ꦱꦺꦴꦱꦶꦱ꧀ꦱꦭ

Saka Wikipédia Jawa, bauwarna mardika basa Jawa
(Kaelih saka Sosis Sala/jv)
 
ꦗꦮ
   
Sosis Sala
ꦱꦺꦴꦱꦶꦱ꧀ ꦱꦭ ꦒꦺꦴꦫꦺꦁ
Jeneng liyanéꦱꦺꦴꦱꦶꦱ꧀ ꦱꦭ
Ajanganꦚꦩꦶꦏ꧀ꦏꦤ꧀
Panggonan asalꦆꦤ꧀ꦝꦺꦴꦤꦺꦱꦾ
Tlatah utawa prajaꦱꦸꦫꦏꦂꦠ
Hawa ajanganꦥꦤꦱ꧀
Woworan pokokꦏꦸꦏꦶꦠ꧀, ꦲꦶꦱꦺꦤ꧀ꧏ
Variasiꦱꦺꦴꦱꦶꦱ꧀ ꦒꦺꦴꦫꦺꦁ ꦭꦤ꧀ ꦱꦺꦴꦱꦶꦱ꧀ ꦠꦼꦊꦱ꧀
Buku masakan: Sosis Sala  Médhia: Sosis Sala

ꦱꦺꦴꦱꦶꦱ꧀ ꦱꦭ ꦱꦶꦁ ꦏꦮꦼꦤ꧀ꦠꦂ ꦏꦤ꧀ꦛꦶ ꦗꦼꦤꦼꦁ Sosis Solo ꦩꦶꦤꦁꦏ ꦱꦮꦶꦗꦶꦤꦶꦁ ꦥꦔꦤ꧀ꦤꦤ꧀ ꦒꦺꦴꦫꦺꦁꦔꦤ꧀ ꦱꦶꦁ ꦏꦮꦼꦤ꧀ꦠꦂ ꦱꦏ ꦏꦸꦛ ꦱꦸꦫꦏꦂꦠ꧉ ꦧꦲꦤ꧀ ꦣꦱꦂ ꦒꦮꦺ ꦱꦺꦴꦱꦶꦱ꧀ ꦲꦶꦏꦶ ꦪꦲꦶꦏꦸ ꦲꦼꦤ꧀ꦝꦺꦴꦒ꧀ ꦭꦤ꧀ ꦲꦶꦱꦺꦤ꧀-ꦲꦶꦱꦺꦤ꧀ ꦱꦶꦁ ꦲꦫꦸꦥ ꦲꦶꦮꦏ꧀ ꦥꦶꦠꦶꦏ꧀ ꦭꦤ꧀ ꦩꦂꦏꦸꦤꦶ꧉ ꦩꦱꦶꦪ ꦥꦔꦤ꧀ꦤꦤ꧀ ꦲꦶꦏꦶ ꦱꦶꦤꦼꦧꦸꦠ꧀ ꦱꦺꦴꦱꦶꦱ꧀꧈ ꦲꦤꦔꦶꦁ ꦮꦸꦗꦸꦢ꧀ꦢꦺ ꦲꦺꦴꦫ ꦏꦪ ꦱꦺꦴꦱꦶꦱ꧀ ꦱꦏ ꦧꦮꦤ ꦌꦫꦺꦴꦥꦃ ꦲꦸꦠꦮ ꦄꦩꦺꦫꦶꦏꦃ ꦱꦶꦁ ꦫꦕꦏ꧀ꦏꦺ ꦲꦤ ꦲꦶꦁ ꦗꦼꦫꦺꦴ ꦲꦺꦴꦠ꧀ ꦣꦺꦴꦒ꧀ ꦲꦸꦠꦮ ꦢꦢꦶ ꦲꦶꦱꦺꦤ꧀-ꦲꦶꦱꦺꦤ꧀ ꦥꦶꦠ꧀ꦗ꦳꧉ ꦱꦺꦴꦱꦶꦱ꧀ ꦱꦭ ꦥꦿꦲꦸꦥ꧀ꦥꦤ꧀ꦤꦺ ꦫꦢ ꦩꦶꦫꦶꦥ꧀ ꦭꦸꦩ꧀ꦥꦶꦪ ꦲꦤꦔꦶꦁ ꦲꦶꦱꦶꦤꦺ ꦧꦺꦢ꧈ ꦭꦸꦮꦶꦃ ꦕꦶꦭꦶꦏ꧀ ꦭꦤ꧀ ꦭꦸꦮꦶꦃ ꦊꦩ꧀ꦧꦸꦠ꧀ ꦏꦸꦭꦶꦠ꧀ꦠꦺ꧉ ꦱꦺꦴꦱꦶꦱ꧀ ꦲꦶꦏꦸ ꦲꦱꦿꦶꦁ ꦢꦶꦥꦔꦤ꧀ ꦏꦫꦺꦴ ꦭꦺꦴꦩ꧀ꦧꦺꦴꦏ꧀ ꦗꦼꦩ꧀ꦥꦿꦶꦠ꧀ ꦭꦤ꧀ ꦱꦲꦺꦴꦱ꧀ ꦱꦩ꧀ꦧꦼꦭ꧀꧉ ꦲꦤ 2 ꦗꦶꦤꦶꦱ꧀ ꦱꦺꦴꦱꦶꦱ꧀ ꦱꦭ ꦪꦲꦶꦏꦸ ꦱꦺꦴꦱꦶꦱ꧀ ꦒꦺꦴꦫꦺꦁ ꦭꦤ꧀ ꦱꦺꦴꦱꦶꦱ꧀ ꦠꦼꦊꦱ꧀ ꧌ꦱꦺꦴꦱꦶꦱ꧀ ꦧꦱꦃ꧍꧉ ꦱꦺꦴꦱꦶꦱ꧀ ꦒꦺꦴꦫꦺꦁ ꦲꦶꦏꦸ ꦢꦶꦲꦺꦴꦭꦃ ꦏꦤ꧀ꦛꦶ ꦕꦫ ꦢꦶꦒꦺꦴꦫꦺꦁ ꦲꦶꦁ ꦊꦔ ꦲꦏꦺꦃ ꦭꦤ꧀ ꦏꦸꦏꦶꦠ꧀ꦠꦺ ꦮꦼꦂꦤ ꦱꦺꦴꦏ꧀ꦭꦠ꧀ ꦲꦸꦒ ꦭꦸꦮꦶꦃ ꦏꦿꦶꦪꦸꦏ꧀꧉ ꦢꦺꦤꦺ ꦱꦺꦴꦱꦶꦱ꧀ ꦧꦱꦃ ꦲꦶꦏꦸ ꦢꦶꦲꦺꦴꦭꦃ ꦭꦤ꧀ꦛꦶ ꦕꦫ ꦢꦶꦢꦁ ꧌ꦢꦶꦏꦸꦏꦸꦱ꧀꧍ ꦭꦤ꧀ ꦏꦸꦭꦶꦠ꧀ꦠꦺ ꦮꦼꦂꦤ ꦏꦸꦤꦶꦁ ꦲꦸꦒ ꦭꦸꦮꦶꦃ ꦊꦩ꧀ꦧꦸꦠ꧀꧉ ꦱꦺꦴꦱꦶꦱ꧀ ꦠꦼꦊꦱ꧀ ꦲꦶꦏꦶ ꦭꦸꦮꦺꦴꦃ ꦕꦼꦤ꧀ꦝꦏ꧀ ꦏꦺꦴꦭꦺꦱ꧀ꦠꦿꦺꦴꦭ꧀ ꦲꦩꦂꦒ ꦲꦺꦴꦫ ꦔꦁꦒꦺꦴ ꦊꦔ ꦒꦺꦴꦫꦺꦁ꧉ ꦱꦺꦴꦱꦶꦱ꧀ ꦲꦶꦏꦶ ꦫꦕꦏ꧀ꦏꦺ ꦢꦶꦱꦸꦒꦸꦃꦲꦏꦺ ꦤꦭꦶꦏ ꦲꦤ ꦠꦼꦩꦤ꧀ꦠꦺꦤ꧀꧈ ꦲꦤ ꦥꦱꦩꦸꦮꦤ꧀ꦏꦺꦴꦤ꧀ꦢꦁꦔꦤ꧀ ꦭꦤ꧀ ꦲꦸꦒ ꦢꦺꦶꦢꦺꦴꦭ꧀ ꦩꦮ ꦗꦗꦤ꧀ꦤꦤ꧀ ꦲꦶꦁ ꦥꦶꦁꦒꦶꦂ ꦢꦭꦤ꧀꧉ ꦱꦏ꧀ꦧꦒꦺꦪꦤ꧀ ꦩꦱꦫꦏꦠ꧀ ꦩ꧀ꦭꦶꦒꦶꦤꦺ ꦲꦶꦁ ꦤ꧀ꦢꦺꦱ꧈ ꦩꦼꦤꦮ ꦲꦤ ꦠꦼꦩꦸ ꦠꦼꦩꦤ꧀ꦠꦺꦤ꧀ ꦲꦶꦏꦸ ꦥꦔꦤ꧀ꦤꦤ꧀ ꦱꦺꦴꦱꦶꦱ꧀ ꦩꦶꦤꦁꦏ ꦱꦸꦒꦸꦃꦲꦤ꧀ ꦮꦗꦶꦧ꧀꧉ ꦩꦼꦤꦮ ꦲꦺꦴꦫ ꦲꦤ ꦱꦺꦴꦱꦶꦱ꧀ ꦫꦱꦤꦺ ꦏꦸꦫꦁ ꦱꦽꦒ꧀꧉

