Slamet Sukirnanto

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Slamet Sukirnanto (lair ing Kutha Surakarta, Hindia Belanda, 3 Maret 1941 – pati 23 Agustus 2014 ing umur 73 taun) inggih punika salah satunggalipun sastrawan angkatan 1966 saking Indonesia. Piyambakipun sampun nglairaken pakaryanipun awujud geguritan, artikel babagan seni rupa, lan téater. Slamet Sukirnanto naté dipilih minangka anggota Dewan Perwakilan Rakyat Republik Indonesia dados sesulihipun kalangan mahasiswa.[1][2] Sakpérang geguritanipun karoncé wonten buku kempalan geguritan Dari Negeri Poci 3, taun 1996.

Latar wingking[besut | besut sumber]

Slamet Sukirnanto lair wonten ing Kutha Surakarta, Hindia Belanda, tanggal 3 maret 1941. Piyambakipun punika salah satunggalipun sastrawan misuwur saking Indonésia. Slamet sampun nglairaken kathah karya sastra awujud geguritan, artikel babagan seni rupa lan téater. Samangsa dados mahasiswa Fakultas Sastra Universitas Indonesia piyambakipun nglampahi kiprah miyos aksi unjuk raos nglawan Orde Lama ing taun 1966 ingkang lajeng nglairaken pakaryan kempalan geguritan Jaket Kuning (1967). Salajengipun, Slamet kapilih minangka anggota DPRGR lan MPRS minangka dutaning mahasiswa (1967-1971). Taun 1974 misuwur minangka "Jaksa Penuntut Umum" wonten adicara Pengadilan Puisi ing Bandung. Kempalan geguritanipun inggih punika Kidung Putih (1967), Gema Otak Terbanting (1974), Bunga Batu Penerbit Puisi Indonesia (1979). Bunga Batu Penerbit Puisi Indonesia ngandhut geguritanipun ingkang lair nalika wonten Banjarmasin, (Kalimantan Selatan), Asahan, Parapat (Sumatera Utara), Dili (Timor Leste), Kupang (Nusa Tenggara Timur), lan Denpasar (Bali).[3]

Kawitanipun, piyambakipun cinaketan kaliyan jagat seni rupa. Nanging nalika sinau wonten SMA piyambakipun remen dhumateng drama. Kaanan punika awit saking srawung kaliyan W.S. Rendra nalika wonten ing Surakarta. Taun 1962, sesarengan Salim Said, Slamet Sukirnanto ngedegaken Teater Margoyudan. Piyambakipun ugi srawung kaliyan Mansyur Samin Cs saking kelompok HPSS (Himpunan Peminat Sastra Surakarta). Sesrawungan kaliyan para panggurit punika salajengipun nuwuhaken karemenan dhumateng kasusastran.[4] Sanèsipun, karemenan punika awit saking asring maos pakaryanipun Chairil Anwar, Amir Hamzah, lan Sanusi Pane. Lan mligi ngangsu kawruh dhumateng Hartoyo Andangjaya.[5]

Riwayat organisasi[besut | besut sumber]

  • Ngedekaken Ikatan Mahasiswa Muhammadiyah (1964)
  • Anggota DPRGR dan MPRS minangka dutaning mahasiswa (1967-1971)
  • Ngedekaken KNPI lan Pengurus DPP KNPI (1978 -1982)
  • Katuwa Majelis Kebudayaan ing Pimpinan Pusat Muhammadiyah (1990)
  • Katuwa Babagan Pengembangan Kebudayaan ing ICMI DPP Jakarta (1991)
  • Katuwa Komite Sastra Dewan Kesenian Jakarta (1993-1996)

Pakaryan[besut | besut sumber]

  • Jaket Kuning (1967)
  • Kidung putih (1967)
  • Gema Otak Terbanting (1974)
  • Bunga Batu (1979)
  • Catatan Suasana (1982)
  • Luka Bunga (1991)

Ugi pirsani[besut | besut sumber]

Rujukan[besut | besut sumber]

  1. Website resmi Taman Ismail Marzuki, kapundhut 27 Fèbruari 2015
  2. Karya Puisi, kapundhut 27 Fèbruari 2015
  3. Jendela Sastra, kapundhut 27 Fèbruari 2015
  4. Alinea TV: Obituari, kapundhut 27 Fèbruari 2015
  5. Annida Online, kapundhut 27 Fèbruari 2015