Soekiman Wirjosandjojo

Saka Wikipédia, bauwarna bébas basa Jawa
Soekiman Wirjosandjojo
Soekiman Wirjosandjojo

Mangsa jabatan
26 April 1951 – 1 April 1952
Présidhèn Soekarno
Didhisiki déning Mohammad Natsir
Diganti déning Wilopo

Mangsa jabatan
26 April 1951 – 1 April 1952
Présidhèn Soekarno
Didhisiki déning Abdul Halim
Diganti déning Sri Sultan Hamengkubuwono IX

Mangsa jabatan
29 Januari 1948 – 4 Agustus 1949
Présidhèn Soekarno
Didhisiki déning Mohammad Roem
Diganti déning Wongsonegoro

Miyos 1898
Flag of the Netherlands.svg Surakarta,

Hindia Walanda

Tilar donya 1974
Kabangsan Indonésia
Partai pulitik Masyumi
Profèsi Pulitikus
Agami Islam

Soekiman Wirjosandjojo (ejaan ingkang enggal: Sukiman Wiryosanjoyo) (Surakarta, Jawa Tengah, 1898-1974) inggih punika Perdhana Mentri Indonésia kaping enem ingkang njabat wiwit 27 April 1951 - 3 April 1952.[1][2] Panjenenganipun kalebet tokoh pulitik lan pejuang kamardikan Indonésia ingkang ugi dados tokoh Masyumi (Majelis Syuro Muslimin Indonésia).[2] Panjenenganipun miyos ing Sewu, Solo taun 1898, saking kulawarga ingkang taat ngagami. Sasampunipun nggadhahi yuswa ingkang cekap, panjenenganipun mlebet dhateng ELS, lajeng nglajengaken dhateng Stovia (Sekolah Dhokter) ing Jakarta.[2] Nalika yuswa 29 taun panjenenganipun lulus saking Universitas Amsterdam kanthi mendhet bidang kasehatan.[2] Sadangunipun ngudi ilmu ing negeri Walanda, panjenenganipun ugi sinau babagan sosial, pulitik, lan kabudayan.[2] Amargi kawasisanipun, panjenenganipun kapilih dados pangarsanipun Perhimpunan Indonésia (1925).[2]

Nalika taun 1926 panjenenganipun kondur dhateng Indonésia lan mbikak prakték dhokter ing Yogyakarta.[2] Panjenenganipun ugi terjun dhateng jagad perjuangan lan mlebet dhateng Parté Serikat Islam (PSI) ingkang dipunpandhégani déning H.O.S. Tjokroaminoto - H. Agus Salim lan njabat dados bendhahara ngantos enem taun dangunipun.[2] Sesarengan kaliyan H. Agus Salim, panjenenganipun nggantos parté kasebat dados Parté Sarekat Islam Indonésia (PSII).[2] Parté punika kalebet parté ingkang paling sepuh ing Indonésia.[2]

Cathetan Suku[besut | besut sumber]

  1. ^ (id)Soekiman Wirjosandjojo dipunundhuh tanggal 27 September 2011)
  2. ^ a b c d e f g h i j (id)Perdana Menteri Indonésia dipunundhuh tanggal 27 September 2011)

Pranala Njawi[besut | besut sumber]