ꦕꦫ ꦔ꧀ꦒꦮꦺ[besut | besut sumber]

ꦱꦺꦴꦱꦶꦱ꧀ ꦱꦭ ꦏꦊꦧꦸ ꦥꦔꦤ꧀ꦤꦤ꧀ ꦱꦶꦁ ꦩ꧀ꦧꦸꦠꦸꦃꦲꦏꦺ ꦮꦼꦏ꧀ꦠꦸ ꦱꦸꦮꦺ ꦤꦭꦶꦏ ꦔ꧀ꦒꦮꦺꦤꦺ꧉ ꦥꦔꦤ꧀ꦤꦤ꧀ ꦲꦶꦏꦶ ꦲꦸꦒ ꦩ꧀ꦧꦸꦠꦸꦃꦲꦏꦺ ꦏꦱꦧꦂꦫꦤ꧀ ꦭꦤ꧀ ꦏꦠ꧀ꦭꦠꦺꦤ꧀ꦤꦤ꧀ ꦏꦁ ꦱꦼꦠꦶꦠꦶ꧉ ꦱꦸꦥꦪ ꦭꦸꦮꦶꦃ ꦕꦼꦥꦼꦠ꧀꧈ ꦫꦕꦏ꧀ꦏꦺ ꦔ꧀ꦒꦮꦺꦤꦺ ꦭꦸꦮꦶꦃ ꦱꦏ ꦮꦺꦴꦁ ꦱꦶꦗꦶ ꦱꦸꦥꦪ ꦧꦶꦱ ꦔꦿꦺꦮꦁꦔꦶ꧉

ꦥꦶꦫꦤ꧀ꦠꦶ ꦱꦶꦁ ꦢꦶꦕꦮꦶꦱ꧀ꦱꦏꦺ[besut | besut sumber]

