Tlacapan

Saka Wikipédia Jawa, bauwarna mardika basa Jawa

Tlacapan asalé sing tembung dhasar tlacap, kang olih imbuhan –an. Teges paésan tlacapan ya iku rupaé dérétan segi telu kang pada sisih lan sikilé. Paésan iki bisa diisi lung-lungan , godong atawa kembang-kembangan nganggo cara stilisasi[1][2]. Warna tlacapan kang ana ning umah iku ora diwarnai, dadi polos kaya warna kayué[1]. Yén ana warnaé, biyasa diwarnai kuning emas atawa ana kang warna sunggingan, misalé ijo lan abang. Yén ana garis pinggir, garis iku diwarnai emas. Warna dasaré bisa warna ijo atawa abang tua kegantung warna dhasar kayu atawa balok kang dipaési. Gawé tlacapan iki bisa cara dilukis atawa ana kang ditatah ning kayu atawa témbok[2]. Paésan tlacapan biyasa ditempatnang ning pangkal lan ujung balok rangka wangunan. Misalé ning dhadhapeksi, blandar, sunduk, pengeret, ander santen, saka santen, lan séjéné maning. Tlacapan iku lambang sinar sréngéngé atawa cahya sorot. Dadi duwé maksud ngupai cahya lan keagungan ning umah. Ning kraton, tlacapan ukir iki biyasa digawé karo abdidalem tukang ukir[1].

Rujukan[besut | besut sumber]

  1. a b c Dakung, Sugiyarto, dkk (1982). Arsitektur Tradisional Daerah Istimewa Yogyakarta. Jakarta: Depdikbud. kc. 134–136.
  2. a b Iswanto, Danoe (Juni 2008). "APLIKASI RAGAM HIAS JAWA TRADISIONAL PADA RUMAH TINGGAL BARU" (PDF). ENCLOSURE: Jurnal Ilmiah Perancangan Kota dan Permukiman. Volume 7 No. 2: 92. Diarsip saka sing asli (PDF) ing 2019-10-24. Dibukak ing 2017-07-12. {{cite journal}}: |volume= has extra text (pitulung)