Saftari

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Saftari (miyos Payakumbuh, 10 Setember 1971) inggih punika kalebet seniman ingkang boten remen nglukis ngangge skètsa, piyambakipun langkung remen nglukis kanthi spontan ndhèrèk rasanipun. Nglukis langsung wonten ing kanvas miturut saftari langkung ngremenaken.

Kiprah[besut | besut sumber]

Ing 1999, Saftari lan kanca-kancanipun ing Institut Seni Indonesia (ISI) Yogyakarta damel Kelompok Genta ingkang ngrupikaken subkelompok saking kelompok ageng seniman Minang, Sanggar Rekato. Kanca Saftari inggih punika Ardison, Fèbri Antoni, Gusmèn Hériadi, Yon Indra, lan Zulfa Héndra.

Karya[besut | besut sumber]

Ing dalem nglukis, konsep Saftari dipangaribawani déning pangowahan sistem pagesangan jalma. Piyambakipun nglukis babagan ingkang pisah saking ékosistem. Alam lan asil ciptaan jalma dados sesawangan Saftari. Ing lukisan Harmoni dalam seri I, Saftari nglukis wit boten ing lingkungan wana, nanging awujud géomètris lan garis-garis kaku ingkang kaukur. Ing dalem babagan warna, Saftari kalebet seniman ingkang wantun. Ing lukisan Ingin seperti Marcopolo, toya segara dipungambar warna abrit lan ugi ketingal baita ingkang warna pethak wonten ing gumubyuk ombak. Lajeng, ing lukisan imaji batang-batang korek api. Batang korek dipungambar rapi, temumpuk, lan ngginakaken tèknik chiaroscuro ingkang lumayan saé.

Daya Makarya[besut | besut sumber]

Ing dalem kagiyatan seni, Saftari ngakeni menawi kagiyatan seni punika minangka “kajeng reremenan ing dalem kasisahan”. Kawontenan sisah ndamel Saftari prigel ing dalem makarya. Miturut Saftari, makarya ing dalem kawontenan remen, piyambakipun boten kraos pikantuk menapa-napa. Saftari inggih punika tiyang ingkang sensitif lan boten remen menawi dipunrèmèhaken. Ananging, wujud perèmèhan punika ingkang ndadosaken piyambakipun greget ing dalem makarya.

Pangaji[besut | besut sumber]

Wiwit awal, Saftari ndamel lukisan ingkang temanipun punjering lingkungan hidup, nanging piyambakipun boten ngorek perkawis lingkungan punapa malih dados aktivis lingkungan. Konsistensi lan kamatengan punika ingkang ndamel karyanipun pikantuk pangaji saking para panikmat seninipun. Saftari naté dados Finalis of Indofood Art Award tahun 2003 lan ugi naté ngawontenaken pameran tunggal tahun 2008.[1]

Rujukan[besut | besut sumber]

  1. 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. k. 670. ISBN 9789791436298. OCLC 848263279.