Menyang kontèn

The Lord of the Rings: The War of the Rohirrim

Saka Wikipédia Jawa, bauwarna mardika basa Jawa
The Lord of the Rings:
The War of the Rohirrim
Logo
DisutradaraniKenji Kamiyama
Diprodhuseri
  • Philippa Boyens
  • Jason DeMarco
  • Joseph Chou
Diskénariyoni
  • Jeffrey Addiss
  • Will Matthews
  • Phoebe Gittins
  • Arty Papageorgiou
Carita déning
AdhedhasarCharacters created
déning J. R. R. Tolkien
Dibintangi
DimusikiStephen Gallagher
Dibesut déningTsuyoshi Sadamatsu
Perusahaan
prodhuksi
Dibabar déningWarner Bros. Pictures
Tanggal metu
Suwéné
134 menit[1]
Nagara
  • Niu Sélan
  • Jepang
  • Amérika Sarékat
Basabasa Inggris
Rantaman$30 yuta[2]
Kalarisan$20,5 yuta[3][4]

The Lord of the Rings: The War of the Rohirrim ya iku film fantasi animasi Amérika Sarékat babaran taun 2024 Sutradara Kenji Kamiyama saka skénario déning Phoebe Gittins lan Arty Papageorgiou, adhedhasar trilogi The Lord of the Rings déning J.R.R. Tolkien. Film diprodhuksi déning New Line Cinema karo Warner Bros. Animasi kanthi produksi animasi déning Sola Entertainment, The War of the Rohirrim minangka film kapitu ing séri iku sawisé trilogi live-action The Lord of the Rings lan The Hobbit, lan film animasi kapindho adhedhasar novel, sawisé The Lord of the Rings (1978). Film iki yaiku prékuel sing prastawané kadadéan 183 taun sadurungé prastawa sing digambaraké ing The Lord of the Rings: The Two Towers (2002). Film animasi iki dibintangi Brian Cox minangka Helm Hammerhand, Raja Rohan sing légendharis. Miranda Otto, mbalèni paragané minangka Éowyn saka trilogi film The Lord of the Rings.

Film iki wis diwara-warakaké ing sasi Juni 2021 lan olèhé ngambangaké iku agé supaya New Line ora kélangan kak ngadhaptasi film adhedhasar romané Tolkien.

Para paraga pokok dibèbèraké ing sasi Juni 2022, kalebu Wise minangka Héra lan Otto mainaké paragané manèh minangka Éowyn saka trilogi film. Jackson lan Fran Walsh, minangka ko-pangripta trilogi film, uga olèh kredhit minangka prodhuser èksekutif ing sasi Juni 2024.


The Lord of the Rings: The War of the Rohirrim dibabar ing bioskup ing pasar internasional tanggal 5 Dhésèmber 2024, sadurungé wis dirilis ing Amérika Sarékat tanggal 13 Desember 2024, déning Warner Bros. Pictures. Film iki olèh omsèt $20 yuta saindhenging donya mawa anggaran $30 yuta lan nampa resènsi séjé-séjé saka para kritikus.[5]

Crita

[besut | besut sumber]

Crita iki kadadéan 183 taun sadurungé prastawa War of the Ring (Perang Ali-Ali), Éowyn nyritakaké crita kepriyé Héra, sing péngin dadi kenya tamèng Rohan lan putri Raja Helm Hammerhand, ora bakal diélingi ing babad gedhé utawa tembang.

Freca, sawijining pangéran Dunlending, marani pendhapané Raja Helm kara putrané Wulf, kancané Héra nalika isih cilik. Freca iku nepsu nalika wruh menawa Héra digathukaké karo Pangéran ing Gondor lan nyoba meksa supaya Wulf rabi karo Héra, supaya bisa olèh makuthané Rohan. Wulf kapéngin ngrabi Héra, nanging dhèwèké emoh kawin karo sapa waé. Helm lan Freca wiwit antem-anteman sajabaning pandhapa, banjur Helm ora sengaja matèni Freca, kamangka namung dipupuh kaping siji waé, sawisé iku dhèwèké olèh peparab "Hammerhand", sing tegesé "tangan palu".

Wulf, atiné nestapa, lan sesumbar menawa awaké arep mbales, banjur lunga lan ora ana wartané nganti taunan. Manuju sawijining dina, Héra lan nakduluré Fréaláf sing sabagéan Dunlending, nemoni satriya Southron sing mati, dhèwèké juru cumbu mûmakil. Mûmaké sang satriya sing ganas, teka lan nyerang; Héra bisa nyirnakaké, carané dipancing supaya mara menyang tlaga alas, ing kana dhèwèké dipangan déning sang Panon ing jero Banyu. Targg, salah siji jèndralé Freca, ngetutaké lan nyulik awaké. Héra digawa menyang bèntèngé Wulf ing Isengard lan weruh yèn Wulf wis dadi Pangéran Agung Dunledings, salah sawijiné bendarané para kaum mbaléla saka suku gunung. Banjur Héra nawani Wulf supaya dhèwèké rabi karo Wulf, dadi menggak bèn Rohan ora dibedhah. Nanging Héra dislametaké déning Fréaláf lan Bulik Olwyn.

Wulf banjur mbedhah Rohan. Helm rumangsa manawa Fréaláf iku jirih, déné awaké kapéngin ngungsèkaké Edoras menyang Bèntèng Dunharrow, lan ngusir awaké. Helm sedya miwiti perang sawisé Pangéran Thorne janji nglumpukaké wadyabala, nanging Héra weruh yèn Thorne iku tibaké cidra; dhèwèké nyoba matèni Héra, nanging Héra lan jarané bisa matèni Thorne. Sawiwitané paprangan, Héra ngungsèkaké Edoras menyang Hornburg nalika awaké sadar manawa bapané wis dicidrani lan wadyabalané kaunggulan akèh. Wulf matèni Haleth, putrané Helm, ing paprangan, banjur dhèwèké nyekel adhiné sing jenengé Hama lan matèni awaké sangarepé Helm, sing nawakaké supaya dhèwèké sing dipatènana. Wulf banjur miwiti pakepungé marang Hornburg sing lawasé samangsa atis, lan mbangun menara pembedhahan sing gedhé banget.

Helm, tatu lan nlangsa déné rasa kasripahan, saben wengi metu ngliwati trowongan rahasya kanggo matèni para wadyabalané Wulf, namung nganggo jotosané waé. Nalika Héra nggolèki Helm wayah wengi nalika Helm razzia matèni wadyabalané Wulf, Héra ngréwangi matèni troll. Sawisé iku kabeneran weruh ana ork loro saka Mordor, sing njupuki ali-ali saka para jisim, kayadéné dikon déning bendarané. Helm banjur ngateraké Héra menyang gapura Kastil Hornburg. Nalika dioyak déning Wulf lan wadyabalané, Wulf panggah ngadeg supaya Héra bisa mlayu lan wusanané Wulf tiwas paprangan nglawan Helm, awaké kaku dadi ès, nanging tetep ngadeg lan dhengkulé ora ditekuk.

