The Kite Runner (filem)

Saka Wikipédia Jawa, bauwarna mardika basa Jawa
The Kite Runner
American theatrical release poster
DisutradaraniMarc Forster
DiprodhuseriWilliam Horberg
Walter F. Parkes
Rebecca Yeldham
E. Bennett Walsh
DiskénariyoniDavid Benioff
AdhedhasarThe Kite Runner
déning Khaled Hosseini
DibintangiKhalid Abdalla
Zekeria Ebrahimi
Ahmad Khan Mahmidzada
Homayoun Ershadi
DimusikiAlberto Iglesias
SinématografiRoberto Schaefer
Dibesut déningMatt Chesse
Perusahaan
prodhuksi
Dibabar déningDreamWorks Pictures
Paramount Classics
Tanggal metu
Suwéné
128 menit
NagaraAmérikah Sarékat
BasaBasa Pèrsia
Basa Inggris
Basa Ruslan
Rantaman$20 yuta[1]
Kalarisan$73,276,047

The Kite Runner punika filem sandiwara saking Amérikah Sarékat ingkang dipundamel taun 2007. Filem punika dipunsutradarani Marc Forster, dhedhasar skénario anggitanipun David Benioff, dipunangkat saking novèl kanthi sesirah ingkang sami, karyanipun Khaled Hosseini. The Kit Runner nyariyosaken Amir, laré jaler saking Distrik Wazir Akbar Khan ing Kabul, Afganistan, lan kancanipun, Hassan, putra sawijiné juru ladi hazara ing griyanipun, sarta bubruhipun kaanan pamaréntah ing Afghanistan sasampunipun dawahipun monarki Afghanistan ing invasi Soviet, para pengungsi dhumateng Pakistan lan Amérikah Sarékat, ugi kuwaosipun rezim Taliban.[2][3]

Filem punika mundhut latar cariyos ing Afghanistan, sakpérangan wonten Kashgar, Republik Rakyat Tiongkok, awit saking kuwatos wontenipun bebaya manawi dipuntindakaken wonten Afghanistan.[4] Sapérang kathah wicantenan ing filem The Kit Runner ngagem basa Dari, ingkang sakedhik dipunpoles kanthi basa Inggris. Juru paraga laré-laré ngginakaken bahasa ibu, nanging sapérang paraga diwasa kedah sinau basa Dari.[4] The Kite Runner dipunbabar wujud DVD ing tanggal 25 Maret 2008. Wonten taun punika, The Kite Runner pikantuk pangaji minangka Filem Manca Paling Sae wonten pangaji Piala Oscar.[1][5][6]

Ringkesan[besut | besut sumber]

Amir lan Hassan manggèn wonten Kabul, Afghanistan, nalika samanten saweg wonten paperangan antawisipun Taliban kaliyan Ruslan. Amir lan Hassan tansah dolan sesarengan. Ing papan panggènanipun, wonten laré namanipun Assef ingkang gadhah prilaku seks bènten lan remen nganiaya laré jaler, kaliyan golongan kang kasar. Sawijining dinten, Assef péngin natoni Amir. Nanging Hassan nylametaken Amir. Piyambakipun mlintheng matanipun Assef. Assef nangis lan mboten badhé mbales tumindak punika. Hassan prasetya dhumateng Amir manawi wonten pundi kemawon, kepara piyambakipun ugi tansah nglindhungi Amir. Nalika dinten tanggap warsanipun Hassan, Amir maringi sawijiné layangan dhumateng Hassan. Hassan tuhu remen nampani bebungah punika, lan badhé mucali Amir dolanan layangan.

