Stylidium
| Stylidium | |
|---|---|
| |
| Kembang Stylidium graminifolium | |
Klasifikasi ngèlmiah 
| |
| Karajan: | Plantae |
| Klad: | Angiosperms |
| Klad: | Eudicots |
| Klad: | Asterids |
| Ordho: | Asterales |
| Famili: | Stylidiaceae |
| Subfamili: | Stylidioideae |
| Génus: | Stylidium Sw. |
Stylidium utawa triggerplants (tetuwuhan kang bisa obah) ya iku sawijining tetuwuhan wiji loro (dikotil) saka kulawarga stylidiceae. Tetuwuhan iki biyasané ngembang ing pungkasan usum semi lan bisa ditemokaké ing sawenèh laladan Ostrali Kulon dan Asia.[1] Tetuwuhan iki disebut tetuwuhan obah amarga duwéni samubarang kang mligi, ya iku makuthané bisa obah amarga kademok déning kèwan gegremetan.[2]
Ciri-ciri[besut | besut sumber]
Stylidium duwé 200 spèsiès, kang udakara setengahé urip ing Ostrali Kulon. Tetuwuhan iki ngasilaké kelenjar lendir kang ana ing kembangé. Sawisé diteliti kelenjar iku duwéni kandutan ènzim pencernaan. Mula tetuwuhan iki bisa narik wigatiné kèwan, lan mangan kèwan iku. Tetuwuhan iki kagolong karnivora.[3] Salah sawjining spèsiès tetuwuhan iki ya iku Stylidium graminifolium, kang panyebaran spèsiesé amba dhéwé. Tetuwuhan iki awujud tetuwuhan kang kaya ta suket kang duwéni godhong dawané 6-20 cm lan ambané 4 mm. Werna kembangé jambon lan kadhangkala putih, lan duwéni diamèter udakara 10 mm. Kembangé manggon 40 cm sadhuwuré godhong. Kembangé duwéni makutha cacah 5, kang dumadi saka 4 makutha kang duwéni werna kang narik wigati, lan 1 makutha kang manggon ing buriné "pérangan kang obah" kang mbendhol saka gorokan kembang. Pérangan kang obah dumadi saka 2 benang sari kang dadi siji. Pérangan iki manggon ing ing kolom (punjeré kembang). Cacah kembang ing saben lonjoré udakara 10-25. Usum ngembang tetuwuhan iki ing sadi Agustus nganti Novèmber [2][4]
Sujarah[besut | besut sumber]
Tetuwuhan iki wiwitané olèh wigati kanggo kawruh kulonan ing taun 1800. Sanadyan tetuwuhan iki lumrahé ditemokaké ing Ostrali lan Asia nanging ing pungkasané abad 17 rujukan marang tetuwuhan iki gampang digolèki, lan bisa diangkah babagan tetuwuhan iki kacatet sadurungé wektu iku. Gancaran élmiah babagan tetuwuhan iki kacathet déning Charles Morren ing abad 19 lan sawenèh spèsiès disungging déning Ferdinand Bauer, juru sungging tetuwuhan kang kaloka. Rica Ericson nulis buku babagan stylidium ing taun 1950an. Rica Ericson ya iku sawijing panulis kang nyerat akèh buku kang ngrembug tetuwuhan Ostrali lan sujarah Ostrali. Dhèwèké nyambut gawé ing babagan fisiologi dhasar stylidium ing taun 1980an lan 1990an ing laboratorium Dr. Goeff Findlay ing Universitas Flinders, Ostali Kidul. Panalitèn babagan tetuwuhan iki banjur diterusaké, mliginé ana Ostali Kulon, amarga ing laladan iku akèh spèsies Stylidium kang ditemokaké.[5]
Pratélan spèsiès[besut | besut sumber]
Carané ngrumat[besut | besut sumber]
Tetuwuhan stylidium lumrahé ora dibudhidayakaké lan angel anggoné nandur ing kebon. Spèsiès S.graminifolium angel dhéwé dibudhidayakaké dibandhing spèsiès liyané, amarga lemah kang dinggo nandur kudu digaringké kanthi apik lan manggon ing kahanan akèh soroté srengéngé utawa papan kang éyup. Tetuwuhan iki bisa thukul ing sawijing wadah utawa pot. Cara ngakehaké winih tetuwuhan iki gampang.[2]
Rujukan[besut | besut sumber]
- ↑ "An Introduction to Trigger Plants". anpsa.org.au. Dibukak ing 2019-12-22.
- ↑ a b c "Stylidium graminifolium". anpsa.org.au. Diarsip saka sing asli ing 2019-11-28. Dibukak ing 2019-12-26.
- ↑ "The Carnivorous Plant FAQ: What is Stylidium like?". www.sarracenia.com. Dibukak ing 2019-12-26.
- ↑ "Flora of Victoria". vicflora.rbg.vic.gov.au. Dibukak ing 2019-12-26.
- ↑ "history". web.archive.org. 2003-07-13. Diarsip saka asliné 2003-07-13. Dibukak ing 2019-12-22.
{{cite web}}: CS1 maint: bot: original URL status unknown (link)