ꦏꦸꦭꦶꦠ꧀ ꦢꦢꦂꦫꦤ꧀ ꦲꦼꦤ꧀ꦝꦺꦴꦒ꧀[besut | besut sumber]
  • ꦒ꧀ꦭꦼꦥꦸꦁ ꦒꦤ꧀ꦢꦸꦩ꧀ 200 ꦒꦿꦩ꧀
  • ꦧꦚꦸ ꦩꦠꦼꦁ 150 ml
  • ꦲꦼꦤ꧀ꦝꦺꦴꦒ꧀ ꦥꦶꦠꦶꦏ꧀ 5 ꦮꦶꦗꦶ
  • ꦲꦸꦪꦃ 1 ꦱꦺꦤ꧀ꦝꦺꦴꦏ꧀ ꦠꦺꦃ
  • ꦊꦔ ꦒꦺꦴꦫꦺꦁ 5 ꦱꦺꦤ꧀ꦝꦺꦴꦏ꧀ ꦥꦔꦤ꧀
  • ꦒ꧀ꦭꦼꦥꦸꦁ ꦥꦛꦶ 2 ꦱꦺꦤ꧀ꦝꦺꦴꦏ꧀ ꦥꦔꦤ꧀ (ꦱꦸꦥꦪ ꦲꦺꦴꦫ ꦒꦩ꧀ꦥꦁ ꦱꦸꦮꦺꦏ꧀)
ꦱꦺꦴꦱꦶꦱ꧀ ꦱꦭ ꦫꦼꦊꦱ꧀ ꧌ꦱꦺꦴꦱꦶꦱ꧀ ꦧꦱꦃ꧍
ꦲꦶꦱꦺꦤ꧀-ꦲꦶꦱꦺꦤ꧀[besut | besut sumber]
  • ꦲꦶꦮꦏ꧀ ꦥꦶꦠꦶꦏ꧀ ꦒꦶꦭꦶꦁ 250 ꦒꦿꦩ꧀
  • ꦮꦺꦴꦂꦠꦼꦭ꧀ ꦫꦗꦁ ꦏꦺꦴꦛꦏ꧀ 100 ꦒꦿꦩ꧀
  • ꦩꦂꦏꦸꦤꦶ 100 ꦒꦿꦩ꧀
  • ꦭꦺꦴꦚ꧀ꦕꦁ ꦲꦸꦠꦮ ꦒꦺꦴꦣꦺꦴꦁ ꦧꦿꦩ꧀ꦧꦁ 5 ꦭꦺꦴꦚ꧀ꦗꦺꦴꦂ ꦢꦶꦫꦗꦁ
  • ꦧꦮꦁ ꦧꦺꦴꦩ꧀ꦧꦪ꧀
  • ꦧꦮꦁ 4 ꦮꦶꦗꦶ
  • ꦧꦿꦩ꧀ꦧꦁ 6 ꦮꦶꦗꦶ
  • ꦲꦸꦪꦃ 1 ½ ꦱꦺꦤ꧀ꦝꦺꦴꦏ꧀ ꦠꦺꦃ
  • ꦒꦸꦭ 1 ꦱꦺꦤ꧀ꦝꦺꦴꦏ꧀ ꦠꦺꦃ
  • ꦏꦭ꧀ꦝꦸ ꦧꦸꦧꦸꦏ꧀ 1 ꦱꦺꦤ꧀ꦝꦺꦴꦏ꧀ ꦠꦺꦃ
  • ꦩꦿꦶꦕ ꦧꦸꦧꦸꦏ꧀ ¼ ꦱꦺꦤ꧀ꦝꦺꦴꦩ꧀ ꦠꦺꦃ
  • ꦩꦼꦂꦠꦺꦒ 2 ꦱꦺꦤ꧀ꦝꦺꦴꦏ꧀ ꦥꦔꦤ꧀
  • ꦧꦚꦸ ꦥꦸꦠꦶꦃ 50 ml

ꦕꦫ ꦔꦺꦴꦭꦃ[besut | besut sumber]

