Silek Minangkabau

Saka Wikipédia Jawa, bauwarna bébas abasa Jawa
Silek Minangkabau utawi Silat Minangkabau

Silek Minangkabau utawi Silat Minangkau inggih punika seni bela dhiri saking Minangkabau, Sumatra Kilèn, Indonésia ingkang turun tinurun saking génerasi satunggal dhateng génerasi sangandhapipun.[1] Tiyang Minang gadhah tradisi remen ngrantau wiwit rumiyin.[2] Kangge ngrantau punika tiyang Minang kedah gadhah sangu kanggé njagi badan pribadi nalika ing margi utawi ing rantau, tuladhanipun manawi dipunkroyok utawi dipunbégal tiyang ingkang awon.[2]

Sasanèsipun minangka sangu kanggé ngrantau, silek wigati kanggé njagi nagari saking anceman saking njawi.[2] Wewengkon Minangkabau ing sisih tengah Sumatera inggih punika dados tlatah ingkang subur lan dados prodhusén rempah-rempah wiwit abad kapisan masehi.[2] Amargi saking punika, sikek ugi gadhah mangfaat njagi tlatah kasebat saking anceman kaamanan.[2] Sikek Minangkabau gadhah mangfaat minangka:

  • panjago diri (njagi badan pribadi saking tiyang awon), lan
  • parik paga dalam nagari (sistem pertahanan nagari).[2]

Kangge kalih mangfaat punika, masarakat Minangkabau ing wekdal rumiyin kedah gadhah sistem pertahanan ingkang saé kanggé njagi badan pribadi lan negerinipun saking anceman mungsuh.[2] Silek boten namung dados piranti bela dhiri, ananging ugi dados dhasar obahan kasenian randai (drama Minangkabau).[2]

Pranala njawi[besut | besut sumber]

Cathetan suku[besut | besut sumber]

  1. ^ [Hiltrud Theresia Cordes. Pencak Silat, die Kampfkunst der Minangkabau und ihr kulturelles Umfeld. Ed 2. Afra Verlag. 2000]
  2. ^ a b c d e f g h [Kirstin Pauka. A Flower of Martial Arts: The Randai Folk Theatre of the Minangkabau in West Sumatra. Asian Theatre Journal, Vol. 13, No. 2 (Autumn, 1996), pp.167-191]