Héra banjur ngirim manuk garudha sing nganggo klambi jirahé Helm menyang Fréaláf kanggo njaluk tulung. Saliyané iku Héra nganggo klambi mantèn lawas sing ana sajeroné Hornburg lan nunggang jaran menyang menara pambedhah sing lagi waé diedhunaké déning Wulf kanggo mbedhah Hornburg. Héra nantang Wulf nglawan awaké, supaya kawigatèné owah lan wadyabalané saka Rohirrim ora bisa mlayu ngliwati trowongan rahasya. Héra ngasoraké Wulf lan njaluk supaya Wulf nyerah. Targg, sing mènehi advis Wulf kanggo mbedhah Hornburg uga sarujuk, nanging Wulf malah matèni awaké. Fréaláf mara karo wadyabalané lan nyebul trompèté Helm lan nganggo klambi jirahé Helm kanggo medèni para Dunlending manawa Helm bali urip manèh saka pasaréané. Wulf nyerang Héra, nanging Héra bisa nekak guluné mawa tamèngé, lan mungkasi perang.

Helm dadi jenengé lebak sandhingé Hornburg lan bèntèngé. Saruman Si Putih dadi kuncèn anyar Isengard lan nawani kekancan karo Fréaláf, sing dadi raja anyar. Héra dhéwé ora katarik maréntah, banjur lunga nglelana karo Olwyn nggolèk pangumbaran anyar; patemon kapisané karo Gandalf, sing nduwé pitakonan perkara ork sing njupuki ali-ali saka jisim. Éowyn banjur mènèhi wawasan yèn Héra panggah bringas lan bébas nganti salawasé uripé.

Para paraga swara

[besut | besut sumber]
Brian Cox ing New York Comic Con sasi Oktober 2024
  • Brian Cox minangka Helm Hammerhand:
    Raja Rohan sing émosional lan panasan. Dhèwèké nyoba ngreksa prajané.[6][7] Sutradara Kenji Kamiyama katarik kepriyé dinastiné Helm iku pupus, Kenji nduwé panemu yèn iku tegesé ajaran ngenani tanggung jawab lan kakuwasan.[8]
  • Gaia Wise minangka Héra:
    Putri Raja Helm sing klakoné rada tomboy lan ngréwangi ngreksa rakyaté.[6][9] Gaia Wise ngomong menawa karakteré awaké iku luwih mèmper para wirawatiné film animé Hayao Miyazaki kayata Nausicaä of the Valley of the Wind (1984) tinimbnang Éowyn lan Arwen, para wirawan wadon trilogi Lord of the Rings sing wis kabentuk rupa lan wateké. Wise ngwedha Héra minangka mbalèlani lan njlimet.[8]
  • Luke Pasqualino minangka Wulf:
    dhèwèké iku wong sing mimpin Dunlendings lan péngin mbales Rohan patiné bapané.[6] Ora kaya antagonis liyané ing waralaba iki, Wulf iku manungsa biasa lan dudu ahli sihir ala utawa pangéran peteng. Prodhuser Philippa Boyens rumangsa iki nggawé dhèwèké luwih menarik lan luwih mbebayani, awit karakter iki rélévan marang "akèh krisis sing dialami awaké dhéwé ing donya dina iki".[8]
  • Laurence Ubong Williams minangka Fréaláf Hildeson: kaponakané Helm lan sing nerusaké Helm dadi rajané Rohan[10]
  • Lorraine Ashbourne minangka Olwyn[11]
  • Miranda Otto minangka Éowyn: Kenya tamèng Rohan ing tembé lan sing dadi narator film iki[6]

Saliyané iku para paraga swara uga kalebu Yazdan Qafouri lan Benjamin Wainwright minangka putrané Helm: Hama and Haleth.[12][13] Shaun Dooley minangka Freca, bapané Wulf, sawijiné Pangéran Dunlending mawa rah Rohirrim, sing nyoba ngrebut makutha;[9][10] Michael Wildman minangka Jèndhral Targg; Jude Akuwudike minangka Pangéran Thorne; Bilal Hasna minangka Lief; lan Janine Duvitski minangka Pennicruik Tuwa.[11] Arsip rekaman swarané Christopher Lee dienggo swarané Saruman.[14] Billy Boyd lan Dominic Monaghan, sing mainaké Pippin Took lan Merry Brandybuck ing trilogi Lord of the Rings, mènèhi swara kanggo para ork Shank lan Wrot.[15]

Prodhuksi

[besut | besut sumber]

Pangembangan

[besut | besut sumber]

Ing sasi Juni 2021, nalika riyadi ambal warsa kaping 20 The Lord of the Rings trilogi filmé Peter Jackson (2001–2003),[16] studhio film New Line Cinema wara-wara menawa dhèwèké kabèh padha akselerasi prosès pangembangan film anime prekuel karo Warner Bros. Animation.[17] Karepé supaya New Line ora kélangan kak adhaptasi film adhedhasar karyané J. R. R. Tolkien, yaiku The Hobbit (1937) lan roman-roman The Lord of the Rings (1954–55).[18] Film anyar, asesirah The Lord of the Rings: The War of the Rohirrim, disutradarani déning Kenji Kamiyama lan diprodhuksi déning Joseph Chou. Loro-loroné lagi waé bali saka sérial anime télévisi Warner Bros ajudhul Blade Runner: Black Lotus (2021–22).[16] Film anime iki magepokan karo kasinambungan film trilogi,[16] lan ko-pangripta Philippa Boyens bali manèh saka trilogi film iku minangka konsultan lan prodhuser.[17][19] Dhèwèké kandha manawa tambahan film awujud animasi wis dirembug taunan sadurungé nggawé film anime.[9] Jason DeMarco, wakil présidhèn sénior Warner Bros.' Anime uga mèlu mrodhuksi film iki.[19] Jackson lan ko-pangripta film trilogi, Fran Walsh, ora dilibataké kanthi resmi,[16] nanging dhèwèké kabèh dienggo déning Boyens minangka mimbar kanggo idhé,[7] lan dhèwèké kabèh olèh sebutan minangka prodhuser èksèkutif marang sasi Juni 2024. Prodhuser èksèkutif liyané kalebu Sam Register, Carolyn Blackwood, lan Toby Emmerich.[20]

Panulisan

[besut | besut sumber]
Prodhuser lan ko-pangripta Philippa Boyens, bali saka film-film Lord of the Rings sadurungé, ing Fèstival Film Annecy ing sasi Juni 2023

Sawetara idhé crita disaranaké kanggo film iki, nanging Boyens ndhedhesaké manawa dhèwèké kudu fokus marang Karajan Rohan, amarga Boyens nduwé panemu yèn budaya iku paling cocog kangga anime minangka médhium lan para pamirsa wis nepungi film-film Jackson.[21] The War of the Rohirrim iku critané nalika sakiwa-tengené 200 taun sadurungé Bilbo Baggins nemu 'Ali-Ali Siji'.[22] Crita iki nyritakaké raja Rohan Helm Hammerhand, sing uga disebut déning Tolkien sajeroning lampiran The Lord of the Rings, mliginé bagéan "Wangsa Eorl" ing Lampiran A, sing mratélaké babadé para panguwasa Rohan. Para prodhuser milih nyritakaké crita ini, amarga sètiné kuwi luwih awal lan bisa nyélak ora usah nyebut si ala Sauron lan pangaribawa Ali-Ali Siji,[9] lan amarga dhèwèké kabèh percaya manawa intènsitas konflik lan olèhé èskalasi iku bisa dadi dhasar apik adhaptasi film.[21] Boyens uga nuturaké yèn dhèwèké kabèh bisa crita ngenani babad ngenes perkara "puing-puing perang", lan ngwedharaké gagasan ngenani kaurmatan, piwales, kulawarga, lan katabahan.[9][7][21]