  1. ꦥꦼꦕꦃꦲꦏꦺ ꦲꦼꦤ꧀ꦝꦺꦴꦒ꧀ ꦥꦶꦠꦶꦏ꧀ ꦲꦶꦁ ꦩꦁꦏꦺꦴꦏ꧀ ꦒꦼꦣꦺ ꦲꦸꦠꦮ ꦠꦺꦩ꧀ꦧꦺꦴꦂ꧉
  2. ꦲꦸꦣꦏ꧀ ꦲꦼꦤ꧀ꦝꦺꦴꦒ꧀ ꦔꦤ꧀ꦠꦶ ꦚꦮꦶꦗꦶ꧈ ꦥꦿꦪꦺꦴꦒꦤꦺ ꦔꦁꦒꦺꦴ ꦩꦼꦱꦶꦤ꧀ ꦥꦚ꧀ꦕꦩ꧀ꦥꦸꦂ ꦲꦸꦠꦮ ꦩꦶꦏ꧀ꦱꦼꦂ ꦱꦸꦥꦪ ꦏꦕꦩ꧀ꦥꦸꦂ ꦏꦤ꧀ꦛꦶ ꦱꦩ꧀ꦥꦸꦂꦤ꧉
  3. ꦱꦸꦤ꧀ꦠꦏ꧀ ꦧꦚꦸ꧈ ꦒ꧀ꦭꦼꦥꦸꦁ ꦭꦤ꧀ ꦧꦲꦤ꧀ ꦭꦶꦪ ꦲꦶꦁ ꦏꦺꦴꦕꦺꦴꦏ꧀ꦏꦤ꧀ ꦲꦼꦤ꧀ꦝꦺꦴꦒ꧀ ꦧꦚ꧀ꦗꦸꦂ ꦢꦶꦲꦸꦣꦏ꧀ ꦔꦤ꧀ꦠꦶ ꦏꦕꦩ꧀ꦥꦸꦂ ꦔꦤ꧀ꦠꦶ ꦲꦺꦴꦫ ꦔ꧀ꦒꦿꦼꦚ꧀ꦗꦼꦭ꧀꧉
  4. ꦱꦫꦶꦁ ꦲꦣꦺꦴꦤ꧀ꦤꦤ꧀ ꦩꦲꦸ ꦔꦁꦒꦺꦴ ꦱꦫꦶꦁꦔꦤ꧀ ꦱꦶꦁ ꦫꦥꦼꦠ꧀꧉
  5. ꦥꦤꦱ꧀ꦱꦏꦺ ꦠꦺꦥ꧀ꦭꦺꦴꦤ꧀ ꦲꦺꦴꦫ ꦏꦼꦭꦺꦠ꧀ ꦏꦁ ꦣꦶꦪꦩꦺꦠꦼꦂꦫꦺ ꦥꦭꦶꦁ ꦱꦼꦛꦺꦴꦛꦶꦏ꧀ 30 cm꧉
  6. ꦱꦏ꧀ꦮꦶꦱ꧀ꦱꦺ ꦥꦤꦱ꧀꧈ ꦗꦸꦥꦸꦏ꧀ 1 ꦲꦶꦫꦸꦱ꧀ ꦲꦣꦺꦴꦤ꧀ꦤꦤ꧀ ꦭꦤ꧀ ꦱꦸꦤ꧀ꦠꦏ꧀ ꦲꦶꦁ ꦠꦺꦥ꧀ꦭꦺꦴꦤ꧀꧉ ꦲꦣꦺꦴꦤ꧀ꦤꦤ꧀ ꦲꦶꦏꦸ ꦢꦶꦫꦠꦏ꧀ꦏꦏꦺ ꦱꦸꦥꦪ ꦧꦸꦤ꧀ꦝꦼꦂ ꦱꦩ꧀ꦥꦸꦂꦤ ꦏꦤ꧀ꦛꦶ ꦔꦺꦴꦮꦃ-ꦲꦺꦴꦮꦃꦲꦏꦺ ꦠꦺꦥ꧀ꦭꦺꦴꦤ꧀꧉
  7. ꦩꦼꦤꦮ ꦠꦼꦔꦃꦲꦺ ꦮꦶꦱ꧀ ꦫꦢ ꦒꦫꦶꦁ꧈ ꦭꦁꦱꦸꦁ ꦢꦶꦲꦁꦏꦠ꧀ ꦭꦤ꧀ ꦲꦺꦴꦫ ꦥꦼꦂꦭꦸ ꦢꦶꦮꦭꦶꦏ꧀ ꦲꦩꦂꦒ ꦩꦼꦁꦏꦺꦴ ꦲꦶꦱꦶꦃ ꦢꦶꦲꦺꦴꦭꦃ ꦩꦤꦺꦃ꧉
