Taman Kyai Langgeng

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Taman Kyai Langgeng iku sawijining papan wisata sing dumunung ing Kutha Magelang, persisé ing Dalan Cempaka, Kalurahan Kemirirejo, Magelang. Minangka siji-sijiné taman ing Kutha Magelang sing jembaré 28 hektar. Dunungé watara 1 kilomèter saka pusat kutha arah mangidul. Taman wisata iki duwé atusan kolèksi tuwuhan langka sing bisa dimanfaataké minangka objèk panelitèn, reca-reca Dinosaurus ing ukuran asli, manéka fasilitas dolanan, sarta prototipe montor mabur.

Jeneng Taman Kyai Langgeng dijupuk saka jeneng salah sawijining pahlawan sing mèlu berjuang nglawan penjajah ning ngisor pimpinane Pangeran Dipanagara ya iku Kyai Langgeng. Dijenengi Taman Kyai Langgeng amarga almarhum dimakamke anang ing taman iki.[1]

Objèk wisata iki dumunung watara 19 Kilometer saka Candhi Barabudhur, 35 kilomèter saka Kopèng utawa 50 Kilometer saka Candhi Prambanan lan 42 kilomèter saka Monumèn Jogja Kembali.

Taman Kyai Langgeng duwé atusan koleksi tuwuhan langka sing bisa dimanfaatke kanggo obyek panalitèn antarané Cempaka Ganda (Mycelia campaca), Déwa Daru (Eugenia Sp), Apel Beludru (Diospiros Rabbola), Nagasari (Mesua Ferrea), Matoa (Pometia Pinata Ireigfost), Ruser (Arthocarpus Sp), lan Lobi-Lobi (Flacouritia Inermis Roxb). ing taman kyai langgeng uga ana taman satwa, ana baya, owa, itik, manuk, manéka warna jinis iwak lan liya-liyané.[1].

Fasilitas-fasiltias liya sing ana ing Taman Kyai Langgeng ya iku bèji, koleksi patung-patung dinosaurus, gelanggang pemancingan, taman lalu lintas, omah aquarium, omah apung, panggung terbuka, arena dolanan gokart, kali kanggo arung jeram, bianglala, becak mini, kereta air, jet coaster,kereta mini, komidi putar, anjungan dirgantara lan flying fox.[1].

Uga delengen[besut | besut sumber]

cathetan sikil[besut | besut sumber]