Upacara tèh (Koréa)
| Upacara tèh (Koréa) | |
|---|---|
 | |
| Hangul | 다례 |
| Hanja | 茶禮 |
| Alihaksara Koréa Kang Sinampurna | darye |
| McCune–Reischauer | tarye |
Darye inggih punika wujuding upacara tèh tradhisional ingkang wonten ing Koréa. Darye punika ètika ngunjuk tèh utawi tatacara ngunjuk tèh ingkang sampun dipunwarisaken déning nènèk moyang bangsa Koréa saking èwunan taun kepengker. Upacara tèh Koréa punika kawiwitan saking upacara tèh Tionghoa saking Tiongkok. Pérangan paling wigati punika saking tatacara teh punika inggih punika bilih ngunjuk tèh ala Koréa dipunwahyakaken ing swasana ingkang formal nanging santé. Kajawi kanthi ancas manggihaken katentreman Upacara tèh korea punika ugi kanggé nglajengaken tradisi lawas bangsa Koréa.
Sajarah
[besut | besut sumber]
Rekaman sajarah kapisan babagan upacara tèh Koréa nyathet bab persembahan tèh kanggé arwah nenek moyang ingkang dipunlampahi taun 661 M dhumateng mendiang Raja Suro, pendiri karajan Geumgwan Gaya (42 M – 562 M). Cathetan sajarah saking Dinasti Goryeo (918 – 1392) nyebataken bilih persembahan tèh dipunwahyakaken ing wiyara tumrap mendiang biksu-biksu utama. Nalika jaman Dinasti Joseon (1492 – 1910), kulawarga astana Yi lan kaum bangsawan ngunjuk tèh kanthi tatacara ingkang prasaja, inggih punika tèh padintenan ingkang dipununjuk ing dinten-dinten biyasa, déné tatacara tèh mirunggan dipunlampahi kanggé prastawa tartamtu. Istilah kados makaten namung kapanggih wonten ing Koréa. Ing pungkasan Dinasti Joseon, rakyat biyasa wiwit nglampahi tatacara tèh kanggé dinten biyasa lan upacara penyembahan ndhèrèk tatacara teh Tionghoa wonten ing kitab Tatacara Kulawarga karyanipun Zhu Xi.
Jinising tèh
[besut | besut sumber]Kaping pisan upacara tèh dipunwahyakaken, godhong tèh ingkang dipun-ginakaken punika tèh ireng, dénée teh pu-erh ingkang sampun dipunsimpen dangu kawéntar sanget wonten ing Tiongkok. Tèh ingkang dangu punika dipunremeni sanget ing Koréa, mliginipun tèh Tiongkok ingkang dipununjuk déning tiyang ingkang pidalem wonten ing astana. Sanajan makaten, tèh punika arang dipunsimpen kanthi dangu. Tiyang Koréa langkung remen tèh seger ingkang nembé dipunopèk. Impor teh ijo kanggé kagiyatan religius Buda ndhèrèk paring warna rupa tèh lan tatacara tèh ing Koréa. Jinis tèh ijo punika dipunremeni kados jinis jakseol lan jugro, lajeng jinis sanèsipun kados byeoksoryeong, cheonhachun, wujeon, lan okcheon. Kajawi punika wonten ugi unjukan tèh saking bahan sanèsipun kados tèh krisan, tèh godhong kesemek, tèh gandhum lan sanèsipun. Raosipun tèh ing Koréa punika bènten-bènten, wonten raos pait, legi, asin, kecut lan tajem. Wewengkon Jeju punika kawéntar saking tèhipun ingkang asin amargi prabawa angin sagara, déné ing wewengkon dharatan ujung dipunprabawai déning faktor iklim, caranipun ngolah godhong tèh saha raosipun toya ingkang dipun-ginakaken.
Jinis upacara tèh
[besut | besut sumber]Para biksu Buda ing jaman Goryeo ngawontenaken upacara tèh kanggé kapreluan persembahan keagamaan. Nanging para bangsawan Konfusius (yangban) salajengipun miyaraken tatacara mau dados kaéndahan lan seni ingkang saged dipunraosaken sadaya lapisan masarakat. Wonten 15 jinis upacara tèh wigati ingkang dipunwontenaken, nanging ingkang paling umum inggih punika:
- Tatacara tèh padintenan – tatacara ngunjuk tèh padintenan ingkang dipunwiyaraken saking jaman Dinasti Joseon.
- Tatacara tèh mirunggan – tatacara ngunjuk tèh ingkang dipunwontenaken kanggé nyambut dhayoh lan adicara mantènan anggota kulawarga karajan.
- Tatacara tèh ratu – adicara ngunjuk tèh namung déning ratu, kulawarga lan kanca-kancanipun.
Ugi pirsani
[besut | besut sumber]Cathetan suku
[besut | besut sumber]- Jeon Wan-gil(전완길); Lee Kyeong-hee(이경희). "한국의 다문화와 다구 (Korean tea culture and tools)" . Sookmyung Women's University. Dibukak ing 2008-02-04.[pranala mati permanèn]
- Diana Rosen (July, 2001). "Koréa: The Other Tea Country". TeaMuse. Dibukak ing 2008-02-04.
{{cite web}}: Check date values in:|date=(pitulung); Cite has empty unknown parameter:|1=(pitulung)
Pranala njawi
[besut | besut sumber]- 'Cangkir Teh di atas Sehelai Daun Gugur[pranala mati permanèn]
- 'The Korean Way of Tea Archived 2007-03-10 at the Wayback Machine. Brother Anthony's very extensive Korean Tea pages
- 'The Korean Way of Tea EasternTea.com
- 'Hadong Mountain Dew Tea Festival, May 19–22 annually