Trojan

Saka Wikipédia Jawa, bauwarna mardika basa Jawa

Trojan utawa progran trojan horse ya iku program mbebayani kang éthok-éthoké dadi salah sijiné aplikasi jinak.[1] Salah sijiné program trojan horse sengaja ngapusi pangguna kanthi éthok-éthok dadi program kang ora mbebayani pangguna internèt tanpa cubriya nglakokaké program mau.[1] Kanthi nglakokaké program mau kanthi ora langsung padha karo nglebokaké trojan mau ing sajeroning bètèng komputer.[1] Trojan dudu virus amarga dhèwèké ora ngréplikasi dhèwèké dhéwé, nanging program trojan bisa ngrusak kayadené virus.[1]

Sajarah lan dhéfinsi[besut | besut sumber]

Asalé istilah Trojan Horse saka nagara Yunani, ing ngendi kacritakaké para pejuwang umpetan ing sajeroning Jaran Trojan kang digawé saka kayu kang gedhé banget.[2] Wong kabèh mau banjur metu saka Jaran Trojan mau sakwisè dikira lunga saka tlatah mau banjur nyerang targèt–targèt kang wis ditemtokaké.[2] Banjur para pejuwang iku mènèhi dalan marang para pejuwang liya kang arep nyerang. Trojan digolongaké ing jinis malware ya iku automated-program utawa program kang bisa urip dhéwé.[2] Trojan uga dianggep destruktif, anamung waé dhèwèké ora kaya virus kang nyebar, nanging bakal didhetèksi minangka virus.[2]

Fungsi[besut | besut sumber]

  • Trojan wujud piranti (tool) kang bisa minangka monitori (monitoring) mesin liya.[3] Bisa diartèkaké trojan minangka kodhak kang kasingitaké kang dipanggonaké ing komputer targèt.[3]
  • Trojan béda karo piranti hack (hacking tools), amung minangka palengkap sajeroning langkah hacking.[3]

Jinisé trojan[besut | besut sumber]

  • Trojan Remote Access
  • Trojan Pengirim Password
  • Trojan File Transfer Protocol (FTP)
  • Keyloggers
  • Trojan Penghancur
  • Trojan Denial of Service (DoS) Attack
  • Trojan Proxy/Wingate
  • Software Detection Killers.[4]

Cara ngatasi bebaya trojan[besut | besut sumber]

  • Task List

Pandhektèsiané kanthi ndeleng pratélan program kang lagi lumaku ing task list. Pratélan bisa ditampilaké kanthi mijèt tombol CTRL + ALT + DEL utawa klik tengen ing toolbar banjur klik task manager. Saliyané bisa ngertèni program kang lagi lumaku, naraguna uga bisa ngendheg salah sijiné program kang dianggep anèh lan nyubriyani. Nanging pira-pira trojan tetep ngumpet saka pratélan task list iki. Saéngga kanggo ngertèni kanthi jangkep program kang lagi lumaku kanthi sekabèhané perlu dibukak System Information Utility(msinfo32.exe) kang manggon ana ing: C:\Program files\common files\microsoft shared\msinfo. Tool iki bisa ndeleng kabèh prosèsé iku kang lagi lumaku, bisa iku kang ngumpet saka task list utawa ora. Anata kang perlu dipriksa ya iku path, jeneng file, properti file lan lumakuné file (exe sarta file).[4]

  • Netstat

Kabèh trojan mbutuhaké komunikas. Yèn dhèwèké ora nglakokaké komunikasi tegesé ancasé muspra. Iki salah sijiné kalemahan kang utama saka trojan, kanthi komunikasi tegesé dhèwèké ninggal tlipak kang sabanjuré bisa ditlusuri. Préntah Nestat fungsiné mbukak konèksi marang lan saka komputer wong liya. Yèn préntah iki dilakokaké mula bakal ngetokaké IP address saka komputer mau lan komputer kang konèk karo dhèwèké. Yén tinemu IP address kang ora ditepungi banjur perlu dislidhiki.[4]

Cara nyegah trojan[besut | besut sumber]

Trojan nyusup ing komputer kurban, pesthèkna masang antivirus kang kerep dianyaraké utawa di-update, ngaktifaké firewall bisa iku saka gawanan windows utawa saka njaba. Ngati-ati yèn komputer ana sing anèh utawa ora kaya racaké. Èndhani panganggoan piranti alus ilegal amarga kerep tanpa disadhari piranti alus mau ngandhut trojan. Yèn ngundhuh piranti alus, njupuka saka situs-situs kang bener-bener bisa dipercaya.[4]

Cathetan sikil[besut | besut sumber]

  1. a b c d [1] Archived 2012-10-20 at the Wayback Machine., Kaundhuh 16/10/12.
  2. a b c d [2] Archived 2010-06-17 at the Wayback Machine., Kaundhuh 18/10/12.
  3. a b c [3] Archived 2010-06-17 at the Wayback Machine., Kaundhuh 17/10/12.
  4. a b c d [4], Kaundhuh 30/10/12.

Uga delengen[besut | besut sumber]