The Beatles (album)
The Beatles, alias White Album, iku album kesongo saka the Beatles, band rock saka Inggris, sing dibabar nalika 22 Novémber 1968. Album iki samaké nggur polosan putih ora ana gambar lan tulisané kejaba jenengé band kuwi dhéwé[a] Iki disengaja bèn béda saka samaké album sadurungé Sgt. Pepper's Lonely Hearts Club Band, sing kétok ramé. Sanajan ora ana single sing dibabar saka album The Beatles ning Inggris lan Amèrikah, lagu "Hey Jude" lan "Revolution" saka rekaman kuwi dibabar dadi single nalika August 1968. Lagu-lagu ning album iki gayané warna-warna, saka British blues, ska, teka ana sing kentel banget ambèk gayané Chuck Berry lan Karlheinz Stockhausen.
Akèh-akèhé lagu sing ning album iki ditulis ning sasi Maret lan April 1968 pas kursus Transcendental Meditation ning Rishikesh, India. The Beatles balik ning Studio EMI sasi Mèi nggé ngerekam lagu-lagu kuwi kanti Oktober. Anggotané the Beatles pada bebantahan sedheng rekaman déning do duwé pamikiran dhéwé-dhéwé babagan kréatif produksiné, ngasi didelok para seksi sing pas kuwi ning studio. Kondisi kuwi dadi tambah semrawut amarga bojo anyaré Lennon, Yoko Ono, mèlu teko amben sesi rekaman. Bar bolak-balik ana masalah, nyakup prodhuser George Martin sing cuti ndadak lan teknisi Geoff Emerick sing metu, Ringo Starr ngumumké budhal saka band sasi Agustus. Masalah-masalah kuwi ora tuntas ngasi taun ngarepé, sing akhiré maraké the Beatles bubar tenan nalika April 1970.
- ↑ Early LP and CD releases include an unique serial number.