The Da Vinci Code (film)

Saka Wikipédia Jawa, bauwarna bébas abasa Jawa
The Da Vinci Code (film)
220px
Disutradarani Ron Howard
Diprodhuseri Brian Grazer,
John Calley
Ditulis déning Dan Brown (novèl)
Akiva Goldsman (skenario)
Dibintangi Tom Hanks
Audrey Tautou
Ian McKellen
Alfred Molina
Jürgen Prochnow
Paul Bettany
Jean Reno
Dimusiki Hans Zimmer
Sinématografi Salvatore Totino
Dibesut déning Daniel P. Hanley
Mike Hill
Dibabar déning Sony Pictures Entertainment,
Columbia Pictures
Suwéné
149 minutes (theatrical cut)
174 minutes (extended version)
Nagara Amérika Sarékat
Rantaman US$125.000.000
Kalarisan $758,239,851

The Da Vinci Code inggih punika filem saking novèl The Da Vinci Code déning Dan Brown ingkang dipunrilis tanggal 19 Mèi 2006, lan naté dipunputer tanggal 17 Mèi ing Festival Film Cannes. Hak pendamelanipun filem inggih punika $6.000.000 USD. Sutradaranipun inggih punika Ron Howard. Hans Zimmer dados penata musik kagem filem punika.

Sutingipun filem punika ing gréja sepuh abad pertengahan ing laladan Midlothian, Sekotlan. Kagem prosès syuting filem ingkang dipunadaptasi langsung saking novèl best-seller internasional karya Dan Brown, Kapel Rosslyn ingkang wonten ing caketipun Edinburgh kapeksa dipuntutup kagem publik ingkang dangunipun 4 dinten.

Ing filem punika, aktor Tom Hanks gadhah peran dados Professor Robert Langdon. Lajeng Audrey Tautou, ingkang misuwur ing filem AMELIE dados peran dekteftif Perancis, Sophie Neveu. Sutradara Ron Howard ingkang sukses damel filem APOLLO 13 lan CINDERELLA MAN ingkang ngarahaken prosès produksi filem kontroversial punika.

Asma kapel Rosslyn ingkang dumugi ing abad 15 punika, kasebat ing novèl 'Da Vinci Code' dados papan kagem nyimpen rahasia 'Holy Grail'. Lajeng kathah tiyang ingkang cacahipun kirang langkung 70 èwu dumugi wonten ngrika kagem ningali kados menapa rupa kapel sajarah punika.

Ing criyos novèl punika Brown damel korelasi misteri pamejahan ing Paris kanthi kathah petunujuk saking lukisan Leonardo Da Vinci ingkang ngarahaken panyidikan ing paguyuban rahasia ingkang dipunwentuk kagem nglindungi katurunan saking Yesus Kristus lan Maria Magdalena.

Sinaosa pikantuk duka saking pihak Gereka Katolik lan kathah nimpuna sajarah, buku karangan Brown kasade ngantos 25 yuta kopi ing sadaya donya. Novèl punika sampun dipunterjemahaken dados 44 basa.[1]

Perjamuan pungkasan déning Leonardo Da Vinci

Ingkang maragani[besut | besut sumber]

Pranala njaba[besut | besut sumber]

Cathetan suku[besut | besut sumber]

  1. ^ www.kapanlagi.com(dipuntingali tanggal 19 Fèbruari 2012)