  8. ꦭꦏꦺꦴꦏ꧀ꦲꦏꦺ ꦕꦫ ꦲꦶꦏꦶ ꦔꦤ꧀ꦠꦶ ꦲꦣꦺꦴꦤ꧀ꦤꦤ꧀ ꦩꦲꦸ ꦲꦼꦤ꧀ꦠꦺꦏ꧀꧉ ꦢꦢꦂꦫꦤ꧀ ꦲꦼꦤ꧀ꦝꦺꦴꦒ꧀ ꦩꦲꦸ ꦢꦶꦣꦺꦭꦺꦃ ꦥꦥꦤ꧀ ꦲꦩ꧀ꦧ ꦏꦪ ꦠꦩ꧀ꦥꦃ ꦱꦸꦥꦪ ꦲꦺꦴꦫ ꦔꦼꦩ꧀ꦧꦸꦤ꧀ ꦭꦤ꧀ ꦕꦼꦥꦼꦠ꧀ ꦲꦣꦼꦩ꧀꧉
  9. ꦥꦤꦱ꧀ꦱꦏꦺ ꦮꦗꦤ꧀ ꦭꦤ꧀ ꦮꦺꦤꦺꦃꦲꦶ ꦩꦼꦂꦠꦺꦒ꧉
  10. ꦊꦧꦺꦴꦏ꧀ꦏꦏꦺ ꦧꦮꦁ ꦧꦺꦴꦩ꧀ꦧꦪ꧀꧈ ꦧꦮꦁ ꦭꦤ꧀ ꦧꦿꦩ꧀ꦧꦁ ꦭꦤ꧀ ꦲꦺꦴꦱꦺꦁ ꦔꦤ꧀ꦠꦶ ꦲꦫꦸꦩ꧀ ꦲꦩ꧀ꦧꦸꦤꦺ꧉
  11. ꦊꦧꦺꦴꦏ꧀ꦏꦏꦺ ꦲꦶꦮꦏ꧀ ꦒꦶꦭꦶꦁ ꦭꦤ꧀ ꦩꦂꦏꦸꦤꦶ꧈ ꦠꦩ꧀ꦧꦃꦲꦏꦺ ꦧꦚꦸ ꦭꦤ꧀ ꦲꦼꦤ꧀ꦠꦺꦤ꧀ꦤꦶ ꦔꦤ꧀ꦠꦶ ꦲꦸꦩꦸꦧ꧀
  12. ꦠꦩ꧀ꦧꦃꦲꦏꦺ ꦧꦲꦤ꧀ ꦭꦶꦪ ꦧꦚ꧀ꦗꦸꦂ ꦲꦸꦣꦏ꧀ ꦔꦤ꧀ꦠꦶ ꦏꦕꦩ꧀ꦥꦸꦂ꧉
  13. ꦲꦼꦤ꧀ꦠꦺꦤ꧀ꦤꦶ  ꦔꦤ꧀ꦠꦶ ꦧꦚꦸꦤꦺ ꦲꦁꦱ꧀ꦭꦸꦥ꧀ ꦧꦚ꧀ꦗꦸꦂ ꦢꦶꦲꦼꦤ꧀ꦠꦱ꧀꧉ ꦲꦶꦱꦺꦤ꧀-ꦲꦶꦱꦺꦤ꧀ ꦥꦿꦪꦺꦴꦒꦤꦺ ꦢꦶꦭꦺꦂ ꦱꦸꦥꦪ ꦕꦼꦥꦼꦠ꧀ ꦲꦣꦼꦩ꧀꧉
  14. ꦮꦚ꧀ꦕꦶ ꦔꦶꦱꦺꦏ꧀ꦏꦏꦺ ꦥꦿꦪꦺꦴꦒꦤꦺ ꦲꦶꦁ ꦥꦥꦤ꧀ ꦱꦶꦁ ꦫꦠ ꦏꦪ ꦠꦺꦥꦏ꧀ ꦲꦸꦠꦮ ꦠꦩ꧀ꦥꦃ
  15. ꦗꦸꦥꦸꦏ꧀ 1 ꦊꦩ꧀ꦧꦂ ꦏꦸꦭꦶꦠ꧀꧈ ꦧꦚ꧀ꦗꦸꦂ ꦢꦺꦭꦺꦃꦲꦏꦺ 3 ꦱꦺꦤ꧀ꦝꦺꦴꦏ꧀ ꦥꦔꦤ꧀ ꦲꦶꦱꦺꦤ꧀-ꦲꦶꦱꦺꦤ꧀ ꦭꦤ꧀ ꦢꦶꦊꦩ꧀ꦥꦶꦠ꧀ ꦏꦪ ꦒꦮꦺ ꦭꦸꦩ꧀ꦥꦶꦪ꧉
