Térong walanda

Saka Wikipédia Jawa, bauwarna bébas abasa Jawa
(Dilih saka Térong Walanda)
Térong walanda
Solanum betaceum Cav.jpg
Klasifikasi ngèlmiah
Karajan: Plantae
Unranked: Angiospermae
Unranked: Eudicots
Unranked: Asterids
Ordho: Solanales
Famili: Solanaceae
Génus: Solanum
Spésies: S. betaceum
Jeneng binomial
Solanum betaceum
Cav.

Térong Walanda ya iku jinis tanduran anggota kulawarga terong-terongan (Solanaceae).[1] Térong Walanda wiwit ditandur ing Bogor Jawa Kulon wiwit taun 1941.[1] Ing Indonésia térong jinis iki digawa lan ditandur karo wong Walanda nalika iku, mulané diarani terong Walanda.[1] Térong Walanda asalé saka laladan Amazon ing Amérika Latin.[1]

Morfologi[besut | besut sumber]

Térong Walanda duwé ciri ambuné kaya lembu kutub, dawané gagang godhong nganti 7–10 cm.[2] Kembang térong Walanda ana ing pérangan antarané godhong karo gagang.[2] Kembangé duwé warna jambon lan ana uga kang biru enom, ambuné wangi lan dhiameteré kurang luwih 1 cm.[2]

Ciri liyané bisa dititèni saka pérangan kembang kang cacahé lima, godhong mahkota kang bentuké genta, lan duwé benang sari kang cacahé lima, manggon ing ngarep mahkota kembang, kepala sari kang ndhelik, bakal woh kang duwé loro ruwangan, lan akèh bakal wijiné, lan kepala putik kang cilik.[2]

Woh térong Walanda bentuké bunder kaya endhog, ukurané 3–10 cm x 3–5 cm, lan pérangan pucuké rada lancip, nggandhul saka pangé amarga gagangé kang dawa, kelopaké ora rontok, kulit wohé alus lan lunyu, wernané rada abang, jingga nganti kuning, daging wohé akèh banyuné, rasané rada kecut.[2] Wiji térong Walanda bentuké bunder gèpèng, tipis lan rada atos.[2] Woh térong Walanda bisa dipangan nalika seger lan kanggo bumbu masak, janganan lan ombènan.[2]

Cathetan sikil[besut | besut sumber]

  1. ^ a b c d medanku.com(diundhuh tanggal 22 Agustus 2011)
  2. ^ a b c d e f g [Asmaria. 2008.’’Pemanfaatan Tepung Kulit Buah Terong Walanda Fermentasi ’’Aspergilus Niger’’ Terhadap Kinerja Reproduksi Burung Puyuh (Cutornix Japonica). USU Repository]