem saraf. Kurang vitamin B12 bisa njalari anemia, karusakan saraf, kekeselen, lan pengeling-èling kang èlèk.[5] Njangkepi kabutuhan vitamin B12 wigati sanget kanggo njaga kasarasan.[5] WHO nyaranké supaya asupan padinan vitamin B12 bisa dijangkepi kanggo wong diwasa sadhuwuré umur 19 taun ya iku 2,4 mcg saben dina, wong wadon kang lagi ngandhut 2,6 mcg.[5] Sawatara ibu kang lagi nyusoni mbutuhaké 2,8 mcg vitamin B12 saben dina.[5]

Sumber[besut | besut sumber]

Vitamin B12 tinemu ing akèh panganan kang asalé saka kéwan, kalebu iwak lan kerang, daging mligi ati, unggas, endhog, susu, lan kasil olahan susu. Nanging, kandhutan vitamin B12 ing kuning endhog lan putih endhog bisa suda sawisé dipanasi.[6]

Cathetan suku[besut | besut sumber]

  1. a b c d Vitamin B12(diundhuh 6 Fèbruari 2013)
  2. a b "Vitamin B12". The American Society of Health-System Pharmacists. Dibukak ing 3 April 2011.
  3. Hall AH, Rumack BH (1987). "Hydroxycobalamin/sodium thiosulfate as a cyanide antidote". The Journal of Emergency Medicine. 5 (2): 115–21. doi:10.1016/0736-4679(87)90074-6. PMID 3295013.
  4. Vogiatzoglou A, Refsum H, Johnston C; et al. (2008). "Vitamin B12 status and rate of brain volume loss in community-dwelling elderly". Neurology. 71 (11): 826–32. doi:10.1212/01.wnl.0000325581.26991.f2. PMID 18779510. {{cite journal}}: Explicit use of et al. in: |author= (pitulung)CS1 maint: multiple names: authors list (link)
  5. a b c d Sumber Vitamin B12 bagi vegetarian(diundhuh 6 Fèbruari 2013)
  6. Doscherholmen A; et al. (1975). "Proc Soc Exp Biol Med". 149: 987–90. {{cite journal}}: Cite journal requires |journal= (pitulung); Explicit use of et al. in: |author= (pitulung)