  16. ꦏꦼꦭꦺꦠ꧀ꦠꦏꦺ ꦥꦶꦁꦒꦶꦂ ꦏꦸꦭꦶꦠ꧀ ꦔꦁꦒꦺꦴ ꦥꦸꦠꦶꦃ ꦲꦼꦤ꧀ꦝꦺꦴꦒ꧀ ꦭꦤ꧀ ꦢꦶꦠꦠ ꦱꦸꦥꦪ ꦥꦺꦤꦶ꧉
  17. ꦩꦼꦤꦮ ꦲꦩꦺꦃ ꦒꦮꦺ ꦱꦺꦴꦱꦶꦱ꧀ ꦠꦼꦊꦱ꧀: ꦕꦼꦥꦏ꧀ꦏꦏꦺ ꦢꦤ꧀ꦢꦁ ꦭꦤ꧀ ꦧꦚꦸ ꦲꦶꦚ ꦗꦼꦫꦺꦴꦤꦺ꧉ ꦢꦺꦭꦺꦃꦲꦏꦺ ꦱꦺꦴꦱꦶꦱ꧀ ꦭꦤ꧀ ꦏꦸꦏꦸꦱ꧀ ꦏꦸꦫꦁ ꦭꦸꦮꦶꦃ 20 ꦩꦼꦤꦶꦠ꧀ ꦧꦚ꧀ꦗꦸꦂ ꦢꦶꦲꦁꦏꦠ꧀ ꦭꦤ꧀ ꦢꦶꦥꦶꦤ꧀ꦝꦃ ꦲꦶꦁ ꦥꦶꦫꦶꦁ꧉
  18. ꦩꦼꦤꦮ ꦲꦩꦺꦃ ꦒꦮꦺ ꦱꦺꦴꦱꦶꦱ꧀ ꦒꦺꦴꦫꦺꦁ: ꦕꦼꦥꦏ꧀ꦏꦏꦺ ꦮꦗꦤ꧀ ꦭꦤ꧀ ꦊꦔ ꦒꦺꦴꦫꦺꦁ 250 ml꧉ ꦕꦼꦩ꧀ꦥ꧀ꦭꦸꦁꦔꦏꦺ ꦱꦺꦴꦱꦶꦱ꧀ ꦤꦭꦶꦏ ꦊꦔ ꦥꦤꦱ꧀꧉ ꦒꦺꦴꦫꦺꦁ ꦏꦤ꧀ꦛꦶ ꦢꦶꦮꦺꦴꦭꦏ꧀-ꦮꦭꦶꦏ꧀ ꦔꦤ꧀ꦠꦶ ꦮꦼꦂꦤꦤꦺ ꦏꦱꦺꦴꦏ꧀ꦭꦠ꧀ꦠꦤ꧀꧉ ꦲꦁꦏꦠ꧀ ꦭꦤ꧀ ꦮꦺꦤꦺꦃꦲꦏꦺ ꦥꦶꦫꦶꦁ꧉
  19. ꦱꦺꦴꦱꦶꦱ꧀ ꦮꦶꦱ꧀ ꦢꦢꦶ ꦭꦤ꧀ ꦧꦶꦱ ꦢꦶꦥꦔꦤ꧀꧉ ꦠꦩ꧀ꦧꦃꦲꦏꦺ ꦒꦼꦒꦼꦤꦼꦥ꧀ ꦲꦫꦸꦥ ꦱꦲꦺꦴꦱ꧀ ꦱꦩ꧀ꦧꦼꦭ꧀ ꦭꦤ꧀ ꦭꦺꦴꦩ꧀ꦧꦺꦴꦤ꧀ ꦗꦼꦩ꧀ꦥꦿꦶꦠ꧀ ꦲꦶꦚ ꦥꦶꦁꦒꦶꦂꦫꦺ꧉

ꦥꦿꦤꦭ ꦚ꧀ꦗꦧ[besut | besut sumber]

ꦉꦱꦺꦥ꧀ ꦩꦱꦏ꧀ ꦱꦺꦴꦱꦶꦱ꧀ ꦱꦭ

ꦥ꦳ꦶꦣꦶꦪꦺꦴ ꦩꦱꦏ꧀ ꦱꦺꦴꦱꦶꦱ꧀ ꦱꦭ