Séri BR 344

Séri Baureihe 344 lan 347, sing ditepungi nganti taun 1970 minangka Baureihe V 60 ing basa Jerman iku, lokomotif diesel-hidraulik sing dikarepaké kanggo ladènan langsiran setengah abot darbèné Deutsche Reichsbahn (DR).

Saliyané ing Deutsche Reichsbahn, lokomotif iki uga digunakaké ing werna-werna jawatan pasepuran industri lan patambangan. Udakara 25 persen lokomotif dituju kanggo ngèkspor menyang nagara Comecon . Contoné, badan usaha sepur ing Mesir, Bulgaria, Cékoslowakia lan Aljazair wis nampa lokomotif kasebut.

Sujarah

LEW V 60 D ing Jawatan Sepur Bulgaria

Wiwit taun 1955, Lokomotivbau Karl Marx Babelsberg sajeroning rangka mbangun material anyar, ngembangaké Baureihe V 60 D kanggo dhines langsir setengah abot. Lokomotif-lokomotif iki nampa sebutan V 60 ing Deutsche Reichsbahn, sawisé konversi sistem nomer (ing 1 Juli 1970) séri iki diarani Baureihe 106 . Sawisé lokomotif pungkasan saka seri iki diwènèhi nomer 106 999, lokomotif sing digawé sawisé sesebutan iku diwènèhi jeneng Baureihe 105, amarga nomer 107 wis dienggo Baureihe 107. Ora ana bedané kanthi tèknis antarané Baureihe 105 lan 106.

Ing séri iki uga kalebu 81 lokomotif saka Baureihe 104 mawa mesin sing luwih alus lan optimal lan patbelas V 60 mawa ukuran sepur amba (1520 mm) kanggo palabuhan fèri saka Sassnitz / Mukran.

Baureihe 347

Lokomotif DB-Baureihe 347 ukuran sepur amba ing Mukran (1993).

Ing taun 1986, proyèk lalu lintas gedhèn pungkasan Jerman Wétan diresmèkaké, yaitu awujud palabuhan fèri anyar ing Mukran anyar ing cedhak Sassnitz. Palabuhan fèri iki karepé bakené kanggo nggawé konèksi tanpa alangan antara Jerman Wétan lan Uni Sovyèt. Ing taun 1989 ana limang ladènan fèri sepur sing alayar ing Mukran menyang Klaipėda, Litowen . Amarga rute Éropa Wétan nduwé ukuran ril sing luwih amba (1,520 mm), fèri sepur lan setatsiyun palabuhan sing ambané 340 ha uga diwèhi 24 km ril sepur amba saliyané ril sepur langsir sing dhawané 48 km.

Gladri

• 
  V 60 D asli saka Babelsberg tanpa atepé
• 
  V 60.10 mawa cèt asli ing Eisenbahnmuseum Chemnitz Hilbersdorf
• 
  346 530 (V 60.12) ing Setatsiyun Stendal
• 
  Sajeroning kokpit 106 362 minangka Raban 14
• 
  345 375-0 (MEG-Lok 75) ing Rüdersdorf bei Berlin

Pranala njaba

• Die Baureihe 346 ing DB-Loks.de