Trinil

Saka Wikipédia Jawa, bauwarna bébas abasa Jawa
Java man.jpg

Trinil iku situs paleoantropologi ing Indonésia sing dumunung ing Désa Kawu, Kacamatan Kedhunggalar, Kabupatèn Ngawi, Jawa Wétan (kira-kira 13 km sadurung’e kutha Ngawi saka arah kutha Sala). Trinil minangka kawasan ing lembah Kali Bengawan Sala sing dadi panggonan kauripan jaman purba, persisé ing jaman Plistosen Tengah, watara sak yuta taun kapungkur.

Ing taun 1891 Eugène Dubois, sawijining ahli anatomi nemu tilas manungsa purba pisanan ing sajabaning Éropah ya iku spésimèn manungsa Jawa. Taun 1893 Dubois nemu fosil manungsa purba Pithecanthropus erectus sarta fosil satokéwan lan tetanduran purba liya.

Wektu iki ing Trinil madeg sawijining musiyum sing mangon ing laladan sing jembaré telung hèktar, papan kanggo nyimpen koleksiné antarané fosil cumplung Pithecantrophus erectus, fosil balung uwang ngisor macan purba (Felis tigris), fosil gadhing lan untu uwang ndhuwur gajah purba (Stegodon trigonocephalus), lan fosil sungu banthèng purba (Bibos palaeosondaicus). Situs iki dibangun saka prakarsa Prof. Teuku Jacob ahli antropologi saka Universitas Gadjah Mada.

Uga delengen[besut | besut sumber]

Rujukan[besut | besut sumber]