Sofyan RH. Zaid

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Sofyan RH. Zaid (lair ing Sumenep, Jawa Wétan, 8 Januari 1986; umur 34 taun) ya iku salah sijiné sastrawan saka Indonésia. Jenengé wis kawentar ing jagat sastra Indonésia kanthi karya-karyané wujud geguritan lan kajian sastra kang diemot ana ing ariwarta utawa kalawarta Indonésia, antarané Media Indonesia, Bali Post, Indopos, Padang Ekspres, Pikiran Rakyat, Riau Pos, Seputar Indonesia, Solopos, Merapi, Suara NTB, Banjarmasin Post, Metro Jambi, Minggu Pagi, lan liya-liyané. Sofyan kalebu salah sijiné pujangga kang mèlu ing Komunitas Negeri Poci.[1][2][3][4][5][6][7][8][9][10][11][12]

Riwayat[besut | besut sumber]

Sofyan RH. Zaid kang nduwéni jeneng asli Supyan, lair ing Kabupatèn Sumenep, Jawa Wétan (Madura), 8 Januari 1986. Dhèwèké nyenengi donyané kesenian awit isih cilik, kanthi "nyolong" buku-buku wacan bocah ing kapustakan sekolah kang ora karumat, lan uga sapérangan kumpulan buku kang dipangan rayap. Awit saka iku, dhèwèké miwiti sinau nulis sastra, kaya ta carita cekak lan puisi nganti pungkasané karya-karyané dikirim lan diemot ing kaca Cermin, Kaki Langit, lan kalawarta sastra Horison. Sabanjuré, dhèwèké nerusaké sinau sastra ing Pondok Pesantren Annuqayah Lubangsa Raya, Guluk-guluk, Sumenep. Ing kana dhèwèké tambah sregep ngasah kaprigelan lumantar komunitas, kolèksi buku, lan kultur kang lumaku ing pesantrèn. Nalika iku, sapérangan karyané, wiwit dimot ana ing ariwarta lan kalawarta Kuntum, Sahabat Pena, Radar Madura, Annida, Horison, lan liya-liyané. Sofyan uga mèlu pirang-pirang pasanggira cipta geguritan tataran siswa sa-Madura.

Katresnané tumrap donyané sastra, mligi geguritan, tambah gedhé sawisé dhèwèké pindah menyang Jakarta, nerusaké sekolah ing pawiyatan luhur, Universitas Paramadina, Jurusan Falsafah lan Agama. Sapérangan karyané, akèh kang diemot ing manéka ariwarta, kaya ta Media Indonesia, Bali Post, Indopos, Padang Ekspres, Pikiran Rakyat, Riau Pos, Seputar Indonesia, Solopos, Merapi, Suara NTB, Banjarmasin Post, Metro Jambi, Minggu Pagi, lan sapanunggalané.

Buku geguritan kang kapisan, Pagar Kenabian (pangecapan TareSI, 2015) nyoba nawakaké wujud anyar geguritan Indonésia kang coraké nadham utawa kang luwih kawèntar kanthi jejuluk “puisi pagar”, mlebu 15 nominasi Anugerah Hari Puisi Indopos (2015). Lumantar saka tulisan babagan puisi pagar lan bukuné mau saka para bebrayan sastra ing koran-koran, rupa-rupa tanggapan tuwuh. Ana kang sarujuk, ana kang ora sarujuk. Kabèh tanggapan kuwi pungkasané dikumpulaké lan diemot minangka buku kanthi sesirah Puisi Pagar: Buku tentang buku Pagar Kenabian karya Sofyan RH. Zaid (pangecapan TareSI 2017). Saliyané nulis sastra, Sofyan uga nglakoni pagawéyan minangka konsultan lan pambesut.

Karyané[besut | besut sumber]

  • Pagar Kenabian (2015)
  • Berguru pada Goethe: Analisis Sufistik Puisi-Puisi Johann Woflgang van Goethe (2017)
  • Biarkan Aku Memningmu dengan Puisi (EKBT, 2007)
  • Empat Amanat Hujan (DKJ, 2010)
  • Surat-surat Cinta Untuk KPK (Diva, 2012)
  • Narasi Tembuni (KSI, 2012)
  • Suara 5 Negara (Tuas Media, 2012)
  • Tifa Nusantara I,II &III (TKSN, 2013, 2015, 2016)
  • Negeri Langit (DNP V, 2014)
  • Negeri Laut (DNP VI, 2015)
  • Bersepeda ke Bulan (Indopos, 2014)
  • Nun (Indopos, 2015) Lentera Sastra II (Antologi Puisi 5 Negara, 2014)
  • Pengantin Langit (KSI, 2014)
  • Titik Temu (KJ, 2014)
  • Sala dalam Puisi (Pawon, 2014)
  • Saksi Bekasi (TareSI, 2015)
  • 1000 Haiku Indonesia (KKK, 2015)
  • Gelombang Puisi Maritim (DKB, 2016)
  • Pasie Karam (DKAB, 2016), dan lainnya.

Pangaji[besut | besut sumber]

  • Juara I Lomba Cipta Puisi se-Sumenep Tingkat SLTP (Disparbud Sumenep, 2000)
  • Juara II Lomba Cipta Puisi se-Madura Tingkat Pelajar (STAIN Pamekasan, 2003)
  • Juara I Lomba Baca Puisi “Milad Cak Nur” Tingkat Mahasiswa (Universitas Paramadina, 2008)
  • Juara II Cipta Puisi Nasional “Pesan Damai untuk Seluruh Manusia” (PCINU Maroko, 2017)

Uga delengen[besut | besut sumber]

Rujukan[besut | besut sumber]

  1. Sofyan Melompati Pagar Pesantren, Riau Pos, 01 Novèmber 2015
  2. Puisi Pagar, Pertemuan Estetis dan Semangat Pembaharuan, Kabar Bangsa, 7 Juni 2015
  3. Membuka Pagar Kenabian: Memasuki Rumah Kepenyairan Sofyan RH. Zaid, Majalah Sastra Horison, Novèmber 2015
  4. Puisi (tanpa) Pagar, Lampung Post, 17 Mèi 2015
  5. Bukan Sembarang Pagar, Kabar Banten, 15 Maret 2015
  6. Ketika Bekasi Dibully, Sastra Bicara, Radar Bekasi, 7 Fèbruari 2015
  7. 14 Tahun Kesunyian Sofyan RH. Zaid, Resensor Buku, 30 Juni 2015
  8. Sofyan RH. Zaid Memilih Jalan Lain Lewat 'Pagar Kenabian', Berita Buana, 15 Juni 2015
  9. Pagar Kenabian: Sebuah Suara dari Pesantren, Kabar Bangsa, 14 Dhésèmber 2015
  10. Pagar Kenabian: Sebuah Universalitas Agama dan Filsafat, Buletin Jejak, April 2015
  11. Alfreda: Alegori atau Realita?, Kabar Bangsa, 6 Januari 2016
  12. Puisi Pagar dalam Katarsis Batin Penyair, Rakyat Sumbar, 4 Juni 2016