The Equalizer (filem)

Saka Wikipédia Jawa, bauwarna mardika basa Jawa
(Kaelih saka The Equalizer (film))

The Equalizer
Theatrical release poster
DisutradaraniAntoine Fuqua
DiprodhuseriTodd Black
Jason Blumenthal
Denzel Washington
Alex Siskin
Steve Tisch
Mace Neufeld
Tony Eldridge
Michael Sloan
DiskénariyoniRichard Wenk
AdhedhasarThe Equalizer
déning Michael Sloan
Richard Lindheim
DibintangiDenzel Washington
Marton Csokas
Chloë Grace Moretz
David Harbour
Bill Pullman
Melissa Leo
DimusikiHarry Gregson-Williams
SinématografiMauro Fiore
Dibesut déningJohn Refoua
Perusahaan
prodhuksi
Dibabar déningColumbia Pictures
Tanggal metu
Suwéné
132 menit[1]
NagaraAmérikah Sarékat
BasaBasa Inggris
Rantaman$55 yuta[2]
Kalarisan$192.3 yuta[2]

The Equalizer inggih punika filem thriller laga saking Amérikah Sarékat ingkang kadamel taun 2014. Filem punika dipunsutradarani Antoine Fuqua, dhedhasar skénario anggitanipun Richard Wenk, dipunangkat saking sandhiwara seri televisi kanthi sesirah ingkang sami. Ingkang maragani filem punika antawisipun Denzel Washington, Marton Csokas, Chloë Grace Moretz, David Harbour, Bill Pullman, lan Melissa Leo.

Pandamelan filem punika kawiwitan ing wulan Juni 2013 ing sapérang panggènan ing Massachusetts. The Equalizer punika filem kapisan sayuk karyanipun Village Roadshow Pictures kaliyan Sony Pictures Entertainment awit Saving Silverman taun 2001. Filem punika, kaping pisan dipun-giyaraken ing pahargyan Toronto International Film Festival surya 7 September 2014, lan dipunbabar kanggé sagung pamirsa sadonya ing surya 26 Sèptèmber 2014.

Sasampunipun kababar, The Equalizer nampi warni-warni pamanggih saking para pamirsa lan juru kritik, ingkang kathahipun sami ngalembana lumantar kaprigelan para juru paraganipun, suwantenipun, lan jagragipun. Kados ingkang kacathet déning box office, filem punika kasil ngempalaken arta langkung saking $192 yuta. Filem chandhakipun ugi sampun dipunwartosaken badhé dipundamel, ingkang dipunsengkuyung déning Denzel Washington malih minangka paraga baku.

Ingkang maragani[besut | besut sumber]

Latar wingking[besut | besut sumber]

Ing wulan Juni 2010 wonten pawartos bilih Russell Crowe gadhah gegayuhan badhé ndamel filem kanthi sesirah The Equalizer ingkang badhé dipunsutradarani Paul Haggis, lan disengkyung déning Crowe minangka juru paraga ingkang maragani Robert McCall.[3][4]

Ing wulan Désèmber 2011 kalaporaken ugi, Denzel Washington badhé maragani filem ingkang dipunangkat saking sandhiwara sèri televisi, dipunragati déning Sony Pictures Entertainment lan Escape Artists.[3][5] Antoine Fuqua kacathet badhé nyutradarani filem punika, jumbuh kaliyan pratélanipun ing surya 21 Maret 2013, nyawiji malih kaliyan Washington sasampunipun sayuk karya ing taun 2001 nalika nampi bebungah Piala Oscar ing filem Training Day.[6] Chloë Grace Moretz ugi dipunpratélakaken badhé dados paraga, ing surya 10 Mèi 2013.[7] Ing surya 31 Mèi 2013, Melissa Leo katetepaken minangka salah satunggalipun juru paraga. Leo sadèrèngipun sesaringan kaliyan Washington ing filem Flight, lan kaliyan Fuqua ing filem Olympus Has Fallen (2013).[8] Marton Csokas ugi katetepaken mlebet filem punika ing surya 17 Mèi.[9] Pandamelan filem punika kawiwitan ing wulan Juni 2013 ing Salisbury, Hamilton, Chelsea, Haverhill, lan Boston, Massachusetts.[10]

Surya 21 Juni 2013, Harry Gregson-Williams kadhapuk ngayahi jejibahan minangka juru musik pangiring kanggé filem punikai.[11] Varèse Sarabande mbabar album musik pangiring The Equalizer ing surya 23 Sèptèmber 2014.[12] Ing surya 25 Agustus 2014, kapéntasaken lagu "Guts Over Fear", déning Eminem sesarengan Sia, ingkang kadamel déning Emile Haynie.[13] Lagu punika ugi saget kamirengaken ing sisih wingking filem.

Box office[besut | besut sumber]

The Equalizer kasil ngempalaken arta ngancik $101.5 yuta ing Amérika Lèr lan $90.8 yuta ing sapérang tlatah sadonya, lan gunggung arto ngancik $192.3 juta, sawatawis wragad ingkang sampun medal inggih punika $55 yuta.

