Sartono Kusumaningrat

Sartono Kusumaningrat (pangéja baku: Sartana Kusumaningrat, wiyosan ing Sléman, 12 Nopèmber 1964) inggih punika sastrawan Jawi kaliyan Indonésia, citrakarsa (pelukis), lan kartunis.

Babad urip

Pawiyatan ingkang sampun dipuntindakaken inggih punika SD Karitas (lulus 1977), SMP Karitas (lulus 1981), SMA BOPKRI (lulus 1984), lajeng Fakultas Sastra UGM (lulus 1983). Sanèsipun, Sartono ugi ndhèrèki kursus nonformal kados ta (1) kepemimpinan OSIS saking Kanwil Depdikbud DIY ing taun 1981, (2) gladhi panyerating sekénariyo cariyos télévisi saking Setasiun TVRI Yogyakarta ing taun 1986, (3) panyerating cariyos cekak saking Dirjen Kebudayaan sesarengan kaliyan Kundha Kabudayan DIY ing taun 1989, (4) pramuwisata saking Kanwil Departemen Tenaga Kerja DIY ing taun 1991, (5) wulangan basa Walanda saking Yayasan Karta Pustaka Yogyakarta ing taun 2003.

Sartono ugi nganggé nama Albert Sartono, A. Sartono, utawi Sartono Kusumaningrat. Kajawi nyerat, panjenenganipun ugi dados citrakarsa kartun.