Soeman Hs

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Soeman Hs

Soeman Hasibuan utawi ingkang langkung misuwur kanthi sebatan Soeman Hs inggih punika salah satunggaling sastrawan Indonésia saking Riau ingkang asalipun saking Tapanuli. Soeman Hs miyos wonten ing Bengkalis, Riau ing tanggal 4 April 1904 lan séda ing Pekanbaru, Riau ing tanggal 8 Mèi 1999 ing yuswa 95 taun. Piyambakipun kalebet sastrawan saking angkatan Balai Pustaka.

Biografi[besut | besut sumber]

Soeman Hs inggih miyos ing Désa Batantua saking pasangan bapak Wahid utawi ingkang asring dipunsebat Lebai Wahid Hasibuan, saha ibunipun Tarumun Pulungan. Kekalih tiyang sepuhipun asalipun saking Désa Hutanopan, Kacamatan Barumun, Tapanuli Selatan. Bapakipun, Wahid Hasibuan inggih taksih keturunan bangsawan ingkang naté njabat dados kepala adat (Kuria) saha guru ngaji (Lebai). Soeman Hs inggih putra nomer tiga saking enem sedherekipun, inggih punika Raman (pambarep), Riban, Abdurrachim, Hamzah, lan Juma'at (wuragil).[1]

Pendhidhikan[besut | besut sumber]

  • Sinau ing Sekolah Melayu Gouevernement Inlandsch School (GIS), sak drajat kaliyan Sekolah Dasar taun 1912 ing yuswa 7 taun.[2]
  • Sekolah Calon Guru (Normaal Cursus) ing Medan, Sumatra Utara.
  • Nerasaken dhateng Normal School (sekolah guru ingkang leres sekolah guru) ing Langsa, Acèh Timur lan rampung ing taun 1923.

Padamelanipun[besut | besut sumber]

  1. Guru Basa Indonésia ing HIS (sekolah Walanda) ing Siak Sri Indrapura, ing taun 1930.
  2. Dados Kepala Sekolah Melayu lan Penilik Sekolah ing Pasir Pengarayan.
  3. DadosKomandan Pangkalan Gurilla (KPG) Rokan Kanan, ing taun 1950.
  4. Njabat dados Kepala Jawatan Pendidikan, Pengajaran dan Kebudayaan Kabupatèn Kampar, lan rampung ing taun 1960.
  5. Dados anggota Badan Pamaréntahan Harian (BPH) ngrangkep dados kepala Pérangan Keuangan ing Kantor Gubernur Riau.

Asiling Karya[besut | besut sumber]

Suman Hs remen sinau sastra wiwit piyambakipun taksih sinau ing Sekolah Melayu lan pikantuk kathah ide saking karemenanipun maos buku ing pabukon. Sapérangan tuladha seratnipun ingkang awujud roman saha carkak ingkang dipunwedalaken déning Balai Pustaka, inggih punika:

  1. Kasih Tak Terlarai, terbitan Balai Pustaka, Jakarta taun 1930.
  2. Percobaan Setia, terbitan Balai Pustaka, Jakarta taun 1931.
  3. Mencari Pencuri Anak Perawan, terbitan Balai Pustaka, Jakarta, taun 1932.
  4. Kasih Tersesat, terbitan Balai Pustaka, Jakarta, taun 1932.
  5. Kawan Bergelut (kumpulan carkak), terbitan Balai Pustaka, Jakarta, taun 1938.
  6. Tebusan Darah, terbitan Dunia Pengalaman, Medan taun 1939.
  7. "Pertjobaan Setia" (1940)
  8. "Mentjari Pentjuri Anak Perawan" (1932)
  9. "Kasih Ta' Terlarai" (1961)
  10. "Kawan Bergelut" (kumpulan carkak)
  11. "Tebusan Darah"
  12. "Melayu Di Mata Soeman HS: Kritik Terhadap Adat Lewat Sebuah Novèl" (AKN, 2007)[3]

Cathetan suku[besut | besut sumber]

  1. [1] Soeman Hs (dipunundhuh tanggal 26 Januari 2013)
  2. [2] Profil Soeman HS (dipunundhuh tanggal 26 Januari 2013)
  3. [3] Melayu Di Mata Soeman HS (dipunundhuh tanggal 26 Januari 2013)