Studio 54

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Studio 54 iku kelab malem sing tau kondhang sadonya [1][2][3] mapan ing New York. Kelab iki bukak saka taun 1977 tekan 1980, nalika kelab iku didol marang Mark Fleischman déning narayasane, Steve Rubell lan Ian Schrager.[4][5][6] Fleischman ngoperasekaké kelab kuwi tekan taun 1984. Dhèwèké kasil ngoperasekaké manèh kelab sing kondhang kuwi sawisé kukut nalika Rubell lan Schrager kena prakara ora gelem mbayar pajeg lan mlebu kunjara Fedheral. Sawisé didhol déning Fleischman, kelab kuwi nuli lumaku tekan taun 1991 dioperasekaké déning nara yasa liyané. Kaprenah ing 254 West 54th Street ing Manhattan, New York City, laladané kuwi mau mulane Gallo Opera House, sing bukak taun 1927. Kelab iku banjur bola-bali ganti jeneng, nganti dijenengi radhio CBS lan Studio tivi 52. Awit saka sasi November taun 1998, kelab iku dadi panggonan kanggo Roundabout Theatre Company lan isih diarani Studio 54, nanging uwis dudu kelab malem manèh.[7] Ana rèstoran lan kelab malem, sing diarani 54 Below, sing lumaku ing basemené panggonan kondhang kuwi mau.[8] Sadurungé, saka taun 1928 tekan 1958, basemen kuwi mau dadi rèstoran / kelab malem cara Scandinavia sing jenengé 'The Wivel'.

Sajarah[besut | besut sumber]

W.P.A. Theatre of Music

Dirancang déning arsitek sing kawentar sing jenengé Eugene De Rosa, panggonan iku dibukak ing taun 1927 minangka Gallo Opera House (soon revised dadi Gallo Theatre), dijenengi padha karo wong bakune, Fortune Gallo. Kawiwitan kanthi produksi sandiwara La Bohème sing gedhé-gedhenan sing banjur tutup mung bukak telung minggu, the Gallo ora bisa ungundhang pamiyarsae, lan malah lost to foreclosure sawisé buka mung rong taun. Kelab iku mau dibukak manèh lan kawengku sing anyar ya iku The New Yorker, nanging tetep waé wurung narik pamiyarsa. 

Rujukan[besut | besut sumber]