Segara Cina Kidul

Saka Wikipédia Jawa, bauwarna bébas abasa Jawa

Segara Cina Kidul ya iku segara pinggir minangka pérangané Samudra Pasifik sing nyakup laladan saka Singgapur nganti Selat Taiwan; watara 3.500.000 km² jembaré. Minangka badan segara gedhé angka enem, segara iki nglimputi kapuloan sing dumadi saka atusan pulo. Segara iki mligi diarani Segara Kidul ing dharatan Cina.

Jeneng[besut | besut sumber]

Ing September 2012, Présidhèn Filipina Benigno Aquino III nandatangani Perintah Administratif No. 29 wajibaké saben kabèh badan pemerintah gawé jeneng "Segara Filipina Kulon" kanggé nyebut wilayah Segara Cina Kidul ing wilayah zona ékonomi eksklusif Filipina lan ngutus National Mapping and Resource Information Authority (NAMRIA) kanggé gawé jeneng iki ing peta-peta resmi.[1]

Ing Juli 2017, Indonésia ganti jeneng batas lor saka zona ékonomi eksklusif ing Segara Cina Kidul weké déwé dadhi "Segara Natuna Lor" sing ana ing sisih lor Kepulauan Natuna, sing duwé batas karo ZEE kidul Vietnam dan sebagian kidul Segara Cina Kidul.[2][3] Dadhiné, Indonésia uwis wènèhi jeneng kanggé wilayah banyu sing ing jero Segara Cina Kidul, ya iku Segara Natuna, ing antara Kapuloan Natuna karo Kepulauan Lingga lan Kapuloan Tambelan, uga Segara Natuna Lor ing antara Kapuloan Natuna dan Cape Cà Mau sing ana ing ujung kidul Delta Meking ing Vietnam.

Géografi[besut | besut sumber]

Biro Hidrografi Internasional (International Hydrographic Bureau) ndefinisèkaké segara iki mbentang ing arah kidul-kulon tekan wétan segara, sing wates kidulé 3° Lintang Kidul antara Sumatra Kidul lan Kalimantan (Selat Karimata), lan wates loré ya iku Selat Taiwan saka ujung lor Taiwan nganti pasisir Fujian ing Cina Dharatan.

Nagara-nagara lan wewengkon sing wewatesan karo segara iki antarané: Républik Rakyat Cina, Makau, Hong Kong, Républik Cina (Taiwan), Filipina, Malaysia, Brunei, Indonésia, Singapura, Muang Thai, Kamboja, lan Vietnam.

Kapuloan[besut | besut sumber]

Ing segara iki, ana punjul 200 pulo lan karang sing diidentifikasi, akèh-akèhé ing laladan Kapuloan Spratly. Kapuloan Spratly kasebar 810 nganti 900 km sing ngliputi watara 175 fitur insuler sing diidentifikasi, sing paling gedhé dadi Kapuloan Taiping (Itu Aba) sing dawané 1,3 km lan kanthi elevasi 3,8 m.

Uga delengen[besut | besut sumber]

Rujukan[besut | besut sumber]

  1. ^ West Philippine Sea Limited To Exclusive Economic Zone, September 14, 2012, International Business Times
  2. ^ Prashanth Parameswaran (17 July 2017). "Why Did Indonésia Just Rename Its Part of the South Cina Sea?". The Diplomat. 
  3. ^ Tom Allard; Bernadette Christina Munthe (14 July 2017). "Asserting sovereignty, Indonésia renames part of South Cina Sea". Reuters. 

Pranala njaba[besut | besut sumber]