Teh Talua

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Teh Talua utawi teh tigan inggih punika satunggaling unjukan ingkang khas Sumatra Kulon. Unjukan punika kalebet unjukan ingkang wajib wonten ing warung tradhisional lan ugi restoran Padang. Unjukan punika kaperang saking campuran antawisipun teh, gula, lan tigan lan ugi kaliyan sedhedik peresan saking jeruk nipis. Tigan ingkang padatanipun inggih punika tigan ayam kampung. Teh talua punika padatanipun dipununjuk déning para tani ingkang badhe tindak dhateng sabin (sawah), kanthi ancas supados saged nambah stamina lan energi nalika nyambut damel.

Cara anggenipun damel teh talua punika gampil. Inggih punika kanthi cara tigan ayam kampung utawi tigan bèbèk punika dipunkocok sinambi dipuncampur kaliyan susu lan gula dumugi medal umplukipun. Saksampunipun punika lajeng dipunseduh kalaiyan toya teh ingkang panas. Kejawi punika ugi dipuntambah kaliyan peresan toya jeruk nipis sekedhik kemawon. Ancasipun maringi toya jeruk nipis punika supados ngicalaken raos amis saking tigan wau.

Menawi dipunleremaken sekedhap sakbibaripun dipunseduh mawi toya teh ingkang panas, teh talua punika nedahaken lapisan-lapisan ingkang unik menawi dipunpirsani saking gelas ingkang bening. Kadosdene unjukan-unjukan ingkang awis wonten ing cafe-cafe tinamtu. Wonten ing lapisan nginggil punika wonten umplukipun, ingkang sisih tengah punika warninipun putih lajeng wonten bagiyan ngandhap punika mawi warni coklat.

Pirsani ugi[besut | besut sumber]


Cithakan:Minuman-indonesia-stub