Jeffrey Addiss lan Will Matthews banjur diséwa kanggo nulis skénario awal.[16] Nalika kuncitara utawa lockdown pageblug Covid-19 pandemic, Boyens njaluk tulung anaké wadon Phoebe Gittins lan Arty Papageorgiou, minangka mitra olèhé nyambut gawé, kanggo mbalèni nulis skripé film. Karo Boyens wong loro ikut diarani "générasi sabanjuré" waralaba iki. Pasangan iki lagi nyambut gawé marang proyèk liyané lan gojag-gajeg mèlu nggarap film iki amarga dhèwèké kabèh iku ngurmati sumberé lan film-film sadurungé, kayata uga para fanatik. Nanging wusanané wong loro iku kumandel nggabung wong liya sing wis nyambut gawé in proyèk iki, uga kalebu akèh wong sing mèlu nggarap film-filmé Jackson. Mula olèhé gagas bisa marai dhèwèké kabèh fokus marang panyarita lan nggawa bahan iku luwih cedhak marang gagrag anime, sinéma Jepang, lan animasi sacara umum. Kamiyama uga kapéngin nglebokaké sawatara dhitél sing mulané ora ing skrip awal, kalebu kepriyé carané ngepung bèntèng.[21] Dhèwèké nyambut gawé karo Gittins lan Papageorgiu supaya bisa luwih fokus marang unsur-unsur perang sing luwih kelam, klaustrofobis, lan nggegirisi tinimbang paprangan gedhé. Sang sutradara uga katarik ing panalangsa historis, sing marahi Para Dunlendings nyerang Rohan.[7]

Para pangripta mutusaké nepungaké narator sing bakal nyritakaké crita wuriné film iki minangka bagéan saka tradhisi lésan. Éowyn saka prastawa baken ing The Lord of the Rings sing kapilih. Boyens ngandhakaké manawa yèn ana swara sing wis kulina ing film bisa ngréwangi para pangripta kumarya. Boyens nambahaké manawa narasi déning narator iki mènèhi kontèks kanggo para fanatik film-film sadurungé, sing ora nepungi sajarahé Tengah-Bumi (Middle-earth) besutané Tolkien sing luwih amba. Boyens nduwé panemu yèn nyithak crita iki manawa bagéan saka tradhisi lésan dadi luwih cocog amarga critané adhedhasar fragmèn lan réferènsi saka bahan sumber.[7]

Tolkien mènèhi dhitèl ngenani patiné Helm lan putra-putrané, Haleth lan Hama, nanging nasibé putriné sing ora ndarbèni jeneng iku ora cetha.[7] Para prodhuser mutusaké ngembangaké paragané, ndadèkaké awaké dadi sang protagonis film iki.[9] Jeneng kapisan iki sajatiné ora mènèhi kesan apa-apa yèn jenengé kudu diwiwiti "H", nanging Boyens nduwé panemu yèn aksarané kudu padha kaya Helm, Haleth, lan Hama.[7] Walsh uga mènèhi pamrayoga supaya dijenengaké miturut Hera Hilmar, aktris Èslan sing dadi bintang ing film Mortal Engines (2018).[21] Ing film The War of the Rohirrim, jenengé ditulis "Héra" adhedhasar basa Inggris Kuna. Karepé iki dudu réferènsi marang Dèwi saka agama Yunani Kuna Hera.[7] Para pangripta ora gelem nyiptakaké utawa ngarang dhéwé pawatekané lan Kamiyama mènèhi pamrayoga supaya njupuk inspirasi saka pamimpin wanita historis Æthelflæd, awit dhèwèké mainaké paraga yang mèmper kaya Héra lan Tolkien dhéwé olèh inspirasi saka wong wadon historis kaya mangkono.[9][7] Dhèwèké kabèh uga njupuk inspirasi saka karakter wadon besutané Tolkien liyané, kalebu Éowyn.[23] Sanadyan karakter iki bisa padu lan numpak jaran kayata wong-wongé Rohan, para pangripta ora katarik nggambaraké awaké minangka "putri satriya" (sabangsané Srikandhi) sing miturut dhèwèké kabèh wis dadi klisé ing sinématografi. Para pangripta iki luwih fokus ing pilihan uripé sang karakter lan kepriyé pilihané wong liya mangaribawani uripé.[21]

Karakter liya sing dimelaraké ing film iku Fréaláf Hildeson, ponakané Helm sing ngwarisi makutha. Namung ibuné Fréaláf sing dimangertèni, dadi ana kamungkinan manawa bapané kuwi dudu saka kaum Rohirrim. Boyens percaya manawa kaputusan iki marahi olèhé Fréaláf dadi jumeneng ratu kuwi luwih mustakil lan séjé saka karakter Éomer ing Lord of the Rings lan ndarbèni crita sing mèmper.[21] Olèhé nglebokaké kéwan Mûmakil sing mèmper gajah ing konsèp draf kanggo film iki marahi sawatara fanatik samar manawa film iki bakal nyisipi para wadyabalané Harad ing crita iki kamangka Tolkien ora nyebut babar belas. Boyens ngakoni manawa lampiran buku ora tau ngarani kanthi èksplisit ngenani para balané Harad ing crita iki, nanging ngandhakaké manawa olèhé mèlu katut iku bisa disimpulaké déné Tolkien nyebut wadyabalané Gondor sing ngréwangi Dunlending lan ing lampiran Tolkien uga nyebut Harad minangka salah sawijiné musuhé Gondor ing wayah mangsa iki. Para pangripta uga njarwakaké dhèskripsiné Tolkien prakara sang pamimpin Dunlending, Freca, minangka wong sing cukup sugih amarga bisa mbayar para wadyabala bayaran saka Hadar lan para Corsair saka Umbar, musuhé Gondor liyané [7][24]

Pamilihan para paraga

[besut | besut sumber]

Pamilihan para paraga film diwiwiti ing sasi Juni 2021, [17] lan rerinciné dibabar ora suwé manèh sawisé sasi Fébruari 2022.[25] Ing sasi Juni iku, Brian Cox diwedharaké bakal maragakaké swarané Helm karo Gaia Wise minangka Héra, Luke Pasqualino minangka Wulf, lan Miranda Otto mainaké paragané Éowyn manèh saka filmé Jackson.[6] Cox sadurungé tau dadi bagéan saka paraga swara kanggo Black Lotus, lan Boyens ngrasa yèn dhèwèké iku pilihan sing cocog kanggo nywarani Helm, adhedhasar pagelarané sandiwarané William Shakespeare ajudhul Titus Andronicus ing taun 1987.[7] Boyens ngelem Wise olèhé swarané iku "ruci" utawa "mèntèr" tanpa nggawé Héra mbocahi.[7]

