Tutup (tetuwuhan)

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Woh Tutup

Tutup (Macaranga tanarius utawa Mappa tanarius) ya iku wit taunan saka kulawarga Euphorbiaceae. Wit iki dhuwuré bisa nganti 25 mèter lan dhiamèter galihé 55 cm. Galihé lurus silindhris lunyu werna soklat enom uga duwé wulu. Godhong tunggal bunder ijo. Kembangé cilik werna putih. Wijiné ireng lan wohé werna klawu.

Biologi lan Ékologi[besut | besut sumber]

Godhong Tutup

Kembang Tutup lan wohé diprodhuksi saben taun. Wijiné akeh dipangan manuk lan bisa disebaraké ing tlatah liya. Wiji bisa thukul menawa lemahé subur. Tutup urip ing alas primèr lan tuwuh 2-1400 méter ing sadhuwuring segara. Wit iki tuwuh ing Indonésia, Taiwan, Australia lor, nganti Melanésia.[1]

Piguna[besut | besut sumber]

Tutup ing alas

Piguna wit tutup bisa dipigunakaké  minangka tamba lara dhisentri lan tamba sakwisé babaran. Tlutuhé bisa kanggo piranti gawé lém. Wohé bisa kanggo laru nalika gawé gula klapa.

Referènsi[besut | besut sumber]

  1. Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Pers bersama dengan Yayasan Obor Indonesia. ISBN 978-979-799-804-2.