Tataki

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tataki
250px
Tataki bonito (cakalang).
Panggonan asal Jepang
Woworan pokok irisan ulam tuna dipungarang sekedhap ing nginggilipun geni utawi wajan
Buku masakan: Tataki  Médhia: Tataki

Tataki (Jepang "tumbuk" utawi "nuthuk dumugi misah"),[1] utawi ugi sinebat tosa-mi,[1] menika satunggaling cara ngolah ulam /ulam utawi daging wonten ing seni kulinèr Jepang. Daging utawi ulam kala wau dipun-garang sekedhap wonten ing sanginggilipun geni utawi wajan, lajeng menawi sampun dipuncelup sekedhap wonten ing cuka, dipuniris kanthi tipis lajeng dipunparingi bumbu mawi jahé ingkang dipuntumbuk dumugi alus. Cara numbuk jahe dumugi alus menika ingkang dados wiwitan istilah tataki.[1] Amargi tèknik penggarangan wonten ing geni ingkang sekedhap menika pramila saged angsal irisan ulam tuna ingkang sampun mateng ing sisih njawi nanging ingkang njero taksih mentah kados dhaharan sashimi limrahipun. Dhaharan paling limrah lan populer saking teknik tataki menika nun inggih tuna tataki salad.[2]

Métodhe masak menika asalipun saking Provinsi Tosa, ingkang samenika pérangan saking Prefektur Kochi. Miturut tradhisi rakyat, teknik menika dipunwiyaraken malih déning Sakamoto Ryoma, satunggaling samurai ingkang dados pamberontak saking abad kaping 19, ingkang nyinaoni tèknik manggang daging kanthi cara Eropa saking tiyang ngamanca ingkang mapan wonten ing Nagasaki.[1]

Rujukan[besut | besut sumber]

  1. a b c d Dave Lowry (2005). The Connoisseur's Guide to Sushi: Everything You Need to Know about Sushi. Harvard Common Press. k. 123. ISBN 1-55832-307-4. 
  2. "Tuna Tataki". Food Network. Dijupuk 14 Januari 2018.  Priksa gandra date ing: |access-date= (pitulung)