Sing uga diwedhar minangka para film ing sasi Juni 2022 iku Lorraine Ashbourne, Yazdan Qafouri, Benjamin Wainwright, Laurence Ubong Williams, Shaun Dooley, Michael Wildman, Jude Akuwudike, Bilal Hasna, lan Janine Duvitski.[6] Para karakteré dibabar ing tembé, mawa Ashbourne sing nywarakaké Olwyn;[11] Qafouri lan Wainwright minagka Hama lan Haleth;[12] Williams minangka Fréaláf; Shaun Dooley minangka Freca; Michael Wildman minangka Jéndral Targg; Jude Akuwudike minangka Pangéran Thorne; Bilal Hasna minangka Lief; lan Janine Duvitski minagka Si Pennicruik Tuwa.[11] Saliyané iku, para aktor trilogi film The Lord of the Rings Billy Boyd lan Dominic Monaghan olèh paraga cilik minangka Ork loro.[15]

Saruman, karakter Tolkien uga ana ing film iki.[26] Rekaman arsip Christopher Lee, sing maragakaké Saruman ing film-filmé Peter Jackson lan tilar donya ing sasi Juni 2015 dienggo kanggo nywarani karakter iki. Para prodhuser olèh idin nganggo rekamané Lee saka garwané Birgit Kroencke sadurungé dhèwèké tilar donya ing sasi Juni 2024. Para prodhuser uga mriksa nganggo aktor liya kanggo ngimitasi swarané Lee, manawa ora ana rekaman arsip sing bisa ditemokaké, nanging Boyens yakin manawa ora ana aktor liya sing bisa madhani swarané Lee lan awaké seneng yèn ora prelu nganggo aktor liya. Rekamané iki panrapan alternatif saka adegan trilogi film 'The Hobbit (2012–2014).[14]

Animasi lan dhésain

[besut | besut sumber]
Sutradara Kenji Kamiyama nalika Fèstival Film ing Annecy, sasi Juni 2023

Richard Taylor, sutradara kréatif èfèk spésial (special effects) saka firma Wētā Workshop, lan para juru ilustrasi Alan Lee and John Howe padha bali kabèh saka film triloginé Jackson kanggo mèlu kumarya ing The War of the Rohirrim.[6][25] Gaya visual film iki diarani adhedhasar film-filmé Jackson tinimbang gaya film-film animasi Lord of the Rings sadurungé déning Ralph Bakshi lan Rankin/Bass.[9] Sanadyan mengkono, para prodhuser ora namung kapéngin nggawé vèrsi animasi gagrag Jackson, nanging kapéngin ngrangkul anime Jepang, lan mliginé gayané Kamiyama.[20] Boyens kandha manawa dhèwèké kabèh uga olèh inspirasi saka karya-karyané Akira Kurosawa lan Hayao Miyazaki, mliginé fokusé marang ciri-ciri cilik.[21] Kamiyana kapéngin manawa para karakter lan lokasiné katon saréalistis mungkin, kamangka isih bisa diarani anime. Lokasi ing film sing sadurungé bisa dideleng sajroning film live-action uga kalebu Rohan, kutha krajané Edoras, bèntèngé ing Hornburg, sing ing tembé dijenengi Lebak Helm, lan bèntèng in Isengard. Modhel-modhèl lawas saka arsipé Wētā padha dienggo minangka inspirasi sawetara dhésainé.[9]

Sola Entertainment miwiti kumarya ing animasi film iki sawisé diwara-wara ing sasi Juni 2021.[17] Panggarapan unik dilakoni kanggi animasi tradhisional 2D film iki: para aktor maragakaké saben adegan film iki mawa teknik motion capture, sing banjur dipertal ing dhata komputer kanggo nggawé animasi 3D sajroning enjin dolanan komputer Unreal Engine; sawisé iku latar 3D dienggo mutusaké sisih ndeleng kamera lan olèhé para karakter obah, sawisé iku lagi dikonversi manèh dadi animasi 2D final. Kamiyama ora gelem nganggo tèknik rotoscoping utawa njiplak saka adegan 3D. Tinimbang nglakoni iku, Kamiyama ngakon para juru gambar supaya nganggo vèrsi 3D minangka réferènsi yèn nggambar vèrsi 2D. Prosès iki nggawé animasi sing luwih luwes, nanging panggah isih kaya digambar nganggo tangan. Salah siji tantangan gedhé kanggo tim animasi iku akèhé jaran ing film iki; jaran iku wigati sajeroné budaya Rohan, nanging uga angèl banget dianimasèkaké.[9] Nalika sasi Juni 2024, film iki suwéné rong satengah jam utawa 150 menit, kamangka sajatiné dirancang minangka film 90 menit.[27] Luwih saka 60 firma diajak mèlu ngréwangi ngrampungi pakaryan animasi iki,[20] lan Chou kandha manawa iku proyèk sing angèl dhéwé sing tau dilakoni awaké lan Kamiyama. Dhèwèké sadar yèn film animasi sing dawa lan digambar mawa tangan kerepé suwéné limang nganti pitung taun nganti rampung olèhé nggawé lan kenapa prodhuksi film The War of the Rohirrim bisa luwih agé déné panyedhakan Kamiyama sing unik lan uga déning pitulungé para juru seniman saka film live action. Animasi film iki rampung ing pungkasané sasi Oktober.[28]

Musik

[besut | besut sumber]
Artikel baku: The Lord of the Rings: The War of the Rohirrim (soundtrack)

Stephen Gallagher, pambesut musik ing trilogi filmé Jackson The Hobbit iku sing komposisi lagu-lagu ing film The War of the Rohirrim ing sasi Fébruari 2023.[29] Dhèwèké nerusaké gayané komposer Howard Shore sing nggawé musiké film-film Jackson lan nganggo manèh musik téma Howard Shore kanggo trilogi film Lord of the Rings.[9] Rekaman kanggo musik besutané Gallagher diwiwiti ing sasi Maret 2024 karo band Stroma asal Niu Sélan, sing mainaké instrumèn angin lan senar.[30]

Uga in sasi Maret, instrumèn musik tiyup lan drum taiko direkam ing Angel Recording Studios ing London;[31][32] crumhorn lan shawm direkam ing London Air-Edel Recording Studios;[33][34] lan penyanyi solo Karen Bentley Pollick direkam ora ing lokasi, nanging ing Mèksiko kamangka awaké mainaké Hardanger fiddle,[35][36] sing akèh dienggo Shore sajeroning musiké Rohan ing film-filmé.[37]

Rekaman diterusaké ing sasi Mèi, kalebu luwih akèh sèsi ing Angel Studios lan rekaman karo gup koor Tudor Consort, sing mapan ing Niu Sélan.[38][39] Rekaman ing Niu Sélan, sing uga kalebu juru main harpa Michelle Velvin lan penyanyi Barbara Paterson, rampung ing tanggal 20 Agustus.[40] Sawisé sèsi sabanjuré ing Angel Studios lan Air-Edel Studios minggu iku,[41][42] rekaman musik rampung ing tanggal 28 Agustus.[43] Olèhé mix swara dianakaké ing Park Road Post ing Wellington lan Gallagher ngrampungaké gawéané marang film iki ing tanggal 3 Oktober.[44][45]

Lagu asli sing digawé kanggo film iki, mawa irah-irahan "The Rider", diumumaké ing sasi Oktober 2024. Dimainaké déning Paris Paloma, lagu iki ditulis déning Gittins lan komposer David Long. David Long uga nyedhiyakaké musik kanggo film-filmé Jackson.[46] "The Rider" dibabar kanthi digital déning WaterTower Music ing tanggal 15 Novèmber bebarengan karo vidéo klip musik resmi. Album soundtrack mawa fitur musiké Gallagher dibabar ing sasi Dhèsèmber.[47]

