Seno Nugroho
Seno Nugroho utawi Ki Seno Nugroho (lair ing Yogyakarta, 23 Agustus 1972; umur 52 taun) inggih punika seniman saking Indonésia. Namanipun kawentar minangka dhalang ringgit wacucal ingkang nyamboraken gagrag Surakarta kaliyan gagrag Yogyakarta. Kajawi saking punika, ingkang damel piyambakipun kawentar inggih punika nalika ngecakaken paragan panakawan (Semar, Garèng, Pétruk, Bagong) kanthi gegujengan ingkang spontan, kontèkstual, aktual, kaliyan lucu. Ki Seno Nugroho ugi naté kaulem nggelar pakaryanipun wonten nagari Walandi kaliyan Bèlgi.[1]
| Ki Seno Nugroho | |||
|---|---|---|---|
| Informasi Pribadi | |||
| Tanggal lair | 23 Agustus 1972 | ||
| Papan lair | Yogyakarta, Indonesia, | ||
| Tanggal Tilar Donya | Novèmber 3, 2020 (umur 48) | ||
| Papan Tilar Donya | Sleman, Daerah Istimewa Yogyakarta, Indonesia, TPU Semaki Gede, Yogyakarta | ||
Latar wingking
[besut | besut sumber]Ki Seno Nugroho wmiwiti donyaning padhalangan awit yuswa 10 taun, kaliyan miwiti nyambut damel minangka dhalang ing yuswa 15 taun, nalika taksih nyuwita ing pawiyatan Sekolah Menengah Kesenian Yogyakarta. Amargi sutresnanipun marang Ki Manteb Soedharsono, ingkang damel Ki Seno tuhu tresna dhumateng padhalangan kaliyan nguri-uri punika dumugi wekdal sapunika. Ki Seno pancèn dèrèng kagungan sanggar padhalangan piyambak, nanging kadhang kala wonten piyantun saking mancanagari ingkang ngangsu kawruh babagan padhalangan marang piyambakipun. Piyambakipun kagungan kempalan karawitan nama Wargo Laras ingkang pangrawitipun kirang-langkung 50 tiyang.
Piyambakipun gadhah paguyuban sutresna ingkang dipunwastasi PWKS (Penggemar Wayang Ki Seno Nugroho). Dhalang punika ugi gadhah siyaran langsung lumantar médhiyah YouTube kanggé nepangaken ringgit wacucal wonten bebrayan agung.[2] Uleman ngawontenaken pagelaran biyasanipun saking kampus utawi lembaga.[3]
Sedanipun
[besut | besut sumber]Ki Seno Nugraha seda rikala surya kaping 3 November 2020, wanci tabuh jam 22.15 WIB wonten ing griya sakit PKU Muhammadiyah Gamping, Sleman jalaran serangan jantung sakbubaripun olahraga sepedha onthel. Wonten ing dinten Rebo, surya 4 November 2020, Ki Seno Nugroho dipunsareaken ing TPU Semaki Gede, Umbulharjo, Yogyakarta. Nilar garwa, Agnes Widyasmoro lan 3 putranipun.
Rujukan
[besut | besut sumber]- ↑ "Kisah Dalang Ki Seno Nugroho, Jadwal Pentas Setiap Hari hingga Live Streaming". Kompas. Dibukak ing 2019-12-03.
- ↑ Kayam, Umar, 1932-2002. (2001). Kelir tanpa batas (édhisi ka-Cet. 1). [Yogyakarta]: Gama Media untuk Pusat Studi Kebudayaan (PSK) UGM, dengan bantuan The Toyota Foundation. ISBN 9799552060. OCLC 48642600.
{{cite book}}: CS1 maint: multiple names: authors list (link) - ↑ "Dalang Wayang : Ki Seno Nugroho, Lahir di Yogya". Informasi Wayang Nusantara (ing basa Indonesia). 2018-01-30. Diarsip saka sing asli ing 2019-05-26. Dibukak ing 2019-05-26.