Situ Patengan

Saka Wikipédia Jawa, bauwarna bébas abasa Jawa
Situ Patengang

Situ Patengan ya iku salah sijiné objek wisata kang ana ing désa Patengan, kacamatan Rancabali, kabupatàn Bandung.[1] Situ Patengan utawa Situ Patenggang asalé saka basa Sunda.[1] Situ artine dano, déné Petengan utawa Patenggang asalé saka tembung pateangan-teangan kang artine padha golèk.[1] Ambane taman wisata iki 17 ha, déné ambané danone 48 ha.[2] Situ Patengan iki jaraké sakiwa-tengené 47 kilomèter saka sisih kidul pusat kutha Bandung.[3] Ing panggonan iki diubengi karo kebun teh Rancabali kang bisa mikat ati.[3]

Carita Mula Bukane Situ Patengan[besut | besut sumber]

Ana sepasang nom-noman ya iku sawijining pangeran kang jenenge Raden Indrajaya lan sawijining putri kang jenenge Dewi Rengganis.[1] Amarga ana sawijining masalah, kekarone padha pepisahan. Kekarone padha sedhih nganti nangis ora lèrèn-lèrèn.[1] saya suwé luh kang diteteske mbentuk dano.[1] Kekarone padha-padha goleki lan pungkasane katemu ana ing sawijining watu kang diarani watu katresnan.[1] Dewi Rengganis jaluk digawekake pulo lan prahu marang sang pangeran kanggo ngubengi dano.[1] Banjur prau mau malih dadi sawijining pulo kang bentuke waru kang diarani Pulo Asmara utawa Pulo Sasaka.

Carita kang ana ing dhuwur, dadekake sawijining mitos ya iku tumrap pasangan nom-noman kang kepéngin hubungane langgeng, bisa teka ing Situ Patengan lan bebarengan numpak prau ngubengi dano nganti tekan Pulo Asmara lan Watu katresnan.[1]

Cathetan suku[besut | besut sumber]

  1. ^ a b c d e f g h i wisatamelayu.com Diundhuh tanggal 23 Juli 2011
  2. ^ jalanjajanhemat.com Diundhuh tanggal 26 Juli 2011
  3. ^ a b bdgyes.com Diundhuh tanggal 26 Juli 2011

Uga delengen[besut | besut sumber]