Thomas Chrowder Chamberlin

Saka Wikipédia Jawa, bauwarna bébas abasa Jawa
Thomas Chrowder Chamberlin
Thomas Chrowder Chamberlin
Thomas Chrowder Chamberlin
Miyos 25 September 1843
Mattoon, Illinois
Tilar donya 15 November 1928
Chicago
Kabangsan Amérika
Bidhang géologi
Lulusan saking Universitas Michigan
Notable awards Penrose Gold Medal
Penrose Medal

Thomas Chrowder Chamberlin (lair 25 Sèptèmber 1843 – pati 15 Novèmber 1928 ing yuswa 85 taun) iku sawijining géolog Amérika Sarékat sing duwé prabawa lan sawijining pandhidhik. Nalika taun 1893, dhèwèké ngadegaké Jurnal Géologi lan dadi pambesuté suwéné mataun-taun.

Taun 1905, Chamberlin lan Forest Ray Moulton ngembangaké téyori dumadining Tata Surya sing matentangan karo hipotèsis nébula Laplace. Téyoriné, sing dijenengi hipotèsis planètisimal Chamberlin-Moulton, nampa dhukungan suwéné mèh sapratelu abad, nanging wiwit ditolak nalika akir 1930-an. Téyori iku pungkasané ora ditampa manèh nalika taun 1940-an, amarga ora selaras karo kasunyatan momentum pojok ing planèt Yupiter. Ana sawijining bagéan saka téyori iku sing isih ditampa, sing nélakaké yèn bandha-bandha sing luwih cilik, ya iku planètisimal, kanthi matahap silih tumbukan kanggo mujudaké sawijining planèt sacara akresi.

Saka téyori lan bukti-bukti géologis liyané, dhèwèké nyimpulaké yèn umur bumi adoh luwih tuwa tinimbang asumsi Lord Kelvin (watara 100 yuta taun) ing wektu iku.