Tembung ing pawayangan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Tembung ing pawayangan iku sawetara tembung Basa Jawa sing kerep dianggo (istilah) sajeroning donya pawayangan lan utawa ing donya padhalangan. Tembung-tembung mau antarané:

  1. Ada-ada: kidungané dhalang arep nyritakake wayang.
  2. Antawacana: lagu cengkoké swara siji-sijiné wayang.
  3. Bala tengen: bangsa prajurit kang disandhing ing kelir sisih tengen.
  4. Bala kiwa: bangsa prajurit kang disandhing ing kelir sisih kiwa.
  5. Bléncong:diyan kanggo madhangi wayang.
  6. Bodholan: padha mangkate wadyabala.
  7. Cempala: kayu penthol kanggo ngepraki wayang.
  8. Gara-gara: wetuné Semar, Gareng, Petruk.
  9. Jejer: lagi madeg padha rembugan.
  10. Kecrèk, kepyak: prabot(wesi) sing ngetokaké swara crek-crek.
  11. Kelir: lawon putih kanggo nampani wayanganing wayang.
  12. Perang brubuh: perang amuk-amukan akèh pepati.
  13. Perang gagal: perang wadyabala durung ana pepati.
  14. Perang kembang: perangé buta karo satriya.
  15. Sabetan: patrapé dhalang nglakokaké wayang.
  16. Sulukan: ada-ada.
  17. Talu: uyon-uyon ngarepake wiwit jejer.

Uga delengen[besut | besut sumber]