Pamasaran

[besut | besut sumber]

Paninjoan pisanan babagan seni konsèp film, nuduhaké pangaribawa filmé Jackson ing ciri visualé, dibabar ing sasi Fébruari 2022.[25] Kamiyama, Boyens, Chou, lan DeMarco ndhiskusèkaké film iki lan nuduhaké vidhéo sing durung rampung sajeroné panèl ing Fèstival Internasional Film Animasi Annecy International Animation Film Festival ing sasi June 2023. Vidhéo iki olèh réaksi positif kanggo kombinasiné antara ciri visualé Jackson lan gaya anime;[48] John Hopewell saka kalawarti Variety ngandharaké manawa para fanatiké film-filmé Jackson lan anime bakal seneng lan nèkmati The War of the Rohirrim, karo ndhedhesi kakerasan brutal lan gumetih sing dituduhaké.[49] Rafael Motamayor ing /Film kandha manawa film iki salah siji film animasi taun 2024 sing akèh dhéwé ditunggu-tunggu.[9]

Jackson nepungaké, liwat pesenan vidhéo, sawijiné panèl kanggo film iki ing Fèstival Film Animasi Internasional ing Annecy taun 2024. Panèl iki dimodherasi déning Andy Serkis, sing maragakaké Gollum ing film live-action lan durung suwé iki diwara-warakaké minangka sutradarané The Lord of the Rings: The Hunt for Gollum (2026). Kamiyama, Boyens, Chou, lan DeMarco ndhiskusèkaké manèh proyèk iki lan nuduhaké 20 menit rekaman saka wiwitané film.[20][27] Motamayor ngelem rekaman iki lan kandha manawa rasané kaya prékuel "sing pantes" kanggo film-filmé Jackson. Sanadyan mangkono, dhèwèké kandha manawa kombinasi antara karakter 2D lan latar wuri 3D kuwi ora saluwes kaya ing sérial anime Attack on Titan (2013–2023).[50] Kambole Campbell of Animation Magazine sarujuk, nanging nyalahaké manawa animasiné durung rampung. Miturut awaké sawatara adegan "nuduhaké gambar sing kinclong lan nastiti" lan uga ngelem para paraga aswara, mliginé Cox.[51] Ing San Diego Comic-Con sasi Juli, Chou lan DeMarco ndhiskusèkaké film iki sajeroné panèl situs wèb para fanatiké Tolkien sing diarani TheOneRing.net. Kabèh padha nuduhaké rekaman saka film lan ngedum sawatara barang-barang dagangan resmi marang para pamirsa panèl iki.[52]

Trailer kapisan dibabar kanthi njero jaringan (online) ing sasi Agustus 2024.[53] Trailer iki dibukak mawa rekaman saka film-filmé Jackson's films lan musik besutané Shore kanggo Rohan sadurungé mlebu sajeroning crita lan gambaré The War of the Rohirrim. James Whitbrook saka Gizmodo nduwé panemu manawa "kacondhongan agrèsif" marang gandhèngané karo trilogi Jackson iku cetha, nanging dhèwèké uga kandha manawa trailer iku rupané uga "kerèn banget" lan nggawa gaya anyar manarik menyang visualé filmé Jackson sing para pamirsa luwih kulina.[54] Matt Patches, sing nulis kanggo Polygon, kandha manawa traileré apik banget lan percaya manawa filmé bisa dadi luwih gedhé tinimbang animasi vèrsiné Bakshi ing taun 1978, yaiku film animasi The Lord of the Rings.[55] Jordan King ing kalawarti Empire ngarani traileré "nggawé mangap" lan nduwé panemu yèn film iki bakal cocog karo jenengé,[56] kamangka Amy West ing GamesRadar+ kandha manawa film iki rupané "sa-èpik kaya sing dibayangaké".[57] Vèrsi trailer ing basa Jepang ngwedharaké manawa karakter Saruman bakal ana ing film iki.[26] Luwih akèh cuplikan rekaman dituduhaké sajeroné panèl ing New York Comic Con, nalika sasi Oktober 2024. Panèl iki dimodherasi déning pambiwara télévisi lan fanatik Tolkien Stephen Colbert. Panèl iki nampilaké Kamiyama, Boyens, DeMarco, Chou, Papageorgiou, Gittins, Cox, Pasqualino, lan Wise. Sawijiné poster obah (motion movie poster) sing diilhami déning lukisan, péta, lan musik saka film dirilis sajroné jaringan karo vidhéo, sing nudhuhaké kepriyé kabèh digawé.[58][59] Whitbrook kandha manawa cuplikan rekaman sing dituduhaké ing panèl bisa "nangkep èstètiké filmé [Jackson] sing ditresnani nganti rinci", nanging uga nduwé ciri kas dhéwé sanadyan katon bekèn".[60]

Jeremy Mathai saka /Film kandha manawa cuplikan rekaman sing sadurungé dirilis iku kurang cocog karo apa sing diomongaké ing panèl iku, sing miturut panemuné kombinasi antara cawé-cawé pulitik ala Game of Thrones (2011–2019) lan "swasana peteng lan diwasa sing luwih mèmper karya animené Kamiyama sadurungé".[61] Banjur ngiloni trèn nggawé èmbèr popcorn awujud anèh-anèh kayata sing dienggo kanggo promosi film liyané sadurungé ing taun 2024, AMC Theatres wara-wara mbabar èmbèr popcorn unik gaya The War of the Rohirrim awujud gadha gedhé sing ukurané 69 cm.[62]

Rilis

[besut | besut sumber]

Bioskup

[besut | besut sumber]

The Lord of the Rings: The War of the Rohirrim kapisan dirilis ing Leicester Square, London, tanggal 3 Dhésèmber 2024.[63] Kanthi internasional film iki dirilis ing bioskup déning Warner Bros. Pictures wiwit tanggal 5 Dhésèmber lan ing Amérika Sarékat tanggal 13 Dhésèmber.[3][64] Sajatiné film iki direncanakaké dirilis tanggal 12 April,[65] nanging diundhur nganti sasi Dhésèmber déné aksi mogok SAG-AFTRA 2023.[66]

Médhia omah

[besut | besut sumber]

Film iki wis ana cumepak ing platform digital wiwit 27 Dhésèmber 2014, namung 14 dina sawisé ditayangaké kapisan ing Amérika Sarékat ing bioskup. Déné alesané kenapa cepet dilakoni amarga filmé iki kurang payu ing bioskup ngadhepi pekansi Natal lan Taun Anyar.[67] Sawisé iku film iki dirilis ing Blu-ray nalika tanggal 18 Fébruari.[68]

Panampa

[besut | besut sumber]

