UNTSO

Saka Wikipédia Jawa, bauwarna bébas abasa Jawa

UNTSO iku akronim saka tembung United Nations Truce Supervision Organization, sawijining organisasi kang diyasa ing taun 1948 kanggo njaga perdamaian (peacekeeping) ing tlatah Timur Tengah. Tugasé anatara liya mbiyantu United Nations Disengagement Observer Force (UNDOF) lan United Nations Interim Force in Lebanon (UNIFIL) ngayahi tugasé ing tlatah mau.

Organisasi mau diyasa kanthi dhasar resolusi Dewan Keamanan PBB 50, kang diwetokké tanggal 29 Mèi, 1948.

Nagara kang mèlu nyumbang sumberdaya militèré marang UNTSO kalebu, Argentina, Australia [1], Austria, Bèlgi, Kanada, Chili, the Républik Rakyat Cina, Dhénemarken, Estonia, Finlan, Prancis, Irlandia, Italia, Nepal, Walanda, New Zealand, Nurwègen, Soviet, Slovenia, Swedia, Swiss lan Amérika Sarékat. Saka pratélan iki ora tinemu sawenèh nagara Islam kang mèlu.

UNTSO nduwé kantor ing Beirut lan Damascus, kanthi kantor punjeré ing Yerusalem.

Tugas[besut | besut sumber]

UNTSO nyediakaké pengamat militèr marang telu organisasi misi PBB ing tlatah Timur Tengah ya iku; Observer Group Libanon (OGL), mabnatu UNIFIL ing Libanon Kidul, Observer Group Golan (OGG) mbantu UNDOF ing Dhataran Dhuwur Golan lan OGE Observer Group Egypt (OGE) ing Ujung Sinai.

Para pengamat militèr iku ora nggawa gaman lan ngayahi tugasé kanthi ngamati lan nglaporaké pelanggaran tumrap perjanjian gencatan senjata., pemunduran lll, kang magepokan karo tlatah operasiné. Pengamat militèr gilir gumanti saka para perwira pangkat Kaptèn utawa Mayor, saka kasenjataan warna-warna ing nagara asalé. Para pengamat militèr ditata ing golongan tim multi-national, saéngga saben pengamatan bakal dikonfirmasi séning sethithiké loro pengamat saka nagara liya, kanggo njaga supaya ora bot-sih.

Markas[besut | besut sumber]

OGG, kanthi markas kang dumunung dadi siji karo markas UNDOF ya iku ing Camp Faouar ing Suriah, dipérang dadi rong pos; OGG-D (Observer Group Golan-Damascus) kang punjeré ing Damascus, Syria lan OGG-T (Observer Group Golan-Tiberias) punjeré ing Tiberias, Israèl. Saben pos nduwé sawetara pos pengamatan ing sadawané laladan pemisah Area of Separation (AOS) kang ditemtokaké minangka péranganing Perjanjèn Penghentian Perang (Disengagement Agreement) 1974 antara Suriah lan Israèl ing pungkasané Perang Yom Kippur taun 1973. Para Pengamat Militèr ngayahi tugas inspèksi saben rong minggu sajeroning laladan pembatasan kanggo mesthèkaké, yèn kaloro nagara patuh marang pembatasan cacahé wadyabala lan peralatan sajeroning tlatah 10, 20 lan 25 km saka the AOS rujuk karo perjanjèn.

Markas OGL kang dumunung dadi siji karo markas UNIFIL ing Camp Naquora ing Libanon.Kidul, duwé papat patroli sadawaning garis biru, ya iku garis demarkasi antara Israèl lan Libanon.

OGE nduwé markas ing Ismalia cedhak Terusan Suez ing Mesir. OGE ngayahi tugas patroli jarak cendhak lan dawa ing Ujung Sinai.

Uga delengen[besut | besut sumber]

Pranala njaba[besut | besut sumber]


Cithakan:MEast-stub