TL;DR

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

TL;DR, cekakan "too long; didn't read" ("kedawan; ra maca") iku wirasa sing dianggo ing budaya Internèt minangka (1) walesan tumrap tulisan yèn kedawan lan ora kober diwaca utawa (2) tenger yèn tulisan candhaké iku ringkesané kiriman jeroring utawa tingkesané artikel pawarta. Wirasa iki asalé saka slang Internèt. Kerepé wirasa iki dianggo ing walesan mawa cuplikan kanggo negesi manawa pérangan sajeroning tulisan ana sing dilangkahi jalaran kedawan.

Cekakan iki ngugeraké manawa sing nulis waé ora ngoberaké ing ngandharaké nawala kanthi ringkes, sing maca iya olèh ora ngoberaké maca. Utawa, cekakan iki bisa ateges ana matéri sing kurang perlu utawa kurang wigati mula olèh ora ngoberaké maca.

Pitembungan iki kapisan kacathet ing 2003, lan mlebu Oxford Dictionaries Online tembé ing 2013.[1]

Éponim[besut | besut sumber]

Ing reddit, tldr[2] iku dadi subreddit sing rékap padinan sana iku. Kiriman dawa ing reddit kerep dilekasi utawa dipungkasi ringkesan sing dumadi ukara salarik utawa paragraf cendhak mawa ater-ater pitembungan "TL;DR". Cekakan iki kala-kala uga minangka tembung aran sing tegesé iya ringkesan iku, contoné ing ukara "Please include a TL;DR along with your post" (cara Jawa: "Mangga wénèh TL;DR nganthèni kirimanmu").

Pitembungan iki njiwani jeneng sana jaringan Terms of Service; Didn't Read (cara Jawa: Paugeran ing Paladi; Ra Maca), sing ancasé nlitèni lan mbiji paugeran ing paladi lan niti priangga darbéné panyawisan-panyawisan jasa gedhé.[3]

Tegesing tembung-tembung[besut | besut sumber]

Ana ing ngisor iki tembung-tembung Jawa sing dianggo ing artikel iki, dikanthèni jarwané ing basa Indonésia lan Inggris.

  1. ater-ater-awalan, prefiks-prefix
  2. ancasé-tujuannya-the objective
  3. candhaké-setelahnya-the following, the next
  4. cekakan-singkatan-abbreviation
  5. cuplikan-kutipan-quotation
  6. dilangkahi-dilompati-to be skipped
  7. dilekasi-diawali-to be preceded
  8. dipungkasi-diakhiri-to be ended
  9. dumadi-terdiri dari-consist of
  10. jeroring-daring-online
  11. kala-kala-kadang-kadang-sometimes
  12. kiriman-kiriman-post
  13. mbiji-menilai-to grade
  14. minangka-(bekerja) sebagai-(to serve) as
  15. nawala-pesan-message
  16. ngandharaké-mengutarakan-to convey
  17. nganthèni-menyertai, bersamaan dengan-along with
  18. ngoberaké-meluangkan waktu-to invest time
  19. ngugeraké-berprinsip, pada prinsipnya-in principle
  20. niti priangga-kebijakan pribadi-privacy policy
  21. njiwani-menginspirasi-to inspire
  22. nlitèni-menganalisa-to analyse
  23. padinan-harian-daily
  24. panyawisan jasa-penyedia jasa-service provider
  25. paugeran(ing) paladi-ketentuan (tentang) layanan-terms of service
  26. pawarta-berita-news
  27. pitembungan-frasa-phrase
  28. tenger-penanda-identifier
  29. ringkesan-ringkasan-summary
  30. salarik-sebaris-one line
  31. sana-situs-site
  32. sana jaringan-situs jaringan-website
  33. tembung aran-kata benda, nomina-noun
  34. ukara-kalimat-sentence
  35. walesan-balasan-reply
  36. wénèh-beri-give, put
  37. wigati-wigati-important
  38. wirasa-ungkapan-expression

Rujukan[besut | besut sumber]

  1. "Oxford Dictionaries Online quarterly update: new words added to oxforddictionaries.com today". OxfordWords blog. Oxford, UK: Oxford University Press. 28 August 2013. Dijupuk 2014-12-04. TL;DR, abbrev.: ‘too long didn’t read’: used as a dismissive response to a lengthy online post, or to introduce a summary of a lengthy post. 
  2. "Too long; didn't read (TLDR or TL;DR)". reddit. 
  3. Caldwell, Patrick (August 14, 2012). "Too Long, Didn't Read My Rights". The American Prospect. Dijupuk 2014-12-04.