Réferènsi

[besut | besut sumber]
  1. ↑ "The Lord of the Rings: The War of the Rohirrim". British Board of Film Classification. November 5, 2024. Dibukak ing November 10, 2024.
  2. ↑ Rubin, Rebecca (December 10, 2024). "Box Office: 'Kraven the Hunter' Aims for Weak $15 Million in Opening Weekend". Variety. Dibukak ing December 10, 2024.
  3. ↑ a b "The Lord of the Rings: The War of the Rohirrim". The Numbers. Nash Information Services, LLC. Dibukak ing January 13, 2025.
  4. ↑ "The Lord of the Rings: The War of the Rohirrim (2024)". Box Office Mojo. IMDb. Dibukak ing January 13, 2025.
  5. ↑ "The Lord of the Rings: The War of the Rohirrim | Rotten Tomatoes". www.rottentomatoes.com (ing basa Inggris). Dibukak ing December 24, 2024.
  6. ↑ a b c d e f g D'Alessandro, Anthony (June 15, 2022). "'The Lord Of The Rings: The War Of The Rohirrim': Anime Voice Cast Counts Brian Cox, Gaia Wise, Miranda Otto & More". Deadline Hollywood. Diarsip saka asliné ing June 15, 2022. Dibukak ing June 25, 2022.
  7. ↑ a b c d e f g h i j k l "Exclusive: Philippa Boyens talks The War of The Rohirrim with TheOneRing.net". TheOneRing.net. June 28, 2022. Diarsip saka asliné ing June 28, 2022. Dibukak ing May 10, 2024.
  8. ↑ a b c Holub, Christian (June 11, 2024). "Meet the 'rebellious' heroine and 'fascinating' villain of 'Lord of the Rings' anime prequel". Entertainment Weekly. Diarsip saka asliné ing June 11, 2024. Dibukak ing June 11, 2024.
  9. ↑ a b c d e f g h i j k l Motamayor, Rafael (June 13, 2023). "The Lord Of The Rings: The War Of Rohirrim Gives Us Middle-Earth Anime, And We Can't Wait [Annecy 2023]". /Film. Diarsip saka asliné ing June 13, 2023. Dibukak ing May 9, 2024.
  10. ↑ a b "Freca and Fréaláf roles revealed for The War of the Rohirrim". TheOneRing.net. June 16, 2022. Diarsip saka asliné ing June 16, 2022. Dibukak ing June 25, 2022.
  11. ↑ a b c d Smith, Chris (November 5, 2024). The Lord of the Rings: The War of the Rohirrim Official Visual Companion. HarperCollins. ISBN 978-0008713010.
  12. ↑ a b "The Lord Of The Rings: The War Of The Rohirrim – Anime Expo Exclusive". Anime ExpoS. July 3, 2024. Diarsip saka asliné ing September 28, 2024. Dibukak ing November 10, 2024.
  13. ↑ Rusak, Rotem (October 23, 2024). "We Reveal New Art From The Lord Of The Rings: The War Of The Rohirrim (Exclusive)". Nerdist. Diarsip saka asliné ing November 10, 2024. Dibukak ing November 10, 2024.
  14. ↑ a b Pak, Jaron (October 28, 2024). "The Lord Of The Rings: The War Of The Rohirrim Anime Will Have Christopher Lee's Voice – But Not How You Think". /Film. Diarsip saka asliné ing October 28, 2024. Dibukak ing October 28, 2024.
  15. ↑ a b Motamayor, Rafael (December 15, 2024). "War Of The Rohirrim Features Two Lord Of The Rings Actors In Surprising Cameos". /Film. Diarsip saka asliné ing December 15, 2024. Dibukak ing December 15, 2024.
  16. ↑ a b c d e D'Alessandro, Anthony (June 10, 2021). "The Lord Of The Rings Goes On: Anime Film The War Of The Rohirrim In Works At New Line". Deadline Hollywood. Diarsip saka asliné ing June 10, 2021. Dibukak ing June 11, 2021.
  17. ↑ a b c d Vary, Adam B. (June 10, 2021). "Lord of the Rings Anime Feature Fast-Tracked by New Line Cinema and Warner Bros. Animation". Variety. Diarsip saka asliné ing June 10, 2021. Dibukak ing June 11, 2021.
  18. ↑ Hibberd, James (February 28, 2023). "'Lord of the Rings': Amazon, Warner Bros. Ready for Tolkien Battle". The Hollywood Reporter. Diarsip saka asliné ing February 28, 2023. Dibukak ing May 9, 2024.
  19. ↑ a b "Warner Bros. Pictures and New Line Cinema are set to Reunite with the Oscar Winning "The Lord of the Rings" and "The Hobbit" Team Peter Jackson, Fran Walsh, and Philippa Boyens for Two New Feature Films From J. R. R. Tolkien's Middle-earth" (Press release). Burbank, California: Warner Bros. Discovery. May 9, 2024. Diarsip saka asliné ing June 11, 2024. Dibukak ing June 11, 2024.
  20. ↑ a b c d Taylor, Drew (June 11, 2024). "Peter Jackson Joins The Lord of the Rings: The War of the Rohirrim". TheWrap. Diarsip saka asliné ing June 11, 2024. Dibukak ing June 11, 2024.
  21. ↑ a b c d e f g h Graf, Matt (February 27, 2024). Philippa Boyens talks War of the Rohirrim! First chat with writers of new LOTR film!. Nerd of the Rings (video). Dibukak ing May 10, 2024 – lumantar YouTube.
  22. ↑ Giardina, Carolyn (June 11, 2024). "'Lord of the Rings: The War of the Rohirrim' Debuts 20 Minutes of Epic Footage at Annecy, Introducing a Headstrong Princess Héra of Rohan". Variety. Diarsip saka asliné ing June 11, 2024. Dibukak ing January 21, 2025.
  23. ↑ Annecy International Animation Film Festival (June 15, 2023). The Lord of the Rings: The War of the Rohirrim – Philippa Boyens & Kenji Kamiyama - Interview (EN) (video). Dibukak ing May 10, 2024 – lumantar YouTube.
  24. ↑ "Mûmakil, Harad and The War of the Rohirrim". TheOneRing.net. February 18, 2022. Diarsip saka asliné ing February 19, 2022. Dibukak ing May 10, 2024.
  25. ↑ a b c Vary, Adam B. (February 14, 2022). "Lord of the Rings: The War of the Rohirrim Anime Feature Set for April 2024 Release by Warner Bros. (Exclusive)". Variety. Diarsip saka asliné ing February 14, 2022. Dibukak ing February 14, 2022.
  26. ↑ a b Rusak, Rotem (August 22, 2024). "The Lord of the Rings: The War of the Rohirrim Trailer Teases Epic Anime Return to Middle-earth and... Rings". Nerdist. Diarsip saka asliné ing August 23, 2024. Dibukak ing August 23, 2024.
  27. ↑ a b Gajewski, Ryan (June 11, 2024). "Andy Serkis Brings 'Lord of the Rings' Anime Movie's First Footage to Annecy". The Hollywood Reporter. Diarsip saka asliné ing June 11, 2024. Dibukak ing June 11, 2024.
  28. ↑ Graf, Matt (October 20, 2024). War of the Rohirrim NYCC 2024 Interviews!. Nerd of the Rings (video). Kadadéan ana ing 16:20–20:39. Dibukak ing October 21, 2024 – lumantar YouTube.
