Setadhiyon Manahan
Setadhiyon Manahan (Carakan: ꦱꦼꦠꦣꦶꦪꦺꦴꦤ꧀ꦩꦤꦃꦲꦤ꧀; cara Indonésia: Stadion Manahan) yaiku sawijining setadhiyon sarwaguna kang mapan ana ing Kutha Surakarta, Jawa Tengah, Indonésia. Setadhiyon iki bisa ngamot 20.000 wong[1] lan dadi kandhangé klub Persis Surakarta[2] lan Timnas bal-balan Indonésia (mligi ing gelaran AFF 2024)[3].
Ing taun 2011, Manahan dadi setadhiyon Indonésia kang sepisanan bisa nggelar ASEAN Para Games 2011, adicara ulah raga dhisabilitas gedhé dhéwé sak-Asia Kidul-wétan. Setadhiyon iki diresmèkaké déning H.M. Soeharto, Présidhèn RI ka-2 nalika tanggal 21 Fèbruari 1998.
Sajarah
[besut | besut sumber]Setadhiyon Manahan iku madeg minangka asiling panyengkuyung saka Yayasan Ibu Tien Soeharto. Wiwit dibangun ing taun 1989 migunakaké palemahan kang jembaré 170.000 m² kanthi ambané wangunan yaiku 33.300 m².[4] Suwéné wektu kang dibutuhaké kanggo mbangun udakara 9 taun, banjur meneri dina Setu, 21 Fèbruari 1998, Setadhiyon Manahan karesmèkaké déning Présidhèn ka-2 Républik Indonésia, H.M. Soeharto.
Data Tèhnis
[besut | besut sumber]- Ambané kukuban komplèks: 170.000 m².
- Ambané wangunan setadhiyon: 33.300 m².
- Ukuran lapangan setadhiyon: 75 x 111 m²
- Jinis suket: Dactylon Cynodon (suket bermuda)
- Lintasan: mlayu, atlétik, lan mlumpat adoh
- Gerbang mlebu komplèks setadhiyon: 5 iji
- Lawang mlebu setadhiyon: 4 iji
- Lawang mlebu panonton menyang tribun: 24 iji
- Dawané let antarané pager lan panonton: 20 m
- Daya panerangan: 53.000 watt
Gladri
[besut | besut sumber]-
Tetandhingan antarané Persis Solo vs Semen Padang taun 2025. -
Adicara panutupan gelaran ulah raga Peparnas XVII taun 2024. -
Setadhiyon Manahan minangka kandhangé Persis Solo ing Liga Primer Indonesia taun 2011. -
Patung Obor Manahan.
.jpg)
Kapustakan
[besut | besut sumber]- ↑ Putra, Agil Trisetiawan. "Ternyata Jumlah Kursi Stadion Manahan 20.000 Plus 3". detikjateng (ing basa Indonesia). Dibukak ing 2025-03-12.
- ↑ "Dapat Dukungan dari Pemkot Solo, Persis Bisa Gunakan Stadion Manahan untuk Liga 2". BolaSkor (ing basa Indonesia). 2020-03-07. Dibukak ing 2025-03-12.
- ↑ antaranews.com (2024-12-04). "Profil Stadion Manahan Solo, markas Timnas Indonesia di Piala AFF 2024". Antara News (ing basa Indonesia). Dibukak ing 2025-03-12.
- ↑ Media, Kompas Cyber (2023-06-04). "Profil Stadion Manahan, Gelanggang Olahraga Versi Mini GBK Halaman all - Kompas.com". KOMPAS.com (ing basa Indonesia). Dibukak ing 2025-03-12.