Tari Bedhaya
Jogèd Bedhaya ya iku salah sawijining lelangen joged kang luruh, kang dadi salah sawijining beksan pusaka kraton. Miturut mula bukanipun, jogèd bedhaya punika kasebat saking basa Sansekerta budh kang duwé teges budi utawi pikir.[1]. Ing lumampahing jaman, tembung budh iku angolehi éwah-éwahan dadi tembung bedhaya utawa budaya.[1]. Jeneng bedhayaiku duwé kekarep amarga beksan iku digawé kanthi prosès olah pikir sarta olah rasa, saéngga para pambeksa beksan bedhaya kudu duwé wirasa kang luruh [1]. Wonten ing jaman kraton kang iseh misuwur déning pamarintahane, beksan bedhaya iku dadi beksan sakral kang duwé pola rumit, alus, simbolis, lan duwé estetika kang dhuwur [2]. Wonten jamane sultan Agung (1613-1646), beksan bedhaya iku duwé kacaritan babagan mitos Kanjeng Ratu Kencanasari utawi Kanjeng Ratu Kidul kaliyan Sultang Agung ingkang jumeneng kaping pisan, Panembahan Senopati [2]. Carita kang ana ing beksan Bedhaya iku lair saka kepinginan Panembahan Senopati, kang lair déning Kanjeng Ratu Kidul supaya sowan tindhak Kraton saha anglatih beksan Bedhaya Ketawang kanggo para pambeksa kasayangan Panembahan Senopati [1]. Kanjeng Ratu Kidul anyanggupi kabèh kang dumadi kepinginaning Panembahan Senopati, saéngga saben dina Anggara Kasih (Selasa Kliwon)Kanjeng Ratu Kidul tindhak dhateng Kraton Mataram ngastha beksan pusaka Bedhaya Ketawang [1]. Miturut saking K.G.P.H Hadiwidjojo Bedhaya Ketawang punika dipun klasifikasi dados beksan ingkang gadhah unsur sarta makna kados (1)Upacara adat, (2) Sakral, (3) Religius, saha (4) Beksan percintaan saha pawewahan agung [3].
Klasifikasi unsur Jogèd Bedhaya[besut | besut sumber]
- Adat Upacara
- Sakral
- Religius
- Beksan percintaan saha pawewahan agung
Cathetan suku[besut | besut sumber]
- ↑ a b c d e Tari Bedhaya Ketawang Archived 2013-12-15 at the Wayback Machine.(dipununduh tanggal 30 September 2012)
- ↑ a b Tari Bedhaya Archived 2012-04-14 at the Wayback Machine.(dipununduh tanggal 30 September 2012)
- ↑ K.G.P.H. Hadiwidjojo. 1978.Bedhaya Ketawang.Departemen Pendidikan dan Kebudayaan