Suji

Saka Wikipédia Jawa, bauwarna bébas abasa Jawa
Suji
Habitus suji
Klasifikasi èlmiah
Krajan: Plantae
Divisio: Magnoliophyta
Kelas: Liliopsida
Ordo: Asparagales
Kulawarga: Ruscaceae (Dracaenaceae)
Marga: Dracaena
Jinis: D. angustifolia
Jeneng binomial
Dracaena angustifolia
(Medik.) Roxb.

Suji ya iku salah sawijining jinis tanduran sing godhongé bisa digawé pewarna ijo alami kanggo masakan, jajanan tradisional lan ombèn-ombèn. Tanduran godhong suji kalebu tanduran perdu sing dhuwuré bisa nganti 8 mèter. Wujud godhongé dawa lan kasusun mubeng, tanduran iki sapisan-pisan ngembang. Tanduran godhong suji uga digunakaké kanggo tanduran hias amarga kaéndahan wujud godhongé.[1]

Kandhutan kimia lan èfèk farmakologi[besut | besut sumber]

Tanduran godhong suji nduwèni rasa sing ora pait, ambuné wangi, lan sipaté adem. Kandhutan kimia sing ana ing njero godhong suji antarané saponin lan flavonoid. Èfèk farmakologis oyot tanduran godhong suji antarané nyeri lambung lan penawar racun, minangka godhongé kanggo anti inflamasi sarta anti disentri.[2]

Cara nandur lan ngrawat[besut | besut sumber]

Cara nandur tanduran godhong suji bisa dilakoni kanthi cara stek, winih, cangkok, lan okulasi. Ananging asil sing paling apik ya iku kanthi okulasi. Tanduran godhong suji dirawat kanthi disiram nganggo banyu sing cukup, dijaga kalembaban lemahé, lan di pupuk nganggo pupuk organik. Tanduran iki butuh panggonan sing rada adoh saka panas srengéngé.[2]

Bagéan tanduran suji kang bisa digunakake lan dimanfaatake[besut | besut sumber]

Bagéan godhong, oyot, lan watang bisa dimanfaataké kanggo ngobati penyakit, kayata: disentri, beri-beri, kencing nanah, nyeri lambung, nyeri menstruasi, lan penawar racun.[2]

Cathetan sikil[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Suji&oldid=1097020"