Amir mboten saget dolanan layangan, mboten kados Hassan ingkang prigel sanget. Awit saking piwucal saking Hassan, Amir saget dolanan layangan kanthi saé. Kepara nalika wonten tetandhingan layangan, Amir kasil menang. Nalika Hassan mundhut layangan Amir ingkang dhawah ing sawijiné panggènan, Assef nginthil saking wingking lan natoni Hassan. Sejatosipun nalika kadadéan punika, Amir sumerep. Nanging piyambakipun mlajar lan mboten mbiyantu kancanipun, Hassan, ingkang tansah lila punapa kemawon. Awit kadadéan punika, Amir lajeng ngadohi Hassan lan mitenah Hassan nyolong jam tanganipun. Perkawis punika ndadosaken Ali, ramanipun Hassan, mboten nyambut damel malih wonten kaluwargi Agha Sahib. Taun-taun salajengipun, wonten invansi déning Ruslan, ingkang ndadosaken Agha Sahib lan Amir kedah ngungsi dhumateng Amérika. Ing mrika, Amir ngrampungaken pawiyatanipun lan dados panganggit novèl. Amir lajeng dhaup kaliyan Soraya, puteri Jenderal Taheri.

Lejeng, sasampunipun sedanipun Sahib, dumadakan Amir nampz serat saking Rahim Khan, rencang nyambut damel ramanipun. Rahim Khan nyuwun supados Amir dhumateng Pakistan saperlu manggihi piyambakipun. Sasampunipun wonten Pakistan, Rahim Khan nyariyosaken samukawis dhumateng Amir. Rahim Khan ngendika bilih sajatosipun Hassan punika sadhèrèk kuwalonipun. Awis saking wekdal punika, Amir péngin manggihi Hassan. Nanging Hassan sampun séda sareng semahipun, Farzana, dipunpejahi déning Golongan Taliban. Namung putranipun Hasan taksih gesang lan mangen wonten Afghanistan.

Ingkang maragani[besut | besut sumber]

  • Khalid Abdalla-Amir Qadiri
  • Zekeria Ebrahimi-Young Amir
  • Ahmad Khan Mahmidzada-Young Hassan
  • Homayoun Ershadi-the Agha Sahib (Baba)
  • Atossa Leoni-Soraya
  • Shaun Toub-Rahim Khan
  • Saïd Taghmaoui-Farid
  • Abdul Salaam Yusoufzai-Assef
  • Elham Ehsas-Assef mudha
  • Ali Danish Bakhtyari-Sohrab
  • Maimoona Ghezal-Jamila Taheri
  • Qadir Farookh-Jenderal Taheri
  • Khaled Hosseini (cameo)-dokter di taman
  • Camilo Cuervo-wadya Taliban

Nominasi[besut | besut sumber]

  • 65th Golden Globe Awards[4]
    • Filem basa manca ingkang saé piyambak
    • Filem kanthi cariyos asli ingkang saé piyambak (Alberto Iglesias)
  • 61st British Academy Filem Awards
    • Filem basa Inggris ingkang saé piyambak
  • 80th Academy Awards
    • Filem kanthi cariyos asli ingkang saé piyambak (Alberto Iglesias)

Rujukan[besut | besut sumber]

  1. a b http://www.the-numbers.com/movie/Kite-Runner-The#tab=summary
  2. French, Howard W. (31 December 2006). "Where to Shoot an Epic About Afghanistan? Cina, Where Else?". New York Times. Dibukak ing 2007-02-15.
  3. AP (5 October 2007). "'Kite Runner' release delayed to protect young stars". CNN. Diarsip saka sing asli ing 2007-11-09. Dibukak ing 2007-10-05.
  4. a b c French, Howard W. (31 December 2006). "Where to Shoot an Epic About Afghanistan? Cina, Where Else?". New York Times. Dibukak ing 2007-02-15.
  5. "The Kite Runner-Rotten Tomatoes". Rotten Tomatoes. Dibukak ing 2009-07-19.
  6. "Kite Runner, The (2007): Reviews". Metacritic. Diarsip saka sing asli ing 2007-12-14. Dibukak ing 2007-12-14.

Pranala njawi[besut | besut sumber]