Simon Kuznets

Saka Wikipédia Jawa, bauwarna mardika basa Jawa
Simon Kuznets

Simon Smith Kuznets (Pinsk, Kamaharajan Ruslan (sapunika wonten ing Bélarus), 30 April 1901Cambridge, Massachusetts, Amérikah Sarékat, 8 Juli 1985) misuwur saking studinipun babagan pendapatan nasional lan komponén-komponénipun. Kuznets inggih punika guru besar ngèlmu ékonomi wonten ing Universitas Pennsylvania (1930-1954), Johns Hopkins (1954-1960), lan Harvard (1960-71). Piyambakipun inggih punika présidhèn American Economic Association nalika taun 1954.[1]

Karya[besut | besut sumber]

Kuznets ngéwahi cara pangukuran PDB. Kanthi karya ingkang kawiwitan nalika taun 1930-an lan kalajengaken antawis pinten-pinten dasawarsa, Kuznets ngétang pendapatan nasional wiwit taun 1869. Éwadéné sanès ékonom ingkang angka pisan ing nyobi babagan punika, karya Kuznets kaétang sampurna lan tliti ingkang ngatur standar babagan punika. Karyanipun dipunparingi béya déning lembaga nirlaba National Bureau of Economic Research, ingkang sampun kawiwitan nalika taun 1920. Kuznets lajeng mbiyantu U.S. Department of Commerce kanggé menstandardisasi pangukuran Produk Nasional Bruto. Nanging wonten ing pungkasaning taun 1940-an, piyambakpun kapecah kaliyan departemen punika margi nolak migunakaken PDB kanggé ngukur pedamelan rumah tangga amargi punika minangka komponèn produksi ingkang wigati.[2]

Lajeng, Kuznets mbiyantu ngembangaken revolusi Keynes. Pangukuran Kuznets ugi mbiyantu nglajengaken studi babagan ekonometri ingkang dipundhirikaken déning Ragnar Frisch lan Jan Tinbergen. Kuznets nyaketi karya punika kanthi mituruti fakta lan kapéngin mangertosi fenomena ékonomi lumantar pangukuran ingkang kuantitatif. Piyambakpiun sampun miwiti nalika dumunung wonten ing Ruslan: piyambakipun minangka kepala BPS wonten ing Ukraina wonten ing masa Bolshevik sadéréngipun pindhah dhateng Amérikah Sarékat wonten ing yuswa 21 taun.[3]

Salah satunggaling penemuan Kuznets sanèsipun inggih punika efek pertumbuhan ékonomi wonten ing distribusi pendapatan. Wonten ing nagari ingkang miskin, Kuznets manggihaken bilih pertumbuhan ékonomi nambah disparitas pendapatan antawis tiyang sugih kaliyan tiyang miskin. Wonten ing nagari ingkang makmur, pertumbuhan ékonomi nyempitaken babagan punika. Kajawi punika, Kuznets nganalisis lan nguantifikasi sipat ngambali produksi lan refi wonten ing jangka wekdal 15-20 taun. Siklus perdagangan ingkang makaten punika dipunsebut minangka "siklus Kuznets" éwadéné dipuntentangaken.[4]

Penghargaan[besut | besut sumber]

Kuznets pikantuk Penghargaan Bank Swèdhen wonten ing Ilmu Ékonomi kanggé méngeti Alfred Nobel. Kathah ékonom ingkang pitados bilih Kuznets pikantuk Bebungah Nobel Ékonomi taun 1971 kanggé pangétangan pendapatan nasional. Nanging kasunyatanipun, piyambakipun pikantuk penghargaan punika kanggé karya émpiris babagan pertumbuhan ékonomi. Wonten ing karya punika Kuznets ngidentifikasi éra ékonomi énggal-ingkang dipunsebut "pertumbuhan ékonomi modern"—ingkang kawiwitan wonten ing Éropa Barat ing palih pungkasan abad angka 18.

Cathetan suku[besut | besut sumber]

  1. http://www.nobelprize.org/nobel_prizes/economics/laureates/1971/kuznets-autobio.html
  2. http://global.britannica.com/EBchecked/topic/325734/Simon-Kuznets
  3. http://www.econlib.org/library/Enc/bios/Kuznets.html
  4. "Archive copy" (PDF). Diarsip saka sing asli (PDF) ing 2012-12-02. Dibukak ing 2013-01-30.{{cite web}}: CS1 maint: archived copy as title (link)

Pranala njaba[besut | besut sumber]