Filem candhakan[besut | besut sumber]

Ing surya 24 Fèbruari 2014, pitung wulan sadèrèngipun pambabaran filem punika, dipunlaporaken bilih Sony Pictures lan Escape Artists sampun gadhah rancana badhé ndamel filem candhakipun, dhedhasar skénario anggitanipun Richard Wenk.[14][15][16] Pramula Oktober 2014, Fuqua ngendika ing salebetipun wawan rembag, bilih piyambakipun badhé maragani filem candhakan manawi para pamirsa lan Washington ngersakaken.[17] Ing surya 22 April 2015, satunggalipun filem candhakan sampun dipunpratélakaken, lan Washington badhé ngayahi minangka juru paraga baku.[18] Ing surya 11 Juni 2015, Sony netepaken 29 September 2017 minangka wanci pambabaran filem The Equalizer 2, sinaosa Fuqua dèrèng mratélakaken kasumadyan nyutradarani malih.[19] Surya 23 Sèptèmber 2016, Washington ngedalaken pratélan bilih piyambakipun sumadya ngayahi dados paraga baku.[20] Novèmber 2016, Sony ngaturi pirsa bilih filem candhakan dipunundur ing 14 Sèptèmber 2018, lan Fuqua sumadya nyengkuyung malih minangka sutradhara.[21]

Rujukan[besut | besut sumber]

  1. "THE EQUALIZER (15)". British Board of Film Classification. Sèptèmber 3, 2014. Dibukak ing Sèptèmber 3, 2014.
  2. a b "The Equalizer (2014) - Box Office Mojo". Sèptèmber 26, 2014. Dibukak ing Januari 13, 2014.
  3. a b Schaefer, Sandy (October 25, 2012). "Denzel Washington’s ‘Equalizer’ Secures Start Date; Lining Up Directors". Screen Rant.
  4. "Russell Crowe Looking To Bring Back The Equalizer". The Film Stage. Juni 15, 2010. Diarsip saka sing asli ing Maret 29, 2014. Dibukak ing Juni 15, 2010.
  5. "Sony sets 'Equalizer' redo with Denzel Washington". Variety. Dhésèmber 13, 2011. Dibukak ing Dhésèmber 13, 2011.
  6. Fleming, Mike. "Antoine Fuqua Eyes 'Training Day' Re-Team With Denzel Washington In 'The Equalizer'". Deadline.com. Dibukak ing Maret 21, 2013.
  7. Fleming, Mike. "Chloe Moretz Getting Lead in 'Equalizer' Movie With Denzel Washington". Deadline.com. Dibukak ing Juni 1, 2013.
  8. Fleming, Mike. "Melissa Leo Joining Denzel Washington In 'The Equalizer'". Deadline.com. Dibukak ing Juni 1, 2013.
  9. "Marton Csokas to Play the Villain in The Equalizer". Comingsoon.net. Diarsip saka sing asli ing Juni 7, 2013. Dibukak ing Mèi 18, 2013.
  10. "Filming Locations". IMDB. Dibukak ing Juni 15, 2015.
  11. "Harry Gregson-Williams to Score 'The Equalizer'". filmmusicreporter.com. Juni 21, 2013. Dibukak ing Sèptèmber 27, 2014.
  12. "Varese Sarabande to Release Harry Gregson-Williams' 'The Equalizer' Score". filmmusicreporter.com. Juli 31, 2014. Dibukak ing Sèptèmber 27, 2014.
  13. "Hear Eminem and Sia's Triumphant New Duet 'Guts Over Fear'". Rolling stone. Dibukak ing Juni 26, 2014.
  14. Sneider, Jeff (Fèbruari 24, 2014). "Sequel to Denzel Washington Thriller 'Equalizer' Moves Forward as Sony Brings Back Writer Richard Wenk". thewrap.com. Dibukak ing Fèbruari 25, 2014.
  15. Chitwood, Adam (Fèbruari 24, 2014). "Sony Developing THE EQUALIZER 2 Following Positive Test Scores; Denzel Washington Expected to Return". Collider.
  16. "'The Equalizer 2′ Moving Forward After Positive Test Screenings; Denzel Washington Expected To Return". Flicks and Bits. Fèbruari 24, 2014.
  17. Lang, Brent (Oktober 1, 2014). "'Equalizer' Director Antoine Fuqua: 'I Don't Believe I Should Filter the Violence'". Variety. Dibukak ing Oktober 5, 2014.
  18. "'Equalizer' Getting Sequel". Variety. April 22, 2015. Dibukak ing April 23, 2015.
  19. "THE EQUALIZER 2 Release Date Set for September 29, 2017". Collider. Juni 11, 2015.
  20. "Denzel Washington signs up to star in The Equalizer 2, the first sequel of his career". independent.co.uk. Dibukak ing Sèptèmber 23, 2016.
  21. "The Equalizer 2 confirmed, release date shifts to 2018". denofgeek. Diarsip saka sing asli ing Agustus 23, 2017. Dibukak ing Dhésèmber 20, 2016.

Pranala njawi[besut | besut sumber]