  29. ↑ "About 82 minutes of winds and strings recorded this week with the amazing [Stroma featuring orchestrations by the excellent [Hamish McKeich] and [Harry Brokensha], engineered by the one and only [John Neill], produced by the best of the best [Mark Willsher], we have the splendid [Janet Grab] and [Alana Janssen] handling edits and programming as well as our wonderful intern [Caoimhe]. We had it all super co-ordinated by the brilliant [Kate Mulls] with the lovely [Robyn Bryant]. Looking out for us all were the incomparable @musicgirl44 and @pbroucek, [Joseph Goubeaud], [Jason DeMarco, Phoebe Gittins, Arty Papageorgiou] It was a privilege to work with these amazing people to bring the score to life for [Kenji Kamiyama]'s extraordinary film. Surround yourself with a great team and anything is possible". Archived from the original on October 21, 2024. Retrieved October 21, 2024 – via Instagram.]
  30. ↑ Gallagher, Stephen [@stephengallaghermusic] (March 4, 2024). "About 82 minutes of winds and strings recorded this week with the amazing [Stroma] featuring orchestrations by the excellent [Hamish McKeich] and [Harry Brokensha], engineered by the one and only [John Neill], produced by the best of the best [Mark Willsher], we have the splendid [Janet Grab] and [Alana Janssen] handling edits and programming as well as our wonderful intern [Caoimhe]. We had it all super co-ordinated by the brilliant [Kate Mulls] with the lovely [Robyn Bryant]. Looking out for us all were the incomparable @musicgirl44 and @pbroucek, [Joseph Goubeaud], [Jason DeMarco, Phoebe Gittins, Arty Papageorgiou] It was a privilege to work with these amazing people to bring the score to life for [Kenji Kamiyama]'s extraordinary film. Surround yourself with a great team and anything is possible". Diarsip saka asliné ing October 21, 2024. Dibukak ing October 21, 2024 – lumantar Instagram.
  31. ↑ Gallagher, Stephen [@stephengallaghermusic] (March 11, 2024). "[Pictured: Hilary Skewes & Co; Stephen Gallagher; The Lord of the Rings: The War of the Rohirrim; Angel Studios; Conductor: Harry Brokensha; 11 March 2024 10-1, 2-5; Horns... Trumpet... Trombone... Bass Trombone...]". Diarsip saka asliné ing October 21, 2024. Dibukak ing October 21, 2024 – lumantar Instagram.
  32. ↑ Gallagher, Stephen [@stephengallaghermusic] (March 13, 2024). "[Pictured: Hilary Skewes & Co; Stephen Gallagher; The Lord of the Rings: The War of the Rohirrim; Angel Studios; Conductor: Harry Brokensha; 13 March 2024 10-1, 2-5; Taiko Drums...]". Diarsip saka asliné ing October 21, 2024. Dibukak ing October 21, 2024 – lumantar Instagram.
  33. ↑ Gallagher, Stephen [@stephengallaghermusic] (March 14, 2024). "[Pictured: Hilary Skewes & Co; Stephen Gallagher; The Lord of the Rings: The War of the Rohirrim; Air Edel; Conductor: Harry Brokensha; 14 March 2024 10-1, 2-5; Crumhorns...]". Diarsip saka asliné ing October 21, 2024. Dibukak ing October 21, 2024 – lumantar Instagram.
  34. ↑ Gallagher, Stephen [@stephengallaghermusic] (March 14, 2024). "It's Crumhorn and Shawm Thursday". Diarsip saka asliné ing October 21, 2024. Dibukak ing October 21, 2024 – lumantar Instagram.
  35. ↑ Gallagher, Stephen [@stephengallaghermusic] (March 26, 2024). "Beaming in from Mexico via remote session. Karen Bentley Pollick playing the beautiful Hardanger". Diarsip saka asliné ing October 21, 2024. Dibukak ing October 21, 2024 – lumantar Instagram.
  36. ↑ Gallagher, Stephen [@stephengallaghermusic] (April 28, 2024). "A total privilege to have the amazing [Karen Bentley Pollick] performing the #hardangerfele on the score! Here she is with the excellent [Alberto Miguel Padilla] recording remotely in #méxico, last month, while [Mark Willsher] and myself were listening in from London. Such stunning playing!". Diarsip saka asliné ing October 21, 2024. Dibukak ing October 21, 2024 – lumantar Instagram.
  37. ↑ "Hardanger fiddle heard on Lord of the Rings soundtrack up for auction". The Strad. November 29, 2022. Diarsip saka asliné ing November 29, 2022. Dibukak ing October 21, 2024.
  38. ↑ Gallagher, Stephen [@stephengallaghermusic] (May 8, 2024). "Here we go! Remote brass session from the excellent [Angel Recording Studios]! [Mark Willsher] engineering, [Harry Brokensha] conducting, [Janet Grab] music editing. Thanks to the amazing musicians [Hilary Skewes & Co]!". Diarsip saka asliné ing October 21, 2024. Dibukak ing October 21, 2024 – lumantar Instagram.
  39. ↑ Gallagher, Stephen [@stephengallaghermusic] (May 18, 2024). "When you ask the amazing singers of [Tudor Consort] to turn around and sing at the back wall.... and they do ... and it sounds so beautiful you that you want to weep... but you put on a professional face and smile and give a thumbs up Instead". Diarsip saka asliné ing October 21, 2024. Dibukak ing October 21, 2024 – lumantar Instagram.
  40. ↑ Gallagher, Stephen [@stephengallaghermusic] (August 20, 2024). "NZ scoring for [The Lord of the Rings: The War of the Rohirrim] is wrapped. Thank you to the excellent musicians of [Stroma], [Michelle Velvin], [Barbara Paterson], [Tudor Consort] maestro supreme [Hamish McKeich], excellent engineer [John Neill], producer extraordinaire [Mark Willsher], [Alana Janssen] and [Caoimhe], @greywarbler_costuming, [Kate Mulls], [Carlos Ramírez Laloli], [Robyn Bryant], [Park Road Post], [Phoebe Gittins] [Arty Papageorgiou]. Arohanui to our amazing director [Kenji Kamiyama], [Philippa Boyens] [Joseph Chou], [Air-Edel Recording Studios], @musicgirl44, @pbroucek [Sam Register] [Brian Lambert], [Jason DeMarco], [Joseph Goubeaud] Massive Thanks always to [Sir Peter Jackson and Dame Fran Walsh]". Diarsip saka asliné ing October 21, 2024. Dibukak ing October 21, 2024 – lumantar Instagram.
  41. ↑ Gallagher, Stephen [@stephengallaghermusic] (August 21, 2024). "Here we go! Streaming the amazing brass players from our session at [Angel Recording Studios]! What a band! A great reason to be up at night here in NZ while the session goes down on the other side of the world. Thank you [Hilary Skewes & Co]! The marvellous [Harry Brokensha] conducting, [Janet Grab] editing and the always incredible [Mark Willsher] engineering. [Air-Edel Recording Studios] your people are champions!". Diarsip saka asliné ing October 21, 2024. Dibukak ing October 21, 2024 – lumantar Instagram.
  42. ↑ Gallagher, Stephen [@stephengallaghermusic] (August 23, 2024). "[Jude Rees] and Dr [Emily Baines] performing Crumhorns for the [The Lord of the Rings: The War of the Rohirrim] score at [Air-Edel Recording Studios]. Sounding so great! [Mark Willsher] [Janet Grab]". Diarsip saka asliné ing October 21, 2024. Dibukak ing October 21, 2024 – lumantar Instagram.
  43. ↑ Gallagher, Stephen [@stephengallaghermusic] (August 28, 2024). "Scoring is now wrapped on the [The Lord of the Rings: The War of the Rohirrim]. Thank you to all of the incredible musicians and crew who added their magic to the soundtrack. We are deeply grateful". Diarsip saka asliné ing October 21, 2024. Dibukak ing October 21, 2024 – lumantar Instagram.
  44. ↑ Gallagher, Stephen [@stephengallaghermusic] (September 4, 2024). "Just like that, [Mark Willsher] arrives from the other side of the globe for the pre mix and dub of [The Lord of the Rings: The War of the Rohirrim]. Here we go!!". Diarsip saka asliné ing October 21, 2024. Dibukak ing October 21, 2024 – lumantar Instagram.
  45. ↑ Gallagher, Stephen [@stephengallaghermusic] (October 3, 2024). "And we're done!! [The Lord of the Rings: The War of the Rohirrim] heading to a theatre around your way in December". Diarsip saka asliné ing October 21, 2024. Dibukak ing October 21, 2024 – lumantar Instagram.
  46. ↑ "'The Lord of the Rings: The War of Rohimmir' to Feature Original Song by Paris Paloma". Film Music Reporter. Diarsip saka asliné ing October 23, 2024. Dibukak ing October 23, 2024.
  47. ↑ "Paris Paloma's Original Song 'The Rider' from 'The Lord of the Rings: The War of the Rohirrim' Released". Film Music Reporter. November 15, 2024. Diarsip saka asliné ing November 18, 2024. Dibukak ing November 18, 2024.
  48. ↑ Peters, Megan (June 13, 2023). "Lord of the Rings: The War of the Rohirrim First Reactions Surface". ComicBook.com. Diarsip saka asliné ing June 13, 2023. Dibukak ing May 9, 2024.
  49. ↑ Hopewell, John (June 16, 2023). "'Fionna and Cake,' 'Gumball,' 'Batman: Caped Crusader,' 'War of the Rohirrim' Dazzle at Annecy". Variety. Diarsip saka asliné ing June 16, 2023. Dibukak ing May 9, 2024.
  50. ↑ Motamayor, Rafael (June 11, 2024). "The Lord Of The Rings: The War Of The Rohirrim Footage Reaction: Middle-Earth Goes Anime And It Looks Amazing [Annecy]". /Film. Diarsip saka asliné ing June 11, 2024. Dibukak ing June 22, 2024.
  51. ↑ Campbell, Kambole (June 17, 2024). "'Rohirrim,' 'Gumball' and 'Creature Commandos': A Closer Look at Warner Bros.' Upcoming Slate". Animation Magazine. Diarsip saka asliné ing June 17, 2024. Dibukak ing June 22, 2024.
  52. ↑ "The Lord of the Rings at SDCC 2024 – highlights!". TheOneRing.net. August 7, 2024. Diarsip saka asliné ing August 10, 2024. Dibukak ing August 10, 2024.
  53. ↑ Grobar, Matt (August 22, 2024). "Anime 'The Lord Of The Rings: The War Of The Rohirrim' Gets First Trailer". Deadline Hollywood. Diarsip saka asliné ing August 23, 2024. Dibukak ing August 23, 2024.
  54. ↑ Whitbrook, James (August 22, 2024). "War of the Rohirrim's First Trailer Is a Rallying Return to Peter Jackson's Middle-earth". Gizmodo. Diarsip saka asliné ing August 22, 2024. Dibukak ing August 23, 2024.
  55. ↑ Patches, Matt (August 22, 2024). "The War for Rohirrim trailer brings Lord of the Rings into the anime age". Polygon. Diarsip saka asliné ing August 23, 2024. Dibukak ing August 23, 2024.
  56. ↑ King, Jordan (August 22, 2024). "Lord Of The Rings: The War Of The Rohirrim Trailer Brings Anime Battles To Middle-Earth". Empire. Diarsip saka asliné ing August 23, 2024. Dibukak ing August 23, 2024.
  57. ↑ West, Amy (August 22, 2024). "First trailer for Lord of the Rings anime movie The War of the Rohirrim promises a "groundbreaking journey back to Middle-earth"". GamesRadar+. Diarsip saka asliné ing August 23, 2024. Dibukak ing August 23, 2024.
  58. ↑ "NYCC: 'LOTR: The War of the Rohirrim' Drops New BTS Video". Animation Magazine. October 18, 2024. Diarsip saka asliné ing October 21, 2024. Dibukak ing October 21, 2024.
  59. ↑ Piccoli, Sean; D'Alessandro, Anthony (October 18, 2024). "'Lord Of The Rings: The War Of The Rohirrim' Teases Footage & Shows Off Motion Poster At NYCC". Deadline Hollywood. Diarsip saka asliné ing October 21, 2024. Dibukak ing October 21, 2024.
  60. ↑ Whitbrook, James (October 18, 2024). "War of the Rohirrim's New York Comic Con Footage Punched Our Faces Off". Gizmodo. Diarsip saka asliné ing October 21, 2024. Dibukak ing October 21, 2024.
  61. ↑ Mathai, Jeremy (October 18, 2024). "8 Things Every Lord Of The Rings Fan Needs To Know About War Of The Rohirrim". /Film. Diarsip saka asliné ing October 21, 2024. Dibukak ing October 21, 2024.
  62. ↑ Sudario, Erielle (November 20, 2024). "Feast Like Middle-earth Royalty With 'The Lord of the Rings: The War of Rohirrim' Popcorn Bucket". Collider. Diarsip saka asliné ing November 21, 2024. Dibukak ing November 21, 2024.
  63. ↑ Senzatimore, Renee (December 5, 2024). "'It Was Magnificent': Lord of the Rings' Peter Jackson Praises War of the Rohirrim as 'Essential Lore'". Comic Book Resources. Diarsip saka asliné ing December 9, 2024. Dibukak ing January 21, 2025.
  64. ↑ "The Lord of The Rings: The War of The Rohirrim | Official Movie Site". The Lord of The Rings: The War of The Rohirrim. Diarsip saka asliné ing November 7, 2024. Dibukak ing November 7, 2024.
  65. ↑ Couch, Aaron (February 14, 2022). "Lord of the Rings Anime Movie Sets 2024 Release Date". The Hollywood Reporter. Diarsip saka asliné ing February 14, 2022. Dibukak ing February 14, 2022.
  66. ↑ D'Alessandro, Anthony (August 24, 2023). "'Lord Of The Rings: The War Of The Rohirrim' Release Delayed Until December 2024". Deadline Hollywood. Diarsip saka asliné ing August 24, 2023. Dibukak ing August 24, 2023.
  67. ↑ D'Alessandro, Anthony (December 23, 2024). "'Lord Of The Rings: The War Of The Rohirrim' Heading Into Homes After 14-Day Theatrical Window". Deadline Hollywood. Diarsip saka asliné ing December 23, 2024. Dibukak ing December 23, 2024.
  68. ↑ Petite, Steven (January 15, 2025). "The Lord Of The Rings: The War Of The Rohirrim 4K Steelbook Release Date Announced". GameSpot. Diarsip saka asliné ing January 16, 2025. Dibukak ing January 21, 2025.
Masalah sitiran: Tenger <ref> kanthi jeneng "Gallagher" sing diwedharaké ing <references> ora kanggo ing tèks sadurungé.

Pranala njaba

[besut | besut sumber]
Dijupuk saka "https://jv.wikipedia.org/w/index.php?title=The_Lord_of_the_Rings:_The_War_of_the_Rohirrim&oldid=1719270"