Tembung Gerban-gerba

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Tembung Gerban-gerba yaiku tembung rerangkèn utawa tembung loro sing didadeké siji, nanging ana sing dielongi utawa diungkrèt (disingkat). Tembung gerban-gerba sing akeh-akeh kanggo ing tembang, kanggo ngetung guru wilangan utawa lagu, kayata[1]:

  • Malbeng tegesè malbu + ing (malebu = mlebu + ing).
  • Lagyantuk tegesè lagi + antuk (èntuk).
  • Maharsi tegesè maha + resi (pandhita sing kondhang).
  • Sitinggil tegesè siti + inggil.
  • Narpèndah tegesè narpa (ratu) + èndah (ayu utawa linuwih).
  • Jalwèstri tegesè jaler + èstri (lanang wadon).
  • Nujweng tegesè nuju + ing.
  • Sarwèndah tegesè sarwa + èndah (sarwa becik, endah, lan apik).
  • Sarotama tegesè sara + utama (panah/jemparing linuwih).
  • Klabang tegesè kala + abang (rupané abang).
  • Mahmèru tegesè maha + meru (linuwih - gunung = dhuwur).
  • Siniwakeng tegesè siniwaka + ing (diadhep dening....).
  • Dhemenyar tegesè dhemen + anyar (senengé yen isih anyar).
  • Sesotyadi tegesè sesotya + adi (inten sing apik = linuwih).
  • Narendra tegesè nara = indra (lanang, ratu).
  • Aneng tegesè ana + ing.
  • Sedyarsa tegesè sedya + arsa (duwe karep)

Rujukan[besut | besut sumber]

  1. Sesuluh Basa Jawi. Solo: Tiga Serangkai. 1981. k. 49.