Tanah Kidul lan Antarktik Prancis

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Tanah Kidul lan Antarktik Prancis (Prancis: Terres australes et antarctiques françaises, TAAF) iku Laladan Sabrang (Prancis: Territoire d'outre-mer or TOM; Inggris: Overseas Territories) saka Prancis. Laladan iki kapérang:

  1. Tanah Adélie (Terre Adélie), laladan ing buwana Antarktika kang didhaku Prancis.
  2. Kapuloan Crozet (Îles Crozet), kapuloan ing Sagara Indhiyah pérangan kidul, sakiduling Madagaskar.
  3. Nusa Kerguelen (Archipel des Kerguelen), kapuloan gunung geni ing Sagara Indhiyah pérangan kidul, sakidul-kuloning Aprikah, dohé udakara padha saka Aprikah, Antarktika, lan Ostrali.
  4. Pulo Saint Paul-Amsterdam (Îles Saint Paul et Amsterdam), pulo cacah loro ing saloring Kapuloan Kerguelen.
  5. Kapuloan Sumebar (Îles Éparses), pulo-pulo kang sumebar ing sakitering Madagaskar.

Laladan iki kala-kala uga kaaran Tanah Kidul Prancis (Prancis: Terres australes françaises) utawa Laladan Kidul Prancis.

Watara wong 150 (ing usum adhem) nganti 310 (ing usum panas) dumunung ing Tanah Kidul lan Antarktik Prancis. Wong kang dumunung mung wong-wong militèr, punggawa praja, utawa wong kang pinuju naliti dalah punggawané. Laladan iki resminé ora duwé warga kang dumunung salawasé (permanèn).[1]

Nalika 5 Juli 2019, Tanah Kidul lan Sagara Prancis kacathet minangka Sana Pusaka Jagat (World Heritage Site) UNESCO.[2]

Rujukan[besut | besut sumber]

  1. "The TAAF do not have any permanent population." "The French Southern and Antarctic Lands". French Southern and Antarctic Lands administration. Diarsip saka sing asli ing 26 May 2017. Dijupuk 31 May 2016.  Paramèter |url-status= sing ora kawruhan dikiwakaké (pitulung)
  2. "Five sites inscribed on UNESCO's World Heritage List". UNESCO. 5 July 2019.