Sitta carolinensis

Saka Wikipédia Jawa, bauwarna bébas abasa Jawa
Jump to navigation Jump to search
Sitta carolinensis ing Taman Provinsial Algonquin, Kanada
Péta sumebaring sitta carolinensis ing Amérika Lor

Sitta carolinensis (Inggris white-breasted nuthatch) iku sawijining manuk ocèh-ocèhan cilik sing urip lan abudidaya ing alas tuwa saindhening Amérika Lor sing hawané moderat. Manuk iki awaké mblenuk, endhasé gedhé, buntuté cendhak, cucuké kuwat, lan sikilé rosa. Awaké bagéan dhuwur iku warnané biru abu-abu, lan rai saha bagéan ngisoré iku putih. Pucuk endhasé ireng lan wetengé coklat semu abang. Sangang subspèsiès manuk iki prabédané anané ing warna wuluné.

Kaya manuk sittadae liyané, sitta carolinensis iku gawéané saba lan golèk kéwan gegremetan ing batang wit lan pang-pangé. Manuk iki bisa obah munggah-medhun menawa mèncok ing uwit kamangka endhasé papané ing ngisor. Wiji-wijian iku dadi pangané salawasé mangsa atis. Susuhé iku lèng ing uwit.