Robert H. Lowie

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Robert Harry Lowie (1883-1957) ya iku antropolog saka Amérikah Sarékat turunan Ostenrik. Lowie ngrampungké pawiyatan antropologi ing naungan Boas. Disertasiné ya iku The Test Theme in North American Mythology.[1] Lowie nduwé kaprigelan ngenani antropologi ing daérah Indian Amérika Lor.[1][2] Lumrahé karya Lowie iki nuruti jejak Franz Boas, ya iku nyelidiki difusi unsur-unsur kabudayan sing kompléks ing daérah ing winates.[2] Ing bab iku Lowie èntuk gawé ngintegrasiké data lan bisa nulis rong buku. Buku kasiji Primitive Society taun 1920, isiné bab sistem-sistem paseduluran ing donya kang kawentar ing jagat antropologi lan tataran kemajuan antropologi nganti taun 1920.[1] Buku kaloro ya iku Primitive Religion taun 1924, isiné kabéh konsèp babagan religi kang ana ing antropologi nganti wektu kuwi lan uga ngemu pembahasan téori-téori bab asal mula religi kang paling penting nalika iku. Lowie uga nulis buku The German People (1945) lan Towards Understanding Germany (1954) amarga buku-buku iki, ngèlmu antropologi kang wiwitané kanggo neliti kabudayan suku-suku bangsa ing jaba kabudayan Éro-Amérika, bisa dianggo kanggo neliti bangsa-bangsa Éro-Amérika dhèwé.[1]

Rujukan[besut | besut sumber]

  1. a b c d Koentjaraningrat (1964). Tokoh-tokoh Antropologi. Jakarta: Penerbitan Universitas. k. 38. 
  2. a b Gaillard, Gérald (2004). The Routledge Dictionary of Anthropologists. London: Routledge. k. 70. ISBN 0-203-49900-X.