Prajurit

Saka Wikipédia Jawa, bauwarna mardika basa Jawa
(Kaelih saka Serdadu)
Barkas:Indonésia Army soldiers.jpg
Barkas:Indonésian Army infantryman participating in the GPOI.jpg
Prajurit Indonésia
Prajurit

Prajurit utawa kerep diarani saradhadhu utawa bala (Basa Inggris: Soldier, Basa Walanda: Soldaat) tegesé anggota angkatan perang siji bangsa; déné, prajurit kang dibayar kanggo ngabdi marang angkatan perang liya diarani prajurit bayaran (mercenary).[1] Sajeroning basa-basa liya prajurit nyakup perwira, bintara lan tamtama ing Angkatan Dharat siji nagara.

Tembung asal saka Romawi iki dirujuk déning akèh basa ing donya kaya ta Basa Prancis: soldat lan solde, Basa Jerman: Soldat lan Sold, Basa Swèdhen Soldat lan Sold kang tegesé bayaran marang prajurit, Basa Romania Soldat, Basa Spanyol: soldado lan soldada utawa sueldo, Basa Portugis: soldado lan soldo, Basa Walanda: soldaat lan soldij, Basa Italia: soldato lan soldo, Basa Arab "جندي" (Jondi), utawa "مجنّد" (mojannad), utawa "عسكري" (askari) sajeroning dialèk Basa Libanon lan uga Basa Sudan lan Basa Turki asker.

Prajurit Indonésia[besut | besut sumber]

Ing Indonésia, prajurit iku warga nagara Indonésia kang nyukupi syarat mau sajeroning undhang-undhang lan diangkat déning pejabat kang duwé wewenang, kanggo ngabdi sajeroning dinas kaprajuritan. Prajurit dumadi saka Prajurit Sukarela lan Prajurit Wajib. Prajurit Sukarela lan Prajurit Wajib, loro-loroné ngayahi dinas kaprajuritan kanthi ikatan dinas.

Sifat prajurit[besut | besut sumber]

Prajurit kudu duwé sipat-sipat ing ngisor iki:

Pamérangan[besut | besut sumber]

Prajurit diklompokaké sajeroning golongan kapangkatan perwira, bintara, lan tamtama. Saben prajurit diwènèhi pangkat minangka keabsahan wewenang lan tanggung jawab hirarki kaprajuritan. Pangkat prajurit mau miturut sifaté bisa dibedakaké ana telu, ya iku:

  1. pangkat efektif, diwènèhké marang prajurit sajeroning ngayahi dinas kaprajuritan lan ngandhut akibat administrasi kang jangkep;
  2. pangkat lokal, diwènèhké kanggo sauntara wektu marang prajurit kang ngayahi tugas lan kalungguhan mirunggan kang sifaté sauntara wektu, sarta merlokaké pangkat kang luwih dhuwur saka pangkat kang didarbèni, kanggo keabsahan pelaksanaan tugas kalungguhan mau nanging ora ngandhut akibat administrasi; lan
  3. pangkat tituler, diwènèhaké kangggo sauntara wektu marang warga nagara kang diperlokaké lan sanggup ngayahi tugas kalungguhan kaprajuritan tinamtu sajeroning TNI. Pangkat iki mung dianggo samangsa isih mengku kalungguhan kaprajuritan mau, sarta ngandhut akibat administrasi sawatara (terbatas).

Pengangkatan[besut | besut sumber]

Persyaratan umum[besut | besut sumber]

Persyaratan umum kanggo dadi prajurit ya iku: a. warga nagara Indonésia; b. iman lan bertakwa marang Pangéran kang Maha Tunggal; c. setia marang Nagara Kesatuan Républik Indonésia kang dhedhasar Pancasila lan Undang-Undang Dasar Nagara Républik Indonésia Taun 1945; d. wektu dilantik dadi prajurit umur paling sithik 18 taun; e. ora duwé cathetan kriminalitas kang dinyatakaké kanthi tinulis déning Kepulisian Républik Indonésia; f. séhat jasmani lan rohani; g. ora pinuju kèlangan hak dadi prajurit dhedhasar putusan pengadilan kang wis duwé kekuwatan hukum tetep; h. lulus pendidikan pisanan kanggo gawé prajurit siswa dadi anggota TNI; lan

Pendidikan[besut | besut sumber]

Pendidikan kanggo kanggo pangangkatan prajurit awujud pendidikan perwira, bintara, lan tamtama. Kanggo golongan Perwira disiapaké rong jalur, ya iku pendidikan pisanan kanggo perwira kang asalé langsung saka masarakat lan kanggo kang asalé saka prajurit golongan bintara. Tumrap kang asal saka masarakat diwangun liwat pendidikan ing Akademi TNI, kanthi sumber saka lulusan Sekolah Lanjutan Tingkat Atas; lan liwat jalur Sekolah Perwira, kanthi sumber saka lulusan Sekolah Lanjutan Tingkat Atas utawa Pawiyatan Luhur. Déné Pendidikan pembentukan perwira kang asalé saka prajurit golongan bintara, disiapaké liwat jalur Sekolah Calon Perwira. Kanggo golongan bintara diwangun liwat pendidikan pisanan bintara kang asal langsung saka masarakat; lan pendidikan pembentukan bintara kang asal saka prajurit golongan tamtama. Golongan Tamtama diwangun liwat pendidikan pisanan tamtama kang langsung saka masarakat.

Pangangkatan[besut | besut sumber]

Prajurit Perwira diangkat déning Présidhèn saka usul Panglima, Bintara lan tamtama diangkat déning Panglima. Para prajurit kang diangkat mau kudu ngucapaké Sumpah Prajurit. Kanggo golongan Perwira, saliyané ngucapaké Sumpah Prajurit, uga kudu ngucapaké Sumpah Perwira. Saliyané ngucapaké sumpah, para prajurit kudu ngugemi Kodhe Etik Prajurit lan kanggo golongan Perwira kudu ngugemi Kodhe Etik Prajurit lan Kodhe Etik Perwira. Miturut Undhang-undhang TNI, prajurit ora kena mèlu-mèlu:

  • kagiyatan dadi anggota parté pulitik;
  • kagiyatan pulitik praktis;
  • kagiyatan bisnis; lan
  • dipilih dadi anggota lègislatif sajeroning pemilihan umum lan kalungguhan politis liyané.

Hak Prajurit[besut | besut sumber]

  1. Saben prajurit migunakaké klambi seragam, atribut, perlengkapan, lan peralatan militèr miturut tuntutan tugasé.
  2. Saben prajurit olèh kasempatan kanggo ngembangaké kamampuan liwat pendidikan lan penugasan, kanthi migatèkaké kapentingan TNI sarta syarat yang wis ditentokaké.
  3. Saben prajurit olèh kasempatan nampa munggah pangkat lan kalungguhan dhedhasar prestasiné.
  4. Prajurit kang nampa tugas kanthi ngurbanaké jiwa lan raga kanthi langsung lan duwé jasa ngluwihi tuntutan tugasé, bisa nampa munggah pangkat luar biyasa.
  5. Saben prajurit TNI nduwé hak nampa pengasilan kang layak lan dibiayai kabèh saka anggaran pertahanan nagara kang sumberé saka anggaran pendapatan lan blanja nagara.
  1. Prajurit lan prajurit siswa nampa kabutuhan dhasar prajurit antarané:

a. perlengkapan perseorangan lan b. klambi seragam dinas.

  1. Prajurit lan prajurit siswa nampa rawatan lan layanan kedinasan, antarané:

a. pengasilan kang layak; b. tunjangan kulawarga; c. perumahan/asrama/mess; d. rawatan kaséhatan; e. pembinaan mental lan pelayanan keagamaan; f. bantuan hukum; g. asuransi kaséhatan lan jiwa; h. tunjangan hari tuwa; lan i. asuransi penugasan operasi militèr.

  1. Kulawarga prajurit nampa rawatan kedinasan, antarané:

a. rawatan kaséhatan; b. pembinaan mental lan pelayanan keagamaan; c. bantuan hukum.

  1. Pengasilan layak kanggo para prajurit aktif ditampa saben sasi awujud:

a. gaji pokok prajurit; b. tunjangan kulawarga; c. tunjangan operasi; d. tunjangan kalungguhan; e. tunjangan mirunggan; lan f. lauk pauk utawa natura.

  1. Prajurit kang dipungkasi tugasé kanthi pakurmatan nampa rawatan lan layanan purnadinas, wujud pensiun, tunjangan bersifat pensiun, tunjangan utawa pesangon lan rawatan kaséhatan.
  2. Prajurit lan prajurit siswa nduwé hak nampa tandha jasa kanagaraan dhedhasar prestasi lan jasa-jasané marang nagara.

Mungkasi tugas[besut | besut sumber]

Prajurit ngayahi dinas keprajuritan nganti umur paling dhuwur 58 taun kanggoné perwira, lan 53 taun kanggo bintara lan tamtama. Prajurit dipungkasi dinasé kanthi pakurmatan amarga salah siji saka sebab-sebab: dhedhasar panjaluké dhéwé; wis entèk mangsa ikatan dinas; wis mangsa pensiun; ora nyukupi syarat jasmani utawa rohani; palastra, tewas, utawa tilar donya; alih status dadi punggawa nagari sipil; mengku kalungguhan kang miturut peraturan perundang-undangan, ora bisa diwengku déning siji prajurit aktif; lan dhedhasar pertimbangan mirunggan kanggo kapentingan dinas. Prajurit dipungkasi dinasé tanpa pakurmatan amarga nduwé tabiat utawa tindak tanduk kang ngrugèkaké disiplin kaprajuritan utawa TNI.

Rujukan[besut | besut sumber]

  1. "mercenary." The American Heritage® Dictionary of the English Language, Fourth Edition. Houghton Mifflin Company, 2004. 16 May. 2009. <Dictionary.com http://dictionary1.classic.reference.com/browse/mercenary[pranala mati permanèn]>.

Sumber[besut | besut sumber]

  • Undhang undhang TNI