Salat jenazah

Saka Wikipédia Jawa, bauwarna bébas abasa Jawa
(Dilih saka Shalat jenazah)
Salat jenazah ing Iran.

Salat Jenazah iku jinis salat sing diayahi tmrap jenazah muslim. Saben muslim sing tilar donya lananang utawa wadon dishalati déning muslim sing isih urip kanthi status ukum fardhu kifayah.

Sarat[besut | besut sumber]

Sarat sajeroning panyelenggaraan salat iki ya iku:

  • Sing ngayahi salat kudu ngebaki sarat sah salat kanthi umum (nutup aurat, suci saka hadas, ngadhep kéblat lsp)
  • Jenazah/Mayit kudu wis diadusi lan dikafani.
  • Jenazah didèlèh ing sisih wong sing ngayahi salat, kajaba diayahi ing kubur utawa salat ghaib.

Rukun Salat Jenazah[besut | besut sumber]

Salat jenazah ora nganggo ruku', sujud utawa iqamah, nanging sajeroning posisi ngadeg wiwit takbiratul ihram nganti salam. Ing ngisor iki urutané:

  1. Niat, kaya déné salat-salat liyané cukup diucapaké sajeroning batin ora perlu dilafalaké. [1][2] Niat salat jenazah

> Tumrap jenazah wong lanang : " Ushalli 'alaa haadzal mayyiti arba 'a takbiiraatin fardhal kifaayati ma'muumam/imaaman lillahi ta'aalaa, Allahu akbar "

> Tumrap jenazah wanita : " Ushalli 'alaa haadzihil mayyiti arba 'a takbiiraatiin fardhal kifaayati ma'muuman/imaaman lillahi ta 'aalaa, Allaahu akbar "

  1. Takbiratul Ihram pisanan banjur maca surat Al Fatihah
  2. Takbiratul Ihram kaloro banjur maca shalawat marang Rasulullah SAW minimal :"Allahumma Shalli 'alaa Muhammadin" maknané : "Yaa Allah paringana salawat marang Muhammad"
  3. Takbiratul Ihram katelu banjur maca donga kanggo jenazah minimal:"Allahhummaghfir lahu warhamhu wa'aafihi wa'fu anhu" sing maknané : "Yaa Allah ampuni panjenengané, paringana rahmat, kasajahtran lan apuranen panjenengané". Yèn jenazah sing dishalati iku wanita, wacan Lahuu diganti nganggo Lahaa. Dadi tumrap jenazah wanita wacané dadi: "Allahhummaghfir laha warhamha wa'aafiha wa'fu anha". Yèn mayité akèh wacané Lahuu diganti Lahum. Dadi kanggo jenazah sing akèh wacané dadi: "Allahhummaghfir lahum warhamhum wa'aafihim wa'fu anhum"
  4. Takbir kapapat banjur maca donga minimal:"Allahumma laa tahrimnaa ajrahu walaa taftinna ba'dahu waghfirlanaa walahu." sing maknané : "Yaa Allah, aja nganti pahalané ora teka utawa aja Panjenengan nguculaké kita ngenani pahalané, lan aja nganti Panjenengan maringi kita fitnah sapungkuré, sarta ampuni kita lan dhèwèké." Yèn jenazahé wanita, wacané dadi: "Allahumma laa tahrimnaa ajraha walaa taftinna ba'daha waghfirlanaa walaha."
  5. Ngucapaké salam

Salat Ghaib[besut | besut sumber]

Yèn ana kulawarga utawa muslim liya sing tilar donya ing panggonan sing adoh saéngga jenazahé ora bisa dihadiraké bisa dianakaké salat ghaib tumrap jenazah kasebut. Pelaksanaané padha karo salat jenazah, mung bédané ana ing niyat shalaté.

Niat salat ghaib :"Ushalli 'alaa mayyiti (Fulanin) al ghaaibi arba'a takbiraatin fardlal kifaayati lillahi ta'alaa"

Maknané : "aku niyat salat gaib kanggo mayit (fulanin) patang takbir fardu kifayah minangka (makmum/imam) amarga Allah""

tembung fulanin diganti nganggo jeneng mayit sing dishalati.

Rujukan[besut | besut sumber]