Suster Keramas

Saka Wikipédia Jawa, bauwarna bébas abasa Jawa
Suster Keramas
Suster-keramas.jpg
Disutradarani Helfi Kardit
Diprodhuseri Ody Mulya Hidayat
Ditulis
déning
Abbe Ac
Dibintangi Herfiza Novianti
Rin Sakuragi
Rizky Mocil
Zidni Adam
Shinta Bachir
Dimusiki Joseph S. Djafar
Sinématografi Nofi SY Kardit
Dibesut
déning
Aziz Natandra
Dibabar
déning
Maxima Pictures
Tanggal metu
31 Dhésèmber 2009
Suwéné
82 menit
Nagara Indonésia
Basa Indonésia

Suster Keramas ya iku filem horor komedi diwasa Indonésia kang diprodhuksi déning Maxima Pictures lan didhistribusikake deining Maleo Pictures. Film iki disutradarai déning Helfi Kardit lan dibintangi déning Herfiza Novianti minangka Kayla, Shinta Bachir minangka Jeng Dollie lan Rin Sakuragi minangka Mitchiko. Film iki digawe ing laladan Pucuk, Bogor.

Film nyritakake wisatawan Jepang (Rin Sakuragi) kang goleki seduluré kang kerjane dadi suster ing Indonésia. Misakake, seduluré iku jebul wis séda. Liyane iku, ana telung kekancan ya iku Kayla, Barry lan Ariel kang diganggu setane saka seduluré wisatawan iku.[1]

Suster Keramas dirilis ing Indonésia tanggal 31 Dhésèmber 2009. Tiket filem Suster Keramas wis kadol punjul 800.000 tiket,[2] Padhahal wektu iku filem-fil liyané angèl banget ngadol tiket nganti tekan 300.000 tiket.[3] Nanging filem iki ngundang kontroversi amarga dianggep mung ngumbar awake wong wadon thok.

Paraga[besut | besut sumber]

Crita[besut | besut sumber]

Kayla (Herfiza Novianti) ya iku mahasiswi kang kepingin nginep ing villa bareng kancané loro, Barry (Rizky Mocil) lan Ariel (Zidni Adam) kanggo gawe tugas kuliah. Rencana iku ora bisa kelakon kanthi maksimal amarga tingkahe Barry lan Ariel kang seneng filem porno lan tumindake kang kesed lan konyol. Nanging wiwit ing villa iku, Kayla kerep ngalami kedadeyan kang aneh. Dhèwèké nganggep kabèh iku salah siji akibat saka sedane wong tuwané.

Liyane iku Barry lan Ariel lunga blanja lan niyat bali, dhèwèké ketemu karo wong wadon kewarganagaraan Jepang kang jenenge Mitchiko (Rin Sakuragi) kang lunga ing Indonésia karo Mang Odong (Yadi Sembako) minangka kanca ing dalanan. Mitchiko teka ing Indonésia kanggo aweh barang saka bapaké, Tuan Tanaka kang séda pirang-pirang minggu kapungkur, marang suster kang jenenge Karmila. Karmila ya iku suster kang tau ngrawat Tanaka ing Indonésia, lan barang iku mungkin minangka ungkapan matur nuwun.

Mitchiko gawe Barry, Ariel, lan Odong kedanan. Nganti nglamunake Mitchiko. Nalika ésuk, Kayla kang lagi dhèwèkan kenalan karo penghuni villa pérangan, Jeng Dollie (Shinta Bachir) lan Roy Konak (Alex Abbad), pasangan ekshibisionis kang ngundang Kayla lan kanca-kancané ing ulang taun Roy. Sawisé dijelasake déning Ariel babagan kiprah suami-istri iku ing donya pornografi, Kayla celathu yèn dhèwèké mung seneng nginceng ding omah, kanthi bukti anting bunder kang ora dingertèni sapa sing duwé. Ariel mbalikake snting iku marang suami-istri iku lan minangka bebungah, Ariel diéntukake dadi dubber filem porno Jepang ing basa Jawa. Ing panggonan liya, Barry bisa olèh alamat Suster Karmila saka puskesmas. Nanging, warga lokal ing kana kayane ora kepingin ngandhani informasi babagan Suster Karmila.

Wengine, Barry, Odong, lan Mitchiko tekan ing villa kang kefoto ing foto kang digawa Mitchiko. Barry ngenteni ing jaba, liyané mlebu ing jero. Ing jero, dhèwèké ketemu Suster Karmila lan ing jaba, Barry éntuk info saka warga lokal yèn kabèh penghuni villa iku wis mati. Mula sawisé ketemu setan, kabèh mlayu saka villa iku. Sesuke, Kayla golèk informasi ing Internet babagan Suster Keramas. Banjur, Barry lan Mitchiko ketemu suster kang nryitakake nasib Karmila. Karmila biyene wis nulungi Tanaka saka kecelakaan lan ing pungkasané Tanaka tresna marang Karmila. Nalika kekarone berhubungan badan, ana bocah cilik kang ngerti lan carita marang warga ing sakupenge villa. Sawisé iku, Tanaka diusir lan Karmila ilang tekan saiki.

Ing sela-sela carita iku, suster carita yèn penguni villa pérangan Tanaka kang dadi bocah cilik iku jebule Roy Konak. Sabaline saka omahé suster, Mitchiko nangis amarga Karmila wis mati. Dhèwèké ndeloki isi kothak kang diwènèhi déning Tanaka kang isiné warisan aset-aset Tanaka marang Karmila. Ing villa Roy Konak, Jeng Dollie kang nembé ngerti jenenge Suster Keramas ska Barry, nguni jenenge Suster Keramas kaping telu, kang dilarang. Mula Jeng Dollie mati dipateni Suster Karmila. Banjur, Roy Konak kang nemu bojone mati nyesel nalika dhèwèké nalika isih cilik carita marang warga tumindake Tanaka lan Karmila. Roy akhire mati.

Ing villa, sawisé Kayla ngundang jenenge Suster Keramas kaping telu, suster iku ora nyerang, nanging malah nyikep. Sawisé pirang-pirang kilatan adegan, jebul asil gegayutan Karmila lan Tanaka ya iku Kayla. Banjur, sadurungé Karmila ilang (sajatiné dioyak massa amarga nglakoni mesum), Keyla lair lan Karmila nyelehake ing salah siji villa. Kebetulan, villa iku duwéke bapak lan ibu angkate Kayla. Nalika sadhar amarga digugah Odong lan Mitchiko, Kayla nyikep mbakyune, Mitchiko. Film rampungan kanthi Barry lan Ariel kang nemoni Jeng Dollie kang jarene nggantekake Suster Keramas, amarga uripé suster iku wis tentrem.

Sensor[besut | besut sumber]

Lembaga Sensor Film (LSF), nalika nyensor filem iki, ora ngajak perwakilan saka Majelis Ulama Indonesia (MUI), kanthi alesan yèn filem Suster Keramas dudu filem agama.[4] MUI sempet aweh sinyal bakalan narik perwakilan saka LSF amarga ana pirang-pirang filem kang dianggep porno bisa lulus sensor, lan MUI nyontohake filem Suster Keramas. Kanggo nyeleksi penonton, dilakokake pameriksaan kartu tanda penduduk (KTP) kanggo penonton filem Suster Keramas ing bioskop jaringan 21 lan XXI.[5] Penonton kudu nguduhake KTP kang mbuktikake yèn umuré wis ing dhuwur 17 taun.

Tanggepan[besut | besut sumber]

Tiket filem Suster Keramas kadol nganti punjul 800.000 lembar. Nanging, filem iki dikritik amarga mung ngeksploitasi adegan vulgar, kaya kang diandharake déning mahasiswa saka aktivis Forum Silaturahmi Lembaga Dakwah Kampus Bandung Raya sajeroning aksi protese tanggal 8 Januari 2010. Mahasiswa iku ngandharake yèn filem Suster Keramas mung ngeksploitasi awake wong wadon, lan mudhunake harkat wong wadon. Produser filem iki Ody Mulya Hidayat ngandharake yèn tudhuhan iku salah persepsi, lan ngandharake yèn dhèwèké mung aweh panglipur thok.

Kontroversi[besut | besut sumber]

Sadurungé, Maxima Production ngupaya ngundang bintang porno Jepang Maria Ozawa kanggo main filem ing Indonésia, nanging ditentang déning ormas Islam kaya déné Front Pembela Islam.[6] Pihak Maxima ngandharake yèn dhèwèké wis kadhung teken kontrak karo manajemen Miyabi, mula dhèwèké njupuk pemeran liyané, ya iku Rin Sakuragi.[7]

Kanthi tekané bintang porno Rin Sakuragi, filem iki nimbulake kontroversi. Mahasiswa saka Forum Silaturahmi Lembaga Dakwah Kampus Bandung Raya nglakoni dhémonstrasi ing dina Jumat, 8 Januari 2010, amarga nganggep filem iku kebak adegan vulgar lan ora ndhidhik.[8]

Massa saka Himpunan Mahasiswa Keperawatan Sulawesi nglakoni unjuk rasa ing Makassar, njaluk pencabutan izin edar filem iki.[9] Menteri Pemberdayaan Perempuan dan Perlindungan Anak Linda Amalia Sari nganggep filem iki porno.[10] Majelis Ulama Indonesia (MUI) ing Samarinda, Kalimantan Wétan, njaluk supaya filem iki dilarang.[11] Majelis ing Palembang wis ngetokake fatwa yèn filem iki haram. MUI punjer ndhukung pilihan iku, nanging ora ngetokake fatwa kanggo filem iki.

Cathetan sikil[besut | besut sumber]

  1. ^ Suster Keramas, kaakses 2 Agustus 2011
  2. ^ Mengapa Film Komedi Horor Kian Menjamur?. VivaNews (kaundhuh tanggal 2 Agustus 2011
  3. ^ www.thejakartaglobe.com Sex and Gore Sell at the Indonesian Box Office (kaundhuh tanggal 2 Agustus 2011)
  4. ^ celebrity.okezone.com Wakil MUI Tak Dilibatkan dalam Sensor Suster Keramas (kaundhuh tanggal 2 Agustus 2011)
  5. ^ entertainment.kompas.com Penonton "Suster Keramas" Wajib Tunjukkan KTP (kaundhuh tanggal 2 Agustus 2011)
  6. ^ celebrity.okezone.com Tak Ada Miyabi, Rin Sakuragi Pun Jadi (kaundhuh tanggal 2 Agustus 2011)
  7. ^ www.kapanlagi.com Suster Keramas, Pencarian Saudara Yang Hilang (kaundhuh tanggal 2 Agustus 2011)
  8. ^ metrotvnews.com Film Suster Keramas kembali Menuai Protes (kaundhuh tanggal 2 Agustus 2011)
  9. ^ oase.kompas.com Mahasiswa Perawat Tolak Film "Suster Keramas" (kaundhuh tanggal 2 Agustus 2011)
  10. ^ www.waspada.co.id Menteri Perempuan nilai 'Suster Keramas' berbau porno (kaundhuh tanggal 2 Agustus 2011)
  11. ^ entertainment.kompas.com Film "Suster Keramas" Dicekal MUI (kaundhuh tanggal 2 Agustus 2011)

Pranala njaba[besut | besut sumber]