Sasando

Saka Wikipédia Jawa, bauwarna bébas abasa Jawa
Sasando ngasilaké swara kombinasi saka harpa, piano, lan gitar

Sasando ya iku piranti musik tradhisional saka Rote kang bisa ngasilaké swara kombinasi saka piranti musik liyané ya iku harpa, piano, lan gitar.[1] Sasando nggabung telung piranti musik ing sajeroning sawijining ritmus, mélodi, lan bas.[1]

Dadi sanajan piranti musik tradhisional, universalitas sasando bisa ing sakabehané.[1] Wujudé sasando memper karo perangkat musik petik liyané kaya ta gitar, piyul, lan kecapi.[2] Pérangan utama sasando awujud tabung dawa kang padatan digawé saka pring.[2] Pérangan tengahe, mlungker saka ndhuwur mengisor diwènèhi ganjelan supaya senar-senar kang dipenthang ing tabung bisa ana jaganane.[2] Ganjelan-ganjelan iki bisa ngasilaké nada kang bedha ing saben-saben ungeling senar.[2] Tabung sasando diglethakake sajeroning wadhah kang digawé saka anyaman godhong lontar kang digawé kaya kipas.[2] Wadhah iki minangka papan resonansi sasando.[2] Sasando nduwé senar kang akèh.[2] Sasando kang nduwé senar cacahé 28 diarani Sasando Engkel.[2] Déné sasando kang cacahé senar 56 (ana uga kang 84 senar) diarani Sasando Dobel.[2] Cara ngunekake sasando iku kaya déné gitar ya iku dipetik.[2] Sasando diunekake nganggo tangan loro, kiwa manengen lan tengen mangiwa.[1] Tangan kiwa kanggo ngungelake melodi lan bass, déné kang tengen kanggo ngungelake akord.[1] Saiki, sasando wis akèh dimodifikasi wujudé miturut kapreluane.

Cathetan suku[besut | besut sumber]

  1. ^ a b c d e Generasi Sasando Terakhir Dari Pulau Rote (dipuntingali 1 Agustus 2011) Masalah sitiran: Tenger <ref> ora trep; jeneng "satu" diwedharaké ping bola-bali déné isiné béda
  2. ^ a b c d e f g h i j Sasando