Sangiran

Saka Wikipédia Jawa, bauwarna bébas abasa Jawa
Sana Warisan Donya UNESCO
Sangiran Early Man Site
Janeng ing Pratélan Warisan Donya
Museum Purbakala Sangiran 1.JPG
Jinis Budaya
Wewaton iii, vi
Rujukan 593
Tlatah UNESCO Asia-Pacific
Sujarah prasasti
Prasasti 1996 (Sési 20th)
Pithecanthropus

Sangiran iku situs penggalian arkéologi kang dumunung ing Pulo Jawa ing Indonésia. Tlatah iki jembaré watara 48 km² lan dumunung ing Jawa Tengah, udakara 15 kilometer saloré Surakarta ing lembah Bengawan Solo. Ing taun 1996 diakoni minangka salah siji situs warisan donya déning UNESCO.

Ing taun 1934 antropologis Gustav Heinrich Ralph von Koenigswald miwiti neliti tlatah iki. Sajroning penggalian ing taun-taun sabanjuré fossil saka nènèk moyang manungsa, Pithecanthropus erectus ("Java Man", saiki diklasifikasi ulang minangka bagéan saka spesies Homo erectus), ditemokaké ing situs iki. Watara 60 fossil manèh, ing antarané fosil Meganthropus, uga ditemokaké ing tlatah iki.

Dumunung ing désa Krikilan,Kecamatan Kalijambé ( + 40 km saka Sragèn utawa + 17 km saka Solo) Sangiran Dome nyimpen puluhan èwu fosil saka jaman pleistocen ( + 2 yuta taun kapungkur). Fosil-fosil purba iki minangka 65 % fosil hominid purba ing Indonésia lan 50 % ing saindenging donya. Nganti dina iki wis ditemokaké luwih saka 13.685 fosil 2.931 fosil ana ing Museum, sisané disimpen ing gudhang panyimpenan. Minangka ’World Heritage List (Warisan Budaya Donya). Museum iki nduwèni fasilitas-fasilitas antara liya :ruang pamèran (fosil manungsa, kéwan purba), laboratorium, gudhang fosil, ruang slide lan kios-kios souvenir khas Sangiran.

Kaistiméwaan Sangiran, miturut panelitèn para ahli Géologi jaman biyèn ing jaman purba minangka hamparan segara. Akibat prosès géologi lan akibat jeblugan Gunung Lawu, Gunung Merapi, lan Gunung Merbabu, Sangiran owah dadi dharatan. Bab iku dibuktèkaké kanthi anané lapisan-lapisan lemah pambentuk wewengkon Sangiran sing béda banget karo lapisan lemah ing panggonan liya. Saben lapisan lemah kasebut ditemokaké fosil-fosil miturut jinis lan jamané. Umpamané, Fosil kéwan segara akèh tinemu ing Lapisan lemah paling ngisor,sing biyèn arupa segara.

Tumuju Sangiran[besut | besut sumber]

  • Nganggo montor mabur: saka Papan Anggegana Adi Soemarmo Solo diterusaké dalan dharat.
  • Dalan dharat:
    • Saka Solo > Kalijambe > Sangiran ( ± 20 km arah ngalor)
    • Saka Semarang > Purwodadi > Kalijambe > Sangiran
    • Saka Surabaya > Sragen > Kalijambe > Sangiran
    • Saka Yogyakarta > Solo > Kalijambe > Sangiran

Pranala njaba[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Sangiran&oldid=1054305"