Tlaga Poso

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Tlaga Poso

Tlaga Poso punika tlaga utawi danau ingkang mapan wonten ing propinsi Sulawesi Tengah, Indonésia mliginipun ing Kabupatèn Poso. Tlaga punika kalebet tlaga ingkang paling ageng nomor tiga ing Indonésia kanthi dawa 32 kilometer lan lebar 16 km. Tlaga Poso punika mapan wonten ing rute jalur utama saking Toraja ing sisih kidul, Gorontalo lan Manado ing sisih lor [1]. Tlaga Poso punika mapan ing inggil 657 meter lan kalebet salah satunggaling tlaga éndah kanthi pasir putih ingkang wonten ing pinggiring tlaga dumugi ing tlaga-tlaganipun. Tlaga Poso punika wonten ing Kecamatan Pamona kanthi kutha krajan Tentena. Tlaga Poso punika mbentang saking lor tumuju kidul kanthi dawa 32 kilometer lan wiyaripun 16 kilometer, kanthi kedalaman punika kirang langkung 360 meter ing sisih kidul lan 510 meter ing sisih lor [2] .

Ing Tlaga punika wonten keunikan ingkang saged dipunnikmati déning para wisatawan kadosta iwak Mujaèr, Nilam, lélé, iwak mas lan sanes-sanesipun. Ananging ingkang paling unik punika Iwak Sugili ingkang sapunika populasinipun badhe punah. Punahing populasi ulam Sigili punika awit saking langkung kathahipun penduduk lan ugi amargi wontenin pembangunan Mega Proyek PLTA Sulewana ingkang gadhah perang ageng medhot mata rantai pangembangbiakan ulam ingkang langka punika.

Kaéndahan Tlaga Poso[sunting | besut sumber]

Ingkang dados daya tarik saking tlaga punika toyanipun ingkang tasih bening lan konstan. Ingkang unik malih punika nalika kedadosan bena ing lèpèn-lèpèn sakiwa tengenipun lan milinipun dhateng Tlaga Poso. punika toyanipun ing Tlaga Poso boten ndhèrèk buthek. Kejawi punika pasir ingkang wonten ing tlaga punika kapérang dados kalih werna inggih punika warni putih lan kuning keemasan. Para wisatawan ugi saged mirsani kembang anggrek ingkang wonten ing Taman Anggrek Alami Bancea. Ing kawasan kanthi wiyar 5.000 hektar punika para wisatawan saged mirsani 55 jinis anggrek ingkang langka kanthi latar wingking pasisir pasir putih [2].

Saben minggu kaping papat ing wulan Agustus, para wisatawan saged mirsani Festival Danau Poso. Wonten ing festival punika wonten manéka warni perlombaan. Kadosta pagelaran tarian lan busana adat saking suku-suku ing Sulawesi Tengah, dolanan tradisional, lomba lagu laladan, pamilihan putri Tlaga Poso, tetandingan voli pasir, lomba prahu hias, prahu dayung, tarik tambang ing sanginggiling prahu, saha paméran produk unggulan saking laladan Sulawesi Tengah[2].

Akomodasi lan fasilitas[sunting | besut sumber]

Ing sekitar Tlaga Poso punika wonten fasilitas kados hotèl, losmen, homestay, lan griya dhahar. Salah satunggaling menu ingkang dipunsajekaken ing warung-warung kasebut inggih punika dedhaharan khas saking suku Pamona ingkang dipunwastani arogo inggih punika ulam saking tlaga ingkang raosipun gurih[2].

Cathetan suku[sunting | besut sumber]

  1. ^ [1], (id) Danau Poso ( dipun-akses tanggal 25 Desember 2012) .
  2. ^ a b c d [2], (id) Danau Poso ( dipun-akses tanggal 25 Desember 2012) .
Sumber artikel punika saking kaca situs web: "https://jv.wikipedia.org/w/index.php?title=Tlaga_Poso&oldid=1045458"