Takoyaki

Saka Wikipédia Jawa, bauwarna bébas abasa Jawa
Takoyaki kang diwadhahi wadhah awujud prau
Wajan kanggo gawé Takoyaki

Takoyaki[1] (たこ焼き) jeneng panganan saka laladan Kansai ing Jepang, lan Koréa Kidul, awujud kaya bal-bal cilik kanthi diameter 3–5 cm, digawé saka adonan tepung terigu ing jerone diiseni potongan gurita.

Asal-Usul[besut | besut sumber]

Awale, takoyaki utawa octopus balls mung awujud snack bunder diametere 3–5 cm kang jerone isiné potongan gurita, disajekake karo saus. Takoyaki iki didol nganggo sundukan pring isiné 3 glindhing. Nalika nyajekake, takoyaki mesthi didol ing wujud porsian. 1 porsi padatan isiné 3-10 glindhing ing 1 wadhah, kang mesthi diwènèhi tusuk gigi utawa sumpit sekali pakai. Ing Jepang, takoyaki padatan didol ing wadhah kang bentuke kaya prau.

Takoyaki misuwur banget ing Jepang, khususe ing Kansai, Tokyo lan Osaka. Snack mungil iki paling enak yèn didhahar nalika isih panas minangka nyamikan. Saben omah ing Osaka padatan duwé wajan (loyang) takoyaki. Takoyaki digunakak minangka panganan kebanggaan, kang digawé lawuh kanggo dhahar sega putih.

Jinising Takoyaki[besut | besut sumber]

  • Takoyaki polos: Ora nganggo saus, rasa kecap asin lan kadhang-kadhang didhahar karo ponzu utawa uyah kasar
  • Takoyaki (karo saus): Dhuwure diolesi saus lan mayones, aonori lan katsuobushi.
  • Takoyaki kecap asin: Dhuwure diolesi kecap asin, kerep tinemu ing laladan Nayoga
  • Akashiyaki (Tamagoyaki): panganan saka tepung terigu kang diencerake karo endhog pitik kang akèh lan dashi, disajekake jejer-jejer ing sadhuwuring piring arupa talenan lan didhahar kanthi nyelupake ing sup adhedhasar dashi.

Bahan-bahan kanggo gawé Takoyaki[besut | besut sumber]

  • Takoyaki-ki: sesebutan kanggo wajan kanthi bunderan-bunderan cekung kang fungsine minangka loyang nalika masak takoyaki.[2]
  • Sunduk wesi karo cekelan saka kayu/tusuk sate: kanggo molak-malik adonan nganti dadi bunder tenanan.
  • Tepung terigu: nganggone tepung terigu protein cendhèk supaya asile putih, luwih empuk lan gurih.
  • Konnyaku: jinis jelly kang duwé akèh serat. Digunakake kanggo variasi isi takoyaki.
  • Benishoga: asinan jahe (sushi gari) kang dicincang, kanggo nambah citarasa pedhes lan kecut ing takoyaki.
  • Konbu/kombu: ganggang laut (rumput laut) kang awujud lembaran, kanggo bahan dhasar kaldu (dashi). Ana uga kang fungsine minangka lapisan pana tarabagani sushi (capit kepiting besar).
  • Tenkasu: cereal jinis rice crispy fungsine kanggo nambahi rasa kriyuk-kriyuk ing takoyaki.
  • Katsuo-bushi: digawé saka iwak cakalang. Ana rong jinis, ya iku bubuk lan lembaran serat awarna kecoklatan. Digunakake kanggo pendamping ing masakan Jepang sarta bisa kanggo bahan kaldu.
  • Saus okonomiyaki: saus kang digunakaké ing okonomiyaki (jinis masakan teppanyaki) minangka lawuh padatan rasane pedhes lan legi.

Cathetan sikil[besut | besut sumber]

  1. ^ japanesefood.com Takoyaki
  2. ^ inforesep.com Takoyaki

Pranala njaba[besut | besut sumber]