Taman Nasional Gunung Gede Pangrango

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Taman Nasional Gunung Gede Pangrango

Taman Nasional Gunung Gede Pangrango (TNGGP) gadhah peran ingkang wigati ing sajarah konservasi wonten ing Indonésia. Dipunresmikaken dados taman nasional nalika taun 1980. Ambanipun kirang langkung 21.975 hektare, wewengkon Taman Nasional punika katutup déning wana tropis pagunungan, kirang langkung 100 km saking kutha Jakarta. Wonten kawasan alas TNGGP, saged dipuntemukaken “uwit raksesa” Rasamala, kantong semar (Nephentes spp); manéka warna jinis anggrek hutan, kaliyan manéka jinis tetuwuhan ingkang dèrèng gadhah nama ingkang ilmiah, kados ta jamur ingkang sumunar. kajabi tetuwuhan ingkang ngremenaken, kawasan TNGGP ugi dados habitat kanggé manéka jinis sato galak, kados ta kepik raksasa, sajinis kumbang, langkung saking 100 jinis mamalia kados ta Kijang, Pelanduk, Kirik alas, Macan tutul, Sigung, lsp, sarta 250 jinis peksi. Kawasan punika ugi minangka habitat Owa Jawa, Surili kaliyan Lutung sarta Garudha Jawa ingkang cacahipun kantun sakedhik.