THSR 700T

Artikel iki ditulis nganggo basa krama.

THSR 700T (台灣高鐵700T型電聯車) inggih punika sepur gancang ingkang tumurun saking sepur Jepang, Shinkansèn, ingkang dipunanggé ing Taiwan High Speed Rail (THSR), minangka lajur ril gancang ing Taiwan. THSR 700T punika dhasaripun sepur Shinkansèn Sèri 700 kanthi kurup "T" ateges Taiwan. Sepur punika dipunyasa Kawasaki Heavy Industries, Nippon Sharyo, sarta Hitachi, Ltd. ing Jepang lan mratandhani ingkang kaping satunggal sepur Shinkansèn Jepang nyrambahi nagari manca. Wonten 30 sepur ingkang dipuntampi Taiwan High Speed Rail Corporation (THSRC), minangka operator THSR, ingkang lelados ajeg kawit 5 Januari 2007 kanthi lampah 300 km per jam.

Babad

Biro Taiwan High Speed Rail (BOHSR) wiwit nglélang THSR kanthi rékadaya bangun-guna-serah (build-operate-transfer utawa BOT) nalika sasi Oktober 1996.^[1] Kalih péhak ingkang saingan inggih punika Taiwan High Speed Rail Consortium (THSRC) lan Chunghwa High Speed Rail Consortium (CHSRC). Pangawising THSRC dhedhasar rancangan tèknologi gancang Eurotrain, patunganing GEC-Alsthom, TGV (ingkang baku damel saking Perancis), Siemens, lan ICE (ingkang baku damel saking Jerman). Pangawising CHSRC dhedhasar tèknologi Shinkansèn Jepang ingkang dipunbakoni Taiwan Shinkansen Consortium (TSC), patunganing kongsi-kongsi Jepang.^[2]

Operasi

Nalika April 2010, sepur THSR 700T lumampah tanpi kasengsaran wigatos.^[3] Rikala kadadosan lindhu Kaohsiung 2010 tanggal 4 Maret 2010, rodhaning salah satunggal bogi sepur ical nalika dipunrèm déning kabetah. Boten wonten ingkang kataton awit punika, déné sepur dugi wonten ing setasiyun candhakipun satunggal jam sabibaripun dipundandosi.^[4]

Rujukan

↑ Shima, Takashi (August 2007). "Taiwan High Speed Rail" (PDF). Japan Railway & Transport Review (48): 40–46. Diarsip saka sing asli (PDF) ing 2011-06-13. Dibukak ing 2010-10-08.
↑ "1997--THE YEAR THAT WAS--1997". Taiwan Journal. 1997-10-03. Dibukak ing 2010-10-09.^{[pranala mati permanèn]}
↑ 高鐵對台灣經濟發展的影響 (PDF) . THSRC. 2009. Diarsip saka sing asli (PDF) ing 2011-07-03. Dibukak ing 2010-12-08.
↑ "Large earthquake shakes southern Taiwan". Taiwan Today. 2010-03-04. Dibukak ing 2011-01-14.

[JRTR-1] Shima, Takashi (August 2007). "Taiwan High Speed Rail" (PDF). Japan Railway & Transport Review (48): 40–46. Diarsip saka sing asli (PDF) ing 2011-06-13. Dibukak ing 2010-10-08.

[TJ_prefbid-2] "1997--THE YEAR THAT WAS--1997". Taiwan Journal. 1997-10-03. Dibukak ing 2010-10-09.^{[pranala mati permanèn]}

[outlook-3] 高鐵對台灣經濟發展的影響 (PDF) . THSRC. 2009. Diarsip saka sing asli (PDF) ing 2011-07-03. Dibukak ing 2010-12-08.

[4] "Large earthquake shakes southern Taiwan". Taiwan Today. 2010-03-04. Dibukak ing 2011-01-14.

[1]